Sunday, October 20, 2013

ဆ…ဆရာကြီး…စပ်ဖြီးဖြီး


ဆ…ဆရာကြီး…စပ်ဖြီးဖြီး
ဝေမိုးနိုင်(မုံရွာ)
ယခုတော့ ကျွန်တော်သည် ဆရာတစ်ယောက်၏ ပီတိအဟုန်ဖြင့် ရင်ခုန်နေသော နှလုံးသားအစုံကြောင့် လှုပ်ရှားနေသည့် စိတ်တို့ကို တည်ငြိမ်နိုင်အောင် ထိန်းသိမ်းနေရပါပြီ။
သို့ပေမယ့် သူတို့၏ ရင်းနှီးချစ်ခင်ဟန် အမူအရာလေးများက  ကျွန်တော့်နှလုံးသားကို နွေးထွေးစေသည်။
**ဆရာကြီး လာပြီဟေ့**
**မင်္ဂလာပါ ဆရာကြီး၊ ကြိုဆိုပါတယ် ဆရာကြီး** ဟူသော နှုတ်ခွန်းဆက်စကားတို့သည် မိမိကိုယ်တိုင် ရွတ်ဆိုခဲ့ဖူးရုံသာမက အကြိမ်ကြိမ်အဖန်ဖန် နားထောင်ခဲ့ရဖူးသဖြင့် နားရည်ဝနေပြီဖြစ်သော်လည်း ယခုတစ်ခါမှာတော့ နားဝင်ချိုမြိန်လွန်းနေသည်မှာ သေချာလှသည်။

Saturday, July 6, 2013

ဆဲဗင်းဂျူလိုင် (၅၁)နှစ်အလွန် ကျောင်းသားသမဂ္ဂများနှင့် ကျောင်းသားထုကို ဦးထိန်းပဲ့ပြင်ရေး

ဆဲဗင်းဂျူလိုင် (၅၁)နှစ်အလွန် ကျောင်းသားသမဂ္ဂများနှင့် ကျောင်းသားထုကို ဦးထိန်းပဲ့ပြင်ရေး



ဆဲဗင်းဂျူလိုင် ၅၁ နှစ်ပြည့်

ဆဲဗင်းဂျူလိုင် အရေးတော်ပုံ (၅၁)နှစ် ပြည့်မြောက်ပြီ။

၁၉၆၂ခုနှစ်၊ မတ်လ(၂)ရက်နေ့တွင် ဗိုလ်ချုပ်ကြီးနေ၀င်းဦးစီးသော စစ်တပ်သည် တော်လှန်ရေးကောင်စီဟု အမည်ခံလျက် ဖက်ဒရယ်မူကို အဓိပ္ပါယ်တလွဲ တံဆိပ်ကပ်ကာ နိုင်ငံတော် ချောက်ထဲကျရန် လက်တစ်လုံးအလိုတွင် ကယ်တင်လိုက် ရပါသည်ဟူသော အကြောင်းပြချက်နှင့် တိုင်းပြည်ကို အာဏာသိမ်းခဲ့သည်။ ထို့နောက် ယင်းတို့၏ အာဏာတည်တံ့စေရေးအတွက် တက္ကသိုလ်ကျောင်းသားများကို ဦးချိုးထားရမည်ကို သဘောပေါက်သည့် စစ်အာဏာရှင်များကား တက္ကသိုလ်ကျောင်းသားကျောင်းသူများအပေါ် ဖိနှိပ်ချုပ်ချယ်ကန့်သတ်မှုများ စတင် ပြုလုပ်လာခဲ့တော့သည်။ စေတနာမှန်သော ရည်ရွယ်လိုရင်းစွဲမရှိပါဘဲလျက် တက္ကသိုလ်ကျောင်းသားများ အပေါ် တရားမဲ့စွာ ပြဋ္ဌာန်းလာသော စည်းမျဉ်းစည်းကမ်းများကို လက်မခံနိုင်သည့် ကျောင်းသားများကား ၁၉၆၂ခုနှစ်၊ ဇူလိုင်လ (၇) ရက်နေ့မှ စတင်ပြီး ဆန့်ကျင်ကန့်ကွက်ဆန္ဒပြခဲ့ကြသည်။

ကျောင်းသားများသည် မိမိတို့ နေချင်သလို မနေရသဖြင့် တော်လှန်ရေးကောင်စီမှ ပြဋ္ဌာန်းလာသော ကျောင်းဆောင်စည်းမျဉ်း စည်းကမ်းများအပေါ် ဆန့်ကျင်ကြခြင်းမဟုတ်။ ကျောင်းသားများ၏ ခံယူချက်ကား စည်းမျဉ်းစည်းကမ်းဟူသည် လိုက်နာရမည့်သူများ၏ ဘ၀နှင့် စပ်ဟပ်မိပြီး ယင်းတို့ကိုယ်တိုင် အသိဥာဏ်နှင့် ဆင်ခြင်စဉ်းစားကာ လိုလိုလားလား လိုက်နာလိုသည့် စည်းကမ်းများဖြစ်စေချင်ကြသည်။ သို့ဖြစ်ရာ ကျောင်းသားကျောင်းသူများနှင့် ဆွေးနွေးညှိနှိုင်းခြင်းမရှိဘဲ တစ်ဖက်သတ်ချုပ်ချယ်လာသည့် စည်းကမ်းများကို ဆန့်ကျင်ခဲ့ကြခြင်းဖြစ်သည်။  သို့သော်လည်း မိမိတို့အာဏာတည်မြဲရေးအတွက် မည်သည်ကိုမဆို ထောက်ထားငဲ့ညှာရန် စိတ်ကူးမရှိသည့် အာဏာရှိအကြမ်းဖက်သမားတို့၏ ရက်ရက်စက်စက် အကြမ်းဖက်ဖြိုခွင်းခဲ့မှုကြောင့် အရေးတော်ပုံ အောင်မြင်မှုမရခဲ့ဘဲ ပြည့်ရင်သွေးများစွာ အသက်ပေးခဲ့ရသည်။ ပြည့်သား ကောင်းများစွာတို့၏ အချိန်နာရီ နှစ်ကာလများကို အဓမ္မ ခိုးယူခြင်းခံခဲ့ရသည်။ ကျောင်းသားများ၏ နှလုံးအိမ်ဖြစ်သည့် ကျောင်းသားသမဂ္ဂအဆောက်အအုံကြီး ဇူလိုင်လ(၈)ရက်တွင် ဒိုင်းနမိုက်ဖြင့် မိုက်ကန်းစွာ ဖြိုခွဲခြင်းခံခဲ့ရသည်။ ကျောင်းသားသမဂ္ဂများလည်း တရားဝင်ဖွဲ့စည်းခွင့် မရရှိခဲ့တော့ပေ။ ပညာရေးစနစ်သည်လည်း အဆက်ဆက်အာဏာရယူခဲ့သည့် တစ်ပါတီအာဏာရှင်၊ စစ်အာဏာရှင်များ၏ စနစ်တကျ ဖျက်ဆီးခဲ့မှုတို့အောက်တွင် ဖွတ်ဖွတ်ညက်ညက်ကြေခဲ့ရလေတော့သည်။

Thursday, June 13, 2013

အကြမ်းဖက်ခံရသူတိုင်းသို့..........

အနီးကပ်ကြည့်လိုက ပုံကို ကလစ်ပါ

ကျွန်တော့်ရင်ထဲက ၀မ်းနည်းကြေကွဲမှုက အားလုံးအတွက် တန်းတူညီမျှပါပဲ။

ဝေမိုးနိုင်(မုံရွာ)

Friday, May 31, 2013

ကောင်မလေး…ညည်းဖတ်ဖို့ ငါရေးလိုက်တယ်

ကောင်မလေး……ညည်းဖတ်ဖို့ ငါရေးလိုက်တယ် ( ပိုးဟေသီကို အသက်နှစ်နှစ်ပြည့်မွေးနေ့ အမှတ်တရကဗျာ )



ဟဲ့ ....ကောင်မလေး
ညည်းနဲ့ငါ အသက် ( ၁၆) နှစ်လောက် ကွာတယ်
အဲဒါ ညည်းသိရဲ့လား။

ဟဲ့……….ကောင်မလေး
ညည်း လူ့လောကထဲ ရောက်ဖို့
ညည်းအမေဟာ သေမင်းနဲ့ အသေအကြေစစ်ခင်းခဲ့ရတာ
သချိုင်းကုန်းမှာ စရန်တစ်ဝက် ကြိုပေးခဲ့ရတာ
အဲဒါညည်းသိရဲ့လား။

ဟဲ့……..ကောင်မလေး
ညည်း လူ့လောကထဲ ရောက်တဲ့ သတင်းကြားကြားချင်း
ညည်းအဖေဟာ တစ်ကမ်ဘာလုံး သူ့လက်ထဲ ရောက်လာတဲ့အလား
ရင်ခုန်လှိုက်မောသွားခဲ့ရတာ
အဲဒါ ညည်းသိရဲ့လား။

Sunday, May 5, 2013

နှစ်ဆယ့်တစ်ရာစုရဲ့ ကျွန်တော်၊ ကျွန်မတို့ကြားမှာ ဒီလို…ဒီလို…ရှိတယ်



                                                                                                  -အဖွင့်-


From- hteteithadar@gmail.com
To – lovelyguy.kisskiss@gmail.com

လျှပ်ချောစာ(Email)အမှတ် (၁/၂၀၁၃)ထက်အိသဒ္ဒါမှ နေပိုင်ခန့်သို့

နေ့ရက် - ၂၀၁၃ခုနှစ်၊ ဇန်န၀ါရီလ(၁)ရက်။




မောင်…

မောင့်ကိုတို့ ဘယ်လိုပြောမှ ရမှာလဲဟင်…မောင်။ တို့ စိတ်ညစ်တာပဲ သိတော့တယ် မောင်ရယ်။ မောင်ပဲတို့နဲ့ မခွဲချင်ဘူးဆို။ တို့ကို သိပ်ချစ်တာပဲဆို။ ဒါဆို တို့ ဖြစ်စေချင်တဲ့အတိုင်းဘာလို့ မနေနိုင်ရတာလဲဟင်…မောင်။

မောင်ဒီလိုပဲ ဆက်နေသွားမယ်ဆိုရင် မောင်နဲ့တို့ ဝေးရဖို့ပဲ ရှိတော့တယ်မောင်။ ခုဆို ဖေဖေနဲ့မေမေကလည်း တို့နဲ့ မောင်အကြောင်းသိသွားပြီ။ တို့ အရင်လို လွတ်လွတ်လပ်လပ်နေလို့မရတော့ဘူး။တို့ဖုန်းကိုလည်း သိမ်းထားလိုက်ပြီ။ ခုဆို ပြောစရာရှိရင် ဖူးပွင့်ခိုင်ဖုန်းနဲ့ ပြောနေရတာ။ပြီး တို့တောင် မသိတဲ့ လူတွေက တို့ကို အချိန်တိုင်း လိုက်ကြည့်နေတာ မောင်သိရဲ့လား။ဒါကြောင့် မောင့်ကို တို့အပြင်ထွက်တိုင်း လိုက်လိုက်မလာနဲ့လို့ ပြောနေတာ။ နောက်ပြီးအဆောင်ရှေ့ကိုလည်း ခဏခဏ မလာပါနဲ့တော့။ မောင်က ဆိုင်ကယ်တစ်စီးနဲ့ အဆောင်ရှေ့ လမ်းသလားနေရင်တို့အတွက် အခြေအနေမကောင်းနိုင်ဘူးမောင်။ ဖူးပွင့်ခိုင်ကလည်း မောင်နဲ့ တို့အကြောင်းတွေကိုအရင်လို အစအဆုံးဖုံးဖိပေးနိုင်တော့မှာ မဟုတ်ဘူးမောင်။ ဖေဖေနဲ့ မေမေက သူ့ကိုပါ စပိုင်လုပ်ခိုင်းထားတာ။ဒါပေမယ့် တော်ပါသေးတယ်။ သူက အကုန်တော့ ပြန်မပြောပါဘူးတဲ့၊ တို့ကို ကတိပေးတယ်။ ဒါပေမယ့် တို့အတွက် နစ်နာလာနိုင်တာ၊ ထိခိုက်လာနိုင်တာမျိုးဆိုရင်တော့သူ အသိပေးရလိမ့်မယ်တဲ့။

Friday, April 26, 2013

ကျောင်းစာကြည့်တိုက်များ တံခါးဖွင့်ထားပေးပါ




ကျွန်တော်ကြားဖူးတာတစ်ခုရှိပါတယ်။ သူများနိုင်ငံတွေမှာ မူလတန်းကျောင်းသားတွေအဖို့ ဘယ်စာအုပ်တွေ၊ ဘယ်ဝတ်ထုတွေကို ဖတ်ရမယ်၊ အလယ်တန်းကျောင်းသားတွေအဖို့ ဘယ်စာအုပ်တွေကို ဖတ်ကိုဖတ်ရမယ်၊ အထက်တန်းကျောင်းသားတွေအဖို့ ဘယ်စာအုပ်တွေကို ဖတ်ကို ဖတ်ရမယ်၊ တက်ကသိုလ်ကျောင်းသားတွေအဖို့ ဘယ်စာအုပ်တွေကို ဖတ်ရမယ်၊ အဲဒီစာအုပ်တွေကိုမှ မဖတ်ဖူးဘူးဆိုရင် အဲဒီ စာသင်တန်းကို တက်ရောက်ဖို့ အဆင့်မမီဘူးလို့ သတ်မှတ်ထားတယ်လို့ သိရပါတယ်။ နောက် ဘ၀တစ်သက်တာ မသေခင်အချိန်လေးအတွင်းမှာ ဖတ်ကို ဖတ်ရမယ့်၊ မဖြစ်မနေ ဖတ်ဖူးသင့်တဲ့ စာအုပ်တွေစာရင်းပြုစုပေးထားတာမျိုးတွေရှိပါတယ်။
ဒါကိုကြည့်မယ်ဆိုရင် သူများနိုင်ငံတွေမှာ စာအုပ်စာပေကို ဘယ်လောက်တန်ဖိုးထားလဲဆိုတာကို သိမြင်နိုင်သလိုပဲ တစ်ဆက်တည်း တွေးနိုင်တာက စာအုပ်စာပေဟာ ဒီလောက်တောင် လူတွေရဲ့ လောကမှာ လိုအပ်ပါလားဆိုတာကို ဆင်ခြင်မိကောင်း ဆင်ခြင်မိကြပါလိမ့်မယ်။ အဲဒီလို စာအုပ်စာပေတွေကို ကလေးသူငယ်အရွယ်ကတည်းက မဖတ်မနေရ သတ်မှတ်ထားတဲ့ နိုင်ငံတွေဟာ ကမ်ဘာမှာ ထိပ်တန်းရောက်နေတဲ့ နိုင်ငံတွေဖြစ်နေတာကို ကြည့်မယ်ဆိုရင် စာအုပ်တွေဟာ လူတွေကို သေချာပေါက်ကောင်းကျိုးများစွာ ဖြစ်ထွန်းစေနိုင်တယ်လို့ သုံးသပ်လို့ရပါတယ်။ သူတို့နိုင်ငံတွေရဲ့ ဖွံ့ဖြိုးတိုးတက်မှု ရေစီးမှာ စာအုပ်တွေရဲ့ ပံ့ပိုးထောက်ပံ့စွမ်းအားက တော်တော်ကြီးမားတယ်ဆိုတာကို ကျွန်တော်တို့ ခန့်မှန်းကြည့်လို့ရပါတယ်။ ဒီတော့ တိုးတက်ထွန်းကားနေတဲ့ ခေတ်မီနိုင်ငံတွေက နိုင်ငံကြီးသားတွေဟာ စာအုပ်စာပေကို နှစ်သက်မြတ်နိုးခုံမင်စွာ ဖတ်ရှုတတ်ကြတယ်ဆိုတာ ယုံမှားသံသယဖြစ်စရာမရှိတော့ပါဘူး။

Tuesday, April 16, 2013

ကျွန်တော်တို့ခေတ် တက္ကသိုလ်(၃)၊ စာမူရှင်များအား ဂုဏ်ပြုပွဲနှင့် ပရဟိတအသင်းလှုပ်ရှားမှု

ကျွန်တော်တို့ခေတ် တက္ကသိုလ်(၃)၊ စာမူရှင်များအားဂုဏ်ပြုပွဲနှင့် ပရဟိတအသင်းလှုပ်ရှားမှု




သူငယ်ချင်းတစ်ယောက်ရဲ့ လက်ဖက်ရည်ဆိုင်ဟောင်းနေရာမှာ ကျင်းပခဲ့တဲ့ စာမူရှင် ဂုဏ်ပြုပွဲ


ထာဝရရွှေကြယ်လူငယ်စာစဉ်လေး ထွက်ပြီးသွားပြီဆိုတော့ ချက်ချင်း ခေါင်းစားရသည်က စာမူရှင်များအတွက် ဂုဏ်ပြုပွဲ။ မလုပ်ပေးလို့လည်း မကောင်း။ စာမူဖိတ်ခေါ်စာကြော်ငြာကတည်းက စာမူခ မချီးမြှင့်ပေးနိုင်လျှင် ထိုက်တန်သောအနုပညာဂုဏ်ပြုပွဲတစ်ခုဖြင့် ကျေးဇူးတုံ့ပြန်သွားမည်ဖြစ်ပါသည်ဆိုပြီး အာမဘန်တေခံထားသည်ဆိုတော့ မဖြစ်ဖြစ်သည့် နည်းဖြင့်တော့ ဂုဏ်ပြုပွဲကို ကျင်းပပေးရမည်။ စာမူရှင်များ တစ်စုတစ်ဝေးတည်းတွေ့ဆုံကာ ခင်မင်ရင်းနှီးကြစေရန်မှာလည်း ကျွန်တော့်အဖို့ အတော်လေး ပြင်းပြင်းပြပြဆန်ဒဖြစ်ခဲ့သည်။ ကိုယ်က မဂ်ဂဇင်းတချို့မှာ စာကလေး ပေါက်စနိုးပေါက်စန ရေးနေသူပင် ကလောင်မိတ်ဆွေအချင်းချင်း ရင်းနှီးခင်မင်ရသည့်အရသာက အင်မတန် နွေးထွေးရွှင်မြူးဖွယ်ကောင်းလှသည်ဖြစ်ရာ ကိုယ်တို့စာစဉ်လေးမှ စာမူရှင်အချင်းချင်းကိုလည်း ယင်းသို့သော ဆက်ဆံရေးမျိုးဖြင့် ချည်နှောင်မိသွားစေချင်သည်။ သည်တော့ စာမူခပေးဖို့ထက် ဂုဏ်ပြုပွဲလုပ်ဖို့ကိုသာ စိတ်အားထက်သန်နေဖြစ်ခဲ့သည်။ အမှန်တော့ စာမူရှင်အားလုံးကို စာမူခပေးနိုင်လောက်အောင်လည်း ငွေရေးကြေးရေးက လုံလောက်ပြည့်စုံမှုမရှိပါ။ နည်းပညာတက်ကသိုလ်ဘက်မှာ ရောင်းပေးသည့် ကလောင်ရှင်က စာအုပ်ဖိုးများကို  မပေးရသေး။ နည်းပညာတက်ကသိုလ်က မြို့ပြင် သမ်ဗုဒ်ဓေ၊ ဗောဓိတစ်ထောင်နားမှာဆိုတော့ ကျွန်တော်တို့လည်း သွားမယူနိုင်၊ သည်ဘက်မှာ နောက်ဆက်တွဲ စာအုပ်ရောင်းတာ၊ ဂုဏ်ပြုပွဲအတွက် စီစဉ်တာလုပ်ရဦးမည်ဆိုတော့ စာအုပ်ဖိုးများကို ပွဲနေ့မှသာ ယူခဲ့ပါတော့ဟု မှာထားရသည်။

Saturday, April 6, 2013

ကျွန်တော်တို့ခေတ် တက္ကသိုလ် (၂)၊ ထာဝရရွှေကြယ်လူငယ်စာစဉ်

ကျွန်တော်တို့ခေတ် တက္ကသိုလ် (၂)
 
ထာဝရရွှေကြယ်လူငယ်စာစဉ်

ထာဝရရွှေကြယ်လူငယ်စာစဉ်

ငယ်စဉ်ကတည်းက စာဖတ်ကျင့်ကို ပြုစုပျိုးထောင်ပေးခဲ့သော မေမေ့ကျေးဇူးကြောင့် ကျွန်တော်သည် စာရေးခြင်းအမှုကို စိတ်ဝင်တစားရှိခဲ့ရသည်။ ဘယ်လိုမှ စိတ်မထိန်းနိုင်သည့်အဆုံးတွင် မိမိခံစားမိသည်များ၊ မိမိစာဖွဲ့လိုသောအကြောင်းအရာလေးများကို အက်ခရာစီစဉ်ပြီး ၀တ်ထု၊ ဆောင်းပါး၊ အစရှိသည့် စာပေများအသွင် ကူးပြောင်းသီကုံးခဲ့သည်။ သည်လိုနှင့် ကျိုးတိုးကျဲတဲ စာကလေးများရေးသားနေသူတစ်ဦး ဖြစ်လာခဲ့ရသည်။ စာဖတ်သူတစ်ဦးဖြစ်သည်နှင့်အညီ ဖတ်ရှုရသော စာများထဲမှ မိမိနှစ်ခြိုက်ဘ၀င်ကျရသော အကြောင်းအရာ၊ အမှုကိစ်စလေးများကို ကိုယ်တိုင် လုပ်ဆောင်ကြည့်ရန်လည်း အလေ့ထုံခဲ့သည်။ အထူးသဖြင့် စာပေနှင့်ဆက်စပ်သည့် ကိစ်စများဆိုလျှင်ပေါ့….။ 

ဆရာမင်းလူသည် ကျွန်တော် နှစ်သက်သဘောကျရသည့် စာရေးဆရာများထဲမှ တစ်ဦးဖြစ်ပါသည်။ ပန်းကျောင်းဆိုသည့် ကျောင်းသားလူငယ်ဝတ်ထုလေးမှ စတင်စွဲလန်းခဲ့ရပြီး မင်းလူဟူသောစာတန်းပါသည့် စာတိုင်းကို မက်မက်စက်စက်ဖတ်ဖြစ်ခဲ့သည်။ ဆရာမင်းလူ၏ တက်ကသိုလ်ကျောင်းသားကျောင်းသူ ဇာတ်ကောင်များဖြင့် ရက်ဖောက်ဖွဲ့သီထားသော ၀တ်ထုများသည် ကျွန်တော့်အပေါ် အတော်ကြီး လွှမ်းမိုးခဲ့ဖူးလေသည်။ ဆရာ့ဝတ်ထုထဲမှ တက်ကသိုလ်ကို ဖတ်ရှုမြင်ယောင်ရပြီး ကိုယ်တက်ရမည့် တက်ကသိုလ်ကိုလည်း စိတ်ကူးမှန်းဆခဲ့ဖူးသည်။

Sunday, March 31, 2013

၉၆၉၊ မိတ်ထီလာ၊ အကြမ်းဖက်ပဋိပက်ခနှင့် အစ်စလာမ်ဘာသာဝင်တစ်ဦး၏ လွတ်လပ်သောအမြင်


၉၆၉၊  မိတ်ထီလာ၊  အကြမ်းဖက်ပဋိပက်ခနှင့် အစ်စလာမ်ဘာသာဝင်တစ်ဦး၏ လွတ်လပ်သောအမြင်


ဒီပြသနာက ဘယ်က ဘယ်လို စတင်ခဲ့သလဲဆိုတာ အရင်းစစ်ကြည့်ရင် ကျွန်တော်ကတော့ ၉၆၉လှုံ့ဆော်မှုတွေက စတင်ခဲ့တယ်လို့ ဆိုချင်မိတယ်။  ၉၆၉၊ ၉၆၉ နဲ့ အစက ဘာမှန်းမသိပါဘူး။ သူများတွေ ထင်သလို ချဲဂဏန်းပေးနေတယ်ပဲထင်တာပါ။ နောက်ကျမှ ၇၈၆ကို ဆန့်ကျင်ဖို့ ၉၆၉ ဆိုပြီးလုပ်တာမှန်းသိရပါတယ်။ ၉၆၉ ရဲ့ ရည်ရွယ်ချက်က မြန်မာပြည်မှာ အစ်စလာမ်ဘာသာဝင်တွေ ကွယ်ပျောက်သွားဖို့၊ အစ်စလာမ်ကို ဆန့်ကျင်ဖို့ ပါ။ လုပ်ဆောင်ချက်အနေနဲ့ကတော့ အစ်စလာမ်ဘာသာဝင်တွေရဲ့ ဈေးဆိုင်တွေမှာ လုံး၀၀ယ်ယူအားပေးခြင်းမပြုဘဲနဲ့ အစ်စလာမ်တွေ မြန်မာပြည်ထဲမှာ နေထိုင်လို့ မရအောင် လုပ်ဖို့ပါတဲ့။ တစ်ရက်မ၀ယ်ရင်၊ တစ်ရက်၊ တစ်ရက်ကနေ တစ်ပတ်၊ တစ်ပတ်ကနေ တစ်လ၊ တစ်လကနေ တစ်နှစ်၊ ဒီလိုနဲ့ နောက်ဆုံးမှာ မွတ်ဆလင်တွေ မြန်မာနိုင်ငံထဲမှာ ၀မ်းရေးအတွက် ရှာဖွေစားသောက်လို့မရတော့ဘဲ  မြန်မာပြည်ထဲကနေ ထွက်သွားကြရမယ်။ ဒါမှသာ အနာဂတ်မြန်မာနိုင်ငံကြီးကောင်းလိမ့်မယ်၊ စသဖြင့် ၀ါဒဖြန့်ကြတယ်။ 

Saturday, March 30, 2013

ကိုဝေရဲ့ ခုတစ်လော (တဂ်ပို့စ်)


ကိုဝေရဲ့ ခုတလော


အစ်မကြီး မန်းညချိုး နှင့် ညီငယ် နွလေ တို့က ဘလော့ဂ်ဂါများကို တဂ်သည်ဟု ဆိုသောကြောင့် ဘလော့ဂ်ဂါမဟုတ်ဟု သမုတ်မည် စိုးကာ  ကသုတ်ကရက် ရေးပါသည်။ 



 

“တွေးနေမိတာက” --
 
လက်ရှိ ဖြစ်ပျက်နေတဲ့ အကြမ်းဖက် ပဋိပက်ခတွေ အလျင်မြန်ဆုံးချုပ်ငြိမ်းပြီး ကျီးလန့်စာစားနေထိုင်မနေရဘဲ အားလုံး အရင်အတိုင်း အေးအေးချမ်းချမ်း နေထိုင်ရမယ်ဆိုရင် ကောင်းမှာပဲလို့ တွေးနေမိတယ်။
*======================================*

 
 “ကိုယ့်ကိုယ်ကိုပြန်ဆင်ခြင်မိတာက” --

စိတ်ခံစားချက်ကို ဦးစားပေးလွန်းပြီး တစ်ခုခုဆို ဒေါသကို မထိန်းနိုင်ဘဲ ရှူးရှူးရှားရှားဖြစ်လွန်းတယ်၊ ဒါကြောင့် သတိလေးကပ်ပြီး ဘယ်အရာကိစ်စကိုမဆို တည်တည်ငြိမ်ငြိမ် ဖြေရှင်းတုံ့ပြန်နိုင်အောင် ကြိုးစားသင့်တယ်လို့ ဆင်ခြင်မိတယ်။
======================================*

Friday, February 8, 2013

ပင်လယ်ပျောက် မြစ်နှစ်စင်း

2013, February, Treasure Land Magazine.


ပန်းချီသရုပ်ဖော်- ကိုကိုနိုင်





** ဟာ…..သားကလဲ။ မင်းဒေါ်လေးကို လိုက်ပို့ခိုင်းလေကွာ။ ဖေဖေမအားဘူးကွ။ မနက်ဖြန် ရန်ကုန်သွားရမှာ**

ဖေဖေ့စကားသံသည် ဖိုးပြည့်၏ မျှော်လင့်ချက်အိပ်မက်ကလေးကို ရိုက်ချိုးလိုက်လေသည်။ ပြောပြီးသည်နှင့် ဖေဖေသည် ဖိုးပြည့်ကို တစ်ချက်ကလေးမှ လှည့်မကြည့်တော့ဘဲ နက်ပြောင်နေသော သူ့ကားကြီးပေါ်တက်ကာ ငြိမ့်ငြိမ့်လေး မောင်းထွက်သွားလေသည်။

ဖေ့ဖေ့ကားကြီးကား ကောင်းလေစွ။ ညင်သာလွန်းလှသည်မှာ စက်သံပင် ကောင်းကောင်းမကြားရတတ်။  ကားအတွင်းပိုင်းအပြင်အဆင်မှာလည်း သားနားလှသည်။ ဆိုဖာခုံအကောင်းစားနှင့်၊ တီဗွီနှင့် ရေခဲသေတ်တာနှင့် စီးလို့ကောင်းလိုက်သည်မှာလည်း မပြောနှင့်။ ဖိုးပြည့်က ဖေဖေ့ကားကြီးနှင့် ပတ်သတ်ပြီး အလွန်ဂုဏ်ယူသည်။ သို့ပေမယ့် အခုအချိန်မှာတော့ ဖိုးပြည့် ဂုဏ်မယူနိုင်။ ရင်ထဲမှာ အလိုမကျစိတ်နှင့် ၀မ်းနည်းစိတ်တို့သာ ပြည့်လျှံနေသည်။

အဝေးသို့ ရောက်သွားပြီဖြစ်သော ဖေဖေ့ကားကြီးကို ကျောခိုင်းပြီး ဖိုးပြည့်၏ ကိုယ်ပိုင်အခန်းလေးဆီသို့ တရွေ့ရွေ့ပြန်လာခဲ့သည်။ ညစ်ညူးရှုပ်ထွေးနေသော အတွေးတို့ကို ထမ်းပိုးလျက် ခန်ဓါကိုယ်ကို ခပ်လေးလေး ခြေလှမ်းများနှင့် သယ်ဆောင်လာခဲ့သည်။

Monday, January 7, 2013

**ငြိမ်းချမ်းရေးဆိုရင် မင်းလည်း အသုံးလုံး မကျေဘူး၊ ငါလည်း အသုံးလုံး မကျေဘူး၊ ဒီတော့ စာလုံးမပေါင်းတတ်တာ ဆန်းလား **


**ငြိမ်းချမ်းရေးဆိုရင် မင်းလည်း အသုံးလုံး မကျေဘူး၊ ငါလည်း အသုံးလုံး မကျေဘူး၊ ဒီတော့ စာလုံးမပေါင်းတတ်တာ ဆန်းလား **
ဒီဇိုင်း - ညီမင်းဝေ(အွန်လိုင်းလင်းရောင်ခြည်)


ငြိမ်းချမ်းရေးဆိုရင်
ရေးဖွဲ့ဖို့ရာ စကားလုံးရှာမရဘူး။

ငြိမ်းချမ်းရေးဆိုရင်
စပ်ဆိုဖို့ရာ သံစဉ်မညီညာဘူး။

ငြိမ်းချမ်းရေးဆိုရင်
ရိုက်ကူးဖို့ရာ ဖလင်တွေ မပီပြင်ဘူး။