Saturday, July 6, 2013

ဆဲဗင်းဂျူလိုင် (၅၁)နှစ်အလွန် ကျောင်းသားသမဂ္ဂများနှင့် ကျောင်းသားထုကို ဦးထိန်းပဲ့ပြင်ရေး

ဆဲဗင်းဂျူလိုင် (၅၁)နှစ်အလွန် ကျောင်းသားသမဂ္ဂများနှင့် ကျောင်းသားထုကို ဦးထိန်းပဲ့ပြင်ရေး



ဆဲဗင်းဂျူလိုင် ၅၁ နှစ်ပြည့်

ဆဲဗင်းဂျူလိုင် အရေးတော်ပုံ (၅၁)နှစ် ပြည့်မြောက်ပြီ။

၁၉၆၂ခုနှစ်၊ မတ်လ(၂)ရက်နေ့တွင် ဗိုလ်ချုပ်ကြီးနေ၀င်းဦးစီးသော စစ်တပ်သည် တော်လှန်ရေးကောင်စီဟု အမည်ခံလျက် ဖက်ဒရယ်မူကို အဓိပ္ပါယ်တလွဲ တံဆိပ်ကပ်ကာ နိုင်ငံတော် ချောက်ထဲကျရန် လက်တစ်လုံးအလိုတွင် ကယ်တင်လိုက် ရပါသည်ဟူသော အကြောင်းပြချက်နှင့် တိုင်းပြည်ကို အာဏာသိမ်းခဲ့သည်။ ထို့နောက် ယင်းတို့၏ အာဏာတည်တံ့စေရေးအတွက် တက္ကသိုလ်ကျောင်းသားများကို ဦးချိုးထားရမည်ကို သဘောပေါက်သည့် စစ်အာဏာရှင်များကား တက္ကသိုလ်ကျောင်းသားကျောင်းသူများအပေါ် ဖိနှိပ်ချုပ်ချယ်ကန့်သတ်မှုများ စတင် ပြုလုပ်လာခဲ့တော့သည်။ စေတနာမှန်သော ရည်ရွယ်လိုရင်းစွဲမရှိပါဘဲလျက် တက္ကသိုလ်ကျောင်းသားများ အပေါ် တရားမဲ့စွာ ပြဋ္ဌာန်းလာသော စည်းမျဉ်းစည်းကမ်းများကို လက်မခံနိုင်သည့် ကျောင်းသားများကား ၁၉၆၂ခုနှစ်၊ ဇူလိုင်လ (၇) ရက်နေ့မှ စတင်ပြီး ဆန့်ကျင်ကန့်ကွက်ဆန္ဒပြခဲ့ကြသည်။

ကျောင်းသားများသည် မိမိတို့ နေချင်သလို မနေရသဖြင့် တော်လှန်ရေးကောင်စီမှ ပြဋ္ဌာန်းလာသော ကျောင်းဆောင်စည်းမျဉ်း စည်းကမ်းများအပေါ် ဆန့်ကျင်ကြခြင်းမဟုတ်။ ကျောင်းသားများ၏ ခံယူချက်ကား စည်းမျဉ်းစည်းကမ်းဟူသည် လိုက်နာရမည့်သူများ၏ ဘ၀နှင့် စပ်ဟပ်မိပြီး ယင်းတို့ကိုယ်တိုင် အသိဥာဏ်နှင့် ဆင်ခြင်စဉ်းစားကာ လိုလိုလားလား လိုက်နာလိုသည့် စည်းကမ်းများဖြစ်စေချင်ကြသည်။ သို့ဖြစ်ရာ ကျောင်းသားကျောင်းသူများနှင့် ဆွေးနွေးညှိနှိုင်းခြင်းမရှိဘဲ တစ်ဖက်သတ်ချုပ်ချယ်လာသည့် စည်းကမ်းများကို ဆန့်ကျင်ခဲ့ကြခြင်းဖြစ်သည်။  သို့သော်လည်း မိမိတို့အာဏာတည်မြဲရေးအတွက် မည်သည်ကိုမဆို ထောက်ထားငဲ့ညှာရန် စိတ်ကူးမရှိသည့် အာဏာရှိအကြမ်းဖက်သမားတို့၏ ရက်ရက်စက်စက် အကြမ်းဖက်ဖြိုခွင်းခဲ့မှုကြောင့် အရေးတော်ပုံ အောင်မြင်မှုမရခဲ့ဘဲ ပြည့်ရင်သွေးများစွာ အသက်ပေးခဲ့ရသည်။ ပြည့်သား ကောင်းများစွာတို့၏ အချိန်နာရီ နှစ်ကာလများကို အဓမ္မ ခိုးယူခြင်းခံခဲ့ရသည်။ ကျောင်းသားများ၏ နှလုံးအိမ်ဖြစ်သည့် ကျောင်းသားသမဂ္ဂအဆောက်အအုံကြီး ဇူလိုင်လ(၈)ရက်တွင် ဒိုင်းနမိုက်ဖြင့် မိုက်ကန်းစွာ ဖြိုခွဲခြင်းခံခဲ့ရသည်။ ကျောင်းသားသမဂ္ဂများလည်း တရားဝင်ဖွဲ့စည်းခွင့် မရရှိခဲ့တော့ပေ။ ပညာရေးစနစ်သည်လည်း အဆက်ဆက်အာဏာရယူခဲ့သည့် တစ်ပါတီအာဏာရှင်၊ စစ်အာဏာရှင်များ၏ စနစ်တကျ ဖျက်ဆီးခဲ့မှုတို့အောက်တွင် ဖွတ်ဖွတ်ညက်ညက်ကြေခဲ့ရလေတော့သည်။


၅၁ နှစ် လွန်ခဲ့ချိန်  ကျောင်းသားသမဂ္ဂများ၏ အနေအထား


ပညာရေးပြုပြင်ပြောင်းလဲပေးရန် တောင်းဆိုဆန်ဒထုတ်ဖော်ခဲ့ကြသော တက္ကသိုလ်ကျောင်းသား ကျောင်းသူများ၏ ဇူလိုင်(၇)ရက်အရေးတော်ပုံကြီး (၅၁)နှစ်လွန်မြောက်လာချိန်မှာတော့ တော်လှန်စဉ်က ပညာရေးစနစ်ထက် အဆမတန် ပိုမိုဆိုးရွားနိမ့်ပါးလာခဲ့သော မျက်မှောက်ပညာရေးစနစ်ကိုပြင်ဆင်ဖို့ အင်တိုက်အားတိုက် ကြိုးစားပမ်းစားလှုပ်ရှား နေကြရပြီ။ ကျောင်းသား သမဂ္ဂများကို ၂၀၀၇ခုနှစ်မှစတင်ဖွဲ့စည်းပြီး ကျောင်းသားများပေါင်းစုကာ ကျောင်းသားအရေး၊ ဒီမိုကရေစီရေး၊ စစ်မှန်သည့်အမျိုးသားရေးများကို ဦးတည် ဆောင်ရွက်နေကြပြီ။
သို့သော် အဆိုပါ ကျောင်းသား သမဂ္ဂများသည်ကား အရေးတော်ပုံကာလများကဲ့သို့ ကျောင်းသား တိုင်းကို၊ ကျောင်းသားအများစုကို ကိုယ်စားမပြုတော့ချေ။ ကိုယ်စားမပြုတော့ဟု ဆိုရခြင်းတွင် ကျောင်းသား သမဂ္ဂများ၏ ဖောက်လွဲဖောက်ပြန်သည့် အကြောင်းရင်းများကြောင့် ကျောင်းသားများ၏ ထောက်ခံ အားပေးမှုမရရှိတော့ခြင်းဟု ဆိုလိုသည်မဟုတ်။ နှစ်ငါးဆယ်အာဏာရှင်ခေတ်စနစ်ကြီးအောက်တွင် မွေးဖွားကြီးပြင်းရှင်သန်ခဲ့ကြရသော မြန်မာနိုင်ငံသားမျိုးဆက်နှစ်ဆက်တို့၏ စိတ်ခံယူချက်များသည် ခေတ်အပေါ် တည်မှီလျက် ပြောင်းလဲသွေဖည်သွားခဲ့ကြခြင်းကြောင့်ဖြစ်ပေသည်။ အကြောက်တရားကြီးစိုးလွှမ်းမိုးခဲ့သည့် အာဏာရှင်အုပ်ချုပ်ရေးစနစ်အောက်မှ မြန်မာနိုင်ငံသားများသည် **နိုင်ငံရေးလုပ်ရင် ဖမ်းခံရမယ်၊ ထောင်ထဲမှာ ညှင်းပန်းနှိပ်စက်ခံရမယ်၊ အခန့်မသင့်ရင် အသက်အန်တရာယ်ကိုတောင် ထိခိုက်နိုင်တယ်၊ ဒါကြောင့်မို့ နိုင်ငံရေးဟာ မကောင်းဘူး၊ နိုင်ငံရေးလုပ်တာ အားယားနေတဲ့လူတွေရဲ့အလုပ်** ဟု စွဲမြဲခံယူခဲ့ကြရှာသည်။ သည်လိုမှတ်ပိုက်လာကြခြင်းနှင့် စပ်လျဉ်းပြီး သူတို့ကိုချည်း အပြစ်ဖို့မရသည်ကလည်း ဧကန်။ ပြည်သူသာအမိ၊ ပြည်သူသာအဖ ဟူသည့်စကားကို တပ်မတော်သာအမိ၊ တပ်မတော်သာအဖ ဟု ဦးနှောက်မဲ့ပြောင်းလဲလျက် သူတို့တွေကို လက်အုပ်ချီမိုးပြီး နေစေလောက်အောင် အာဏာရှင်များသည် ပြည်သူများကို အသိဥာဏ် ဆင်ခြင်တုံတရားကင်းမဲ့အောင်၊ အမှန်တရားဘက်မှ ရဲရဲဝံ့ဝံ့မရပ်တည်ရဲအောင်၊ ကျိုးကြောင်းဆင်ခြင်တွေးတော မြော်မြင်တတ်စေမည့် ပညာရေးစနစ်မျိုးနှင့် ကင်းဝေးအောင် လုပ်ထားခဲ့သဖြင့် ကျောင်းသားလူငယ်များနှင့် ပြည်သူလူထုအများစုတို့သည် နိုင်ငံရေးဟုဆိုလျှင် အသံမျှပင် မကြားချင်တော့လောက်သည်အထိ အကြောက်တရား၏ လွှမ်းမိုးမှုအောက်၌ အလင်းပျောက်ကာ အမှန်အမှားကို မဝေခွဲနိုင်ဖြစ်လာကြရသည်။

ကျောင်းသား သမဂ္ဂအဖွဲ့များသည် စစ်အာဏာရှင်အုပ်ချုပ်ရေးကို ဆန့်ကျင်ကန့်ကွက်သည့် အဖွဲ့အစည်းများထဲမှ တစ်ခုဖြစ်ရကား သာမန်ကျောင်းသားပြည်သူများအဖို့ ကျောင်းသားသမဂ္ဂအဖွဲ့များအပေါ် အမြင်လွဲမှား တိမ်းစောင်းမှုများကလည်း ပေါ်ပေါက်လာရတော့သည်။ တချို့ကား မိမိတစ်ကိုယ်ရေးလုံခြုံရေးအတွက် ကျောင်းသား သမဂ္ဂအဖွဲ့အစည်းများအတွင်း ၀င်ရောက်မလှုပ်ရှားသည်သာရှိမည်၊ စိတ်သန္တာန်အတွင်းတွင်တော့ တိတ်တိတ်ကျိတ်အားပေးနေသည်ဟူသော လူမျိုးဖြစ်ကြပြီး တချို့ကတော့ ကျောင်းသားများ အလေလိုက်လိုသဖြင့် ဗကသဟု အမည်ခံကာ လတ်လျားလတ်လျားနေကြသည်ဟု မြင်ကြကာ စိတ်တွင်းမှပင် အားပေးထောက်ခံခြင်းမရှိ။ ကျွန်တော့်အမြင်အရဆိုရလျှင် အသက်အရွယ်ကြီးရင့်သော လူကြီးပိုင်းများမှ ထောက်ခံခြင်း၊ မထောက်ခံခြင်းထက် သက်တူရွယ်တူ ကျောင်းသားလူငယ်များ၏ ထောက်ခံခြင်း၊ မထောက်ခံခြင်းကို ပိုအရေးစိုက်လို၏။ လူကြီးများအပေါ် မရိုမသေ မထေမဲ့မြင်ပြုခြင်းမဟုတ်မူဘဲ ကျောင်းသားသမဂ္ဂ၏ အဓိကခြေကုပ်ယူထားရမည့် ကျောင်းသားထုတစ်ရပ်လုံးနီးနီးက ကိုယ်တိုင်ပါဝင်လှုပ်ရှားခြင်းမရှိသည့်တိုင်၊ စိတ်တွင်းမှ လှိုက်လှိုက်လှဲလှဲ ထောက်ခံအားပေးမှုကို ရရှိနေဖို့လိုအပ်သည်။ ကျောင်းသားသမဂ္ဂအဖွဲ့အစည်းများအပေါ် ကျောင်းသားထုတစ်ရပ်လုံးက အမြင်မတိမ်းစောင်းစေရန်၊ ကျောင်းသားထုရင်တွင်း ကိန်းအောင်းနေပြီးသော နိုင်ငံရေးနှင့် ပတ်သတ်သည့် လွဲမှားသော အမြင်များ ပြယ်လွင့်စေရန်နှင့် နိုင်ငံ့အရေးသည် နိုင်ငံသားအားလုံး၏ အရေးဖြစ်သည်ကို ကျောင်းသားထုတစ်ရပ်လုံး၏ အတွင်းစိတ်သန္တာန်တွင် ဦးစွာ လက်ခံနိုင်စေရန် ဗကသမှ ဦးဆောင်ကြိုးပမ်းသင့်သည်ဟု မြင်မိသည်။

နိုင်ငံရေးစိတ်မ၀င်စားသည့် ကျောင်းသားများကို စိတ်လည်လာစေရန် မည်သို့ ဆွဲဆောင်မည်နည်း


ဦးစွာပထမ ကျောင်းသားအဖွဲ့အစည်းတစ်ခုဖြစ်သည့် ဗကသ၏ လှုပ်ရှားဆောင်ရွက်နေမှုများသည် ကျောင်းသားအရေးအတွက် ဖြစ်ကြောင်း၊ ကျောင်းသားများ၏ ရပိုင်ခွင့်များ အခွင့်အရေးများကို အကာအကွယ်ပေးရန်၊ ကျောင်းသားထုဘက်မှ ရပ်တည်ပေးရန် ဦးတည်လျက် လိုအပ်လာလျှင် အမျိုးသားရေးကိုပါ ပူးတွဲဆောင်ရွက်မည့် အဖွဲ့အစည်းတစ်ခုဖြစ်သည်ကို ကျောင်းသားများ သံသယရှင်းရှင်းလက်ခံနိုင်စေဖို့ ကျောင်းသားသမဂ္ဂများ၏ လုပ်ဆောင်ချက်များ တိကျသေသပ်ရန်လိုသည်။ လက်ရှိတွင် ကျောင်းသားအများစု လက်ခံနားလည်ထားကြသည်က ကျောင်းသားသမဂ္ဂဟူသည် အစိုးရကို ဆန့်ကျင်နေသော အဖွဲ့အစည်း၊ အထူးသဖြင့် ဆန္ဒပြရာတွင် အလံထောင် လိုက်ပါလေ့ရှိသော အဖွဲ့အစည်းဟူ၍ ဖြစ်သည်။
သည်နေရာတွင် ကျောင်းသားများ၏ အမြင်သည် ယင်းကဲ့သို့ တစ်ဖက်တည်းမှ ရှုကြည့်သည့် အမြင်မျိုးဖြစ်နေရခြင်းကို ဆန်းစစ်လျှင် ကျောင်းသားသမဂ္ဂများ၏ ကျောင်းတွင်း လှုပ်ရှားမှုများ အားနည်းခြင်းကြောင့်ဟု ကျွန်တော်တစ်ဦးတည်းအတွေးအရ ကောက်ချက်ချလိုသည်။ တက္ကသိုလ်ကျောင်းသားသမဂ္ဂများသည် တက္ကသိုလ်ကျောင်းများတွင် လက်ရှိတက်ရောက်ပညာသင်ယူနေကြ ဆဲဖြစ်သော ကျောင်းသားကျောင်းသူများနှင့် ဖွဲ့စည်းထားသည်ဖြစ်ရကား ယင်းတို့၏ လှုပ်ရှားမှုများသည် ကျောင်းတွင်းတွင် ပိုမိုအားစိုက်ထုတ်သင့်ပေသည်။ အမျိုးသားရေးနှင့်စပ်လျဉ်းသော ကိစ္စများတွင် မလွဲမသွေပါဝင်ရမည်ဖြစ်သော်လည်း ကျောင်းတွင်းလှုပ်ရှားမှုများပြုလုပ်ရန်ပင် အချိန်မပေးနိုင်သည်အထိ မဖြစ်သင့်သည်ကတော့ အမှန်ပင်ဖြစ်သည်။ ယင်းသို့ ကျောင်းတွင်းလှုပ်ရှားမှုနည်းပါးပြီး အမျိုးသားရေးကဏ္ဍ များတွင်လည်း ဆန္ဒထုတ်ဖော်မှုများတွင် အလံကိုင်ပါဝင်မှုမျိုးကသာ တွေ့ရများနေသောကြောင့် အကြောက်တရားလွှမ်းမိုးခံနေရဆဲသော ကျောင်းသားများတွင် အမြင်တိမ်းစောင်းမှုမျိုးရှိလာကြသည်ဖြစ်သည်။ ထို့ပြင်တ၀ ကျောင်းသားသမဂ္ဂအဖွဲ့ဝင် ကျောင်းသား ဟူသူများထဲတွင် ကျောင်းသားမဟုတ်တော့သော၊ ကျောင်းသားအဖြစ် သတ်မှတ်ရန် မအပ်စပ်တော့သည့် အသက်အရွယ်ရှိသူများကိုလည်း ဖောဖောသီသီတွေ့မြင်လာကြရသောအခါ ကျောင်းသားများအဖို့ ပိုမိုစဉ်းစားစရာဖြစ်လာတော့သည်။ ကျောင်းသားသမဂ္ဂဟူသည် လက်ရှိကျောင်းတက်နေသူအနည်းငယ်မျှကို ဗန်းပြလျက် ကျောင်းသားမဟုတ်တော့သူတို့၏ ကြိုးကိုင်မှုအောက်မှ အဖွဲ့အစည်းတစ်ခုလောဟုေ၀၀ါးလာကြသလို မည်သို့သော ရည်ရွယ်ချက်များဖြင့် ဘယ်ဆီဦးတည်ရည်သန်သနည်းဟူ၍လည်း တွေးတောလာကြတော့သည်။ ကျောင်းသားသမဂ္ဂများ ရုန်းကန်ခဲ့ရစဉ် မည်သူတို့က မည်သို့ဝန်းရံခဲ့သည်မျိုးကိုလည်း သူတို့ နားမရှင်း။ ယင်းတို့၏ စိတ်တွင် ကျောင်းသားကျောင်းသူများ၏ အရေးကိစ္စများနှိုက် ကျောင်းသားသမဂ္ဂ၏ ပါဝင်လှုပ်ရှားဆောင်ရွက်ပေးမည့် အတိုင်းအတာကို ကြိုတင်သံသယ၀င်လာကြသည်အထိ ဖြစ်လာကြပါသည်။

သို့အတွက်ကြောင့် ကျောင်းသားသမဂ္ဂများသည် ကျောင်းသားအရေးကို အမှန်တကယ်ဦးဆောင် ထမ်းရွက်ပေးမည့် အဖွဲ့အစည်းဖြစ်ကြောင်း ကျောင်းသားထုတစ်ရပ်လုံးကို လက်ခံယုံကြည်လာကြရန် ကျောင်းသားသမဂ္ဂများက ကြိုးပမ်းကြရပါလိမ့်မည်။ ကျောင်းတွင်းလှုပ်ရှားမှုများကို ကျောင်းအာဏာပိုင်များ၏ တားမြစ်ပိတ်ပင်မှုများရှိလင့်ကစား ဆောင်ရွက်၍ရနိုင်သည့် ဘောင်အတွင်းမှ အတတ်နိုင်ဆုံး ကြိုးပမ်းဆောင်ရွက်ကြရန် အကြံပြုလိုပါသည်။ ကျောင်းသားသမဂ္ဂအဖွဲ့အစည်းများကို တရားဝင်ဖွဲ့စည်းပါတော့ဟု သမ္မတဦးသိန်းစိန်အစိုးရမှ ခွင့်မပြုသေးသည့်တိုင် အရပ်ဘက်လူ့အဖွဲ့အစည်းများနှင့် တွေ့ဆုံရာတွင် ကျောင်းသားသမဂ္ဂများတက်ရောက်ခဲ့ကြပြီး ခါးခါးသီးသီးမဖြစ်သော သမ္မတ၏ အမူအရာများအရ ကျောင်းသားသမဂ္ဂများအပေါ် ဒီမိုကရေစီအစိုးရဟု အမည်ခံထားသည့် အုပ်ချုပ်ရေးအဖွဲ့၏ အမြင်သည် မပြင်းထန်ကြောင်း မှတ်ပိုက်ရပေမည်။ ကျောင်းအာဏာပိုင်များမှာလည်း ပညာတတ် အတွေးအခေါ် အမြော်အမြင်ရှိသူများဖြစ်ရကား ကျောင်းသားသမဂ္ဂများအပေါ် တရားမ၀င်အဖွဲ့အစည်းဟူ၍ အလွန်အမင်း ဖိနှိပ်မည်ဟုတော့ မုချမဆိုသာ။ အနည်းငယ်ရှိကောင်းရှိမည်ဖြစ်ငြား ဒီမိုကရေစီပြေးလမ်းပေါ်မှ တိုင်းပြည်၏ အနေအထားကို သဘောပေါက်သူတိုင်းကတော့ နားလည်မျက်ကွယ်ပြုပေးထားမည်ဟု ထင်ပါသည်။ သို့ဖြစ်ရာ ကျောင်းသားသမဂ္ဂအဖွဲ့အစည်းများအဖို့ ကျောင်းတွင်းလှုပ်ရှားမှုများကို အားလုံးလက်ခံနိုင်သည့် ဘောင်အတွင်းမှ ရတတ်သရွေ့ဆောင်ရွက်ရင်း ငြိမ်းချမ်းရေး၊ အမျိုးသားရေး၊ ဒီမိုကရေစီရေး၊ ဒီမိုကရေစီပညာရေးများကို ဦးလည်မသုန် ထမ်းရွက်သင့်သည်ဟု ကျွန်တော်မှတ်ယူမိပါ၏။

ကျောင်းသားသမဂ္ဂဟူသည် ခွင့်ပြုချက်ရမှ ဖွဲ့စည်းရမည်ဟူသော အတွေးမျိုးကို ကျွန်တော်ကိုယ်တိုင် လက်မခံလင့်ကစား လက်ရှိတွင် ရတတ်သရွေ့ကြိုးပမ်းရင်း ခွင့်ပြုလာချိန်များတွင် လွတ်လွတ်လပ်လပ်ဆောင်ရွက်ခွင့် ရမည့်အနေအထားများကို ရည်သန်မျှော်မှန်းကြရသည်သာဖြစ်၏။
ကျောင်းတွင်းလှုပ်ရှားမှုများနှင့် ကျောင်းသားကျောင်းသူအများစု၏ ယုံကြည်မှုကို တည်ဆောက်ယူရင်း တစ်ပြိုက်နက် အကြောက်တရားလွှမ်းမိုးခံကျောင်းသားကျောင်းသူများအပေါ် မကြောက်တရားများ၊ အမှန်တရားကို ချစ်မြတ်နိုးပြီး ရဲရဲဝံ့ဝံ့ရပ်တည်နိုင်ရေး၊ မြန်မာနိုင်ငံ၏ လွတ်လပ်ရေးကြိုးပမ်းမှုသမိုင်းမှ ကျောင်းသားသမဂ္ဂများ၏ အရေးပါမှုများကို သိမြင်စေရေး၊ နိုင်ငံရေးသည် နိုင်ငံသားအားလုံး၏ အရေးဖြစ်သည်ကို နားလည်သဘောပေါက်စေရေး တဖြည်းဖြည်း နှလုံးသွင်းပေးကြရမည်ဖြစ်သည်။ ဆိုလိုသည်ကား ခံယူချက်လွဲမှားနေသော ကျောင်းသားထုအများစု၏ အတွေးအမြင် အကျင့်အကြံများကို ကျောင်းသားသမဂ္ဂများက ဦးဆောင် ပဲ့ပြင်ပေးရမည်ဟု။ ယင်းသို့ ပဲ့ပြင်ရာတွင် ကျောင်းသားသမဂ္ဂအဖွဲ့ဝင်များသည် စံပြဖြစ်နေရန်နှင့် ကျောင်းသားသမဂ္ဂအပေါ် ကျောင်းသားထုက ယုံကြည်နေရန် လိုအပ်ပါမည်။ သို့အတွက်ကြောင့် ကျောင်းတွင်းလှုပ်ရှားမှုများဖြင့် ကျောင်းသားထု၏ နှလုံးသား တိမ်းညွှတ်စေရန် ကြိုးပမ်းသင့်ကြသည်ဟု အကြံပြုရခြင်းဖြစ်ပါသည်။

လက်ရှိ မိမိတို့ သင်ယူနေရသည့် ပညာရေးစနစ်၏ ကောင်းခြင်း၊ ဆိုးခြင်းကို ကျောင်းသားများ သဘောပေါက်နားလည်စေရေး၊ ပညာရှာဖွေရာတွင် အမှန်တကယ် အသုံးဝင်မည့် ပညာရေးစနစ်တစ်ခု၏ အခက်အလက်များအကြောင်း ကျောင်းသားများ သိမြင်လာစေရေး၊ လက်ရှိ မိမိတို့ နိုင်ငံ၏ နိုင်ငံရေး အခြေအနေများအပေါ် စိတ်ပါဝင်စားမှုရှိစေရေး၊ အစရှိသဖြင့် ကျောင်းသားများအနေနှင့် မသိသားဆိုးဝါးစွာ လျစ်လျူရှုနေဖြစ်ကြသော အပိုင်းကဏ္ဍများတွင် စိတ်ဝင်စားလာပြီး ကိုယ်တိုင် ပါဝင်ပူးပေါင်းဆောင်ရွက်စေရေးတို့အတွက် ကျောင်းသားများနှင့်ပင် ဖွဲ့စည်းထားသော ကျောင်းသားသမဂ္ဂများက ဦးဆောင်ကြိုးပမ်းကြရပါလိမ့်မည်။

ယင်းအလုပ်သည် လွယ်ကူသော တစ်ပွဲတိုးဆောင်ရွက်ရမည့် ကိစ္စမျိုး မဟုတ်သည်ကို ကျွန်တော်သဘောပေါက်ပါသည်။ ကျောင်းသားသမဂ္ဂများအနေနှင့် အစဉ်တစိုက် အားထုတ်ဆောင်ရွက်ကြရမည်ဖြစ်သည်။ မကြာမတင်ကာလမှာပင် ကျောင်းပြီးသွားတော့မည့် သမဂ္ဂကျောင်းသားများက ပထမနှစ်၊ ဒုတိယနှစ် အစရှိသည့် ကျောင်းသားများနှင့်အတူ ကျောင်းသားထုအတွင်း ကျယ်ကျယ်ပြန့်ပြန့် ၀င်ရောက်လှုပ်ရှားရင်း နိုင်ငံရေးအသိများ ဖြန့်ဝေပေးရမည်ဖြစ်ကာ၊ ယင်းကျောင်းသားကြီးများ ကျောင်းပြီးသွားခဲ့ပါမူ သူတို့နှင့်အတူ ဆောင်ရွက်ခဲ့ဖူးသည့် ကျောင်းသားများက မျိုးဆက်သစ်ကျောင်းသားများအပေါ် လက်ဆင့်ကမ်းဖြန့်ဝေသွားကြရပါမည်။ အဆိုပါနည်းဖြင့် ကျောင်းသားမျိုးဆက်တစ်ဆက်ပြီး တစ်ဆက် ရင့်ကျက်သော နိုင်ငံသားအသိစိတ်ဓါတ်များ ထွန်းကားရှင်သန်အောင်ပြုလျက် နိုင်ငံ့အရေး၊ ကျောင်းသားအရေးများတွင် ကျောင်းသားထုတစ်ရပ်လုံး၏ ပူးပေါင်းပါဝင်မှုများကို အရယူကာ နိုင်ငံသားအသိစိတ်ဓါတ်ရင့်ကျက်သော နိုင်ငံသားကောင်းများကို မွေးထုတ်ပေးကြရမည်ဖြစ်ပါသည်။ ကျောင်းသားသမဂ္ဂသည် ကျောင်းသားထုတစ်ရပ်လုံးကို ဦးထိန်းပဲ့ပြင်သွားရမည့် အဖွဲ့အစည်းတစ်ခုဖြစ်သည်ဟု မုချကျွန်တော်ယုံကြည်မိပါသည်။

ကျောင်းသားသမဂ္ဂအဖွဲ့ဝင်ကျောင်းသားတစ်ဦးအနေနှင့် မိမိအမြင်ကို ရိုးသားစွာ တင်ပြအကြံပြုလိုက်ခြင်းပင်ဖြစ်ကြောင်း နားလည် သဘောပေါက် ကြစေလိုပါသည်။

ဝေမိုးနိုင်၊မုံရွာ၊



ဆဲဗင်းဂျူလိုင်အရေးတော်ပုံ (၅၁)နှစ်ပြည့် အထိမ်းအမှတ်အဖြစ် မုံရွာခရိုင်ကျောင်းသားများသမဂ္ဂမှ စီစဉ်ထုတ်ဝေသည့်
“ဒေါင်းတွန်သံ” သမဂ္ဂစာစဉ်၊
အမှတ်(၃)၊ ၂၀၁၃၊ ဇူလိုင်လ။



No comments:

Post a Comment