Thursday, October 11, 2012

ပရဟိတလုပ်လိုသူများအတွက် ဘလော့ဂ်မိတ်ဆက်


ဘလော့ဂ်မိတ်ဆက်...........

ဘလော့ဂ်အမည်- ပရဟိတလုပ်လိုသူများအတွက်

ဘလော့ဂ်လိပ်စာ - http://charitybeginsonline.blogspot.com

 

သတင်းထောက်လုပ်ရင်း သတင်းတွေ လိုက်ရင်း မြို့ရိုးကိုးပေါက်၊ တောကြိုအုံကြား အကုန်သွားရပါတယ်။
 
  သတင်းရတဲ့အခါရှိသလို၊ သတင်းဖြစ်တဲ့ အကြောင်းအရာတွေ ရလာတာရှိသလို သတင်းမဖြစ်တဲ့
  အကြောင်းအရာတချို့ကိုလည့် တွေ့ရှိကြုံကြိုက်လာခဲ့ရတယ်။ ဒီအကြောင်းအရာတွေထဲမှာ
  ပရဟိတအဖွဲ့အစည်းတွေအကြောင်း၊ ပရဟိတလုပ်ဆောင်နေတဲ့နေရာဌာနတွေအကြောင်းလဲ ပါတယ်။ 
 ကျွန်တော်တို့က သတင်းရေးတဲ့နေရာမှာ စာဖတ်သူအားလုံးနဲ့ လိုက်လျောထွေဖြစ်မယ့်
  အကြောင်းအရာမျိုးကိုရေးရတယ်။ တစ်ဦးတစ်ယောက်၊ အစုအဖွဲ့တစ်ခုခုတည်းနဲ့သာသက်ဆိုင်တဲ့
 
  အကြောင်းအရာမျိုးဆို ကျွန်တော်သိပ်မရေးချင်ဘူး။ ရေးလည်း သိပ်မသင့်တော်ဘူးလို့ထင်တယ်။
  ဒီနေ့အချိန်မှာ သတင်းထောက်တစ်ယောက်က  သတင်းဖြစ်မယ့် သတင်းတွ၊ လူအားလုံးနဲ့
  လိုက်လျောညီထွေ ခံစားဖတ်ရှုလို့ရမယ့် သတင်းမျိုးတွေကိုပဲ ရေးသင့်တယ်လို့ ယူဆထားတော့  
 စောစောက  ပြောခဲ့တဲ့ ပရဟိတ လုပ်ဆောင်ရာဌာနတွေ၊ အဖွဲ့အစည်းတွေအကြောင်း သတင်းလုပ်ပြီး
  သိပ်မရေးဖြစ်ဘူး။

 

ဒါပေမယ့် ကြုံကြိုက်လာရတဲ့အခါ သူတို့က ** ကျွန်တော်တို့ အဖွဲ့အကြောင်းလေး၊ ကျွန်တော်တို့
  လုပ်နေတဲ့ လုပ်ငန်းစဉ်လေးတွေ သတင်းရေးပေးပါဦး ** နဲ့ တောင်းဆိုတတ်ကြတယ်။
  ဒါကိုနားလည်ပါတယ်။  တစ်ဦးတစ်ယောက် တစ်စုတစ်ဖွဲ့တည်း လုပ်ကိုင်ဆောင်ရွက်နေရုံနဲ့
  မပြီးပြတ်နိုင်တဲ့၊ မအောင်မြင်နိုင်တဲ့ ကိစ်စရပ်တွေ ကျွန်တော်တို့နိုင်ငံမှာ အများကြီးရှိနေပါတယ်။
  ဒီတော့ တစ်ယောက်တစ်လက် ၀ိုင်းဝန်းပြီး လုပ်ကိုင်ဆောင်ရွက်ကြရမှာပေါ့။
  ဒီလိုဆောင်ရွက်လို့ရအောင်၊ ၀ိုင်းဝန်းချင်သူတွေ ၀ိုင်းဝန်းနိုင်အောင် သူတို့တွေက
  သတင်းရေးစေချင်တယ်။ ရှင်းရှင်းပြောရရင် ကျွန်တော်ကလည်း ဒီလိုအကြောင်းအရာတွေမှာ
  လက်ခဏာတစ်ခုခု (အပေါင်းဖြစ်စေ၊ အဆိုးဖြစ်စေ) တိတိကျကျ သိသိသာသာ ပီပီပြင်ပြင်
  ထွက်ပေါ်နေမှသာ သတင်းရေးချင်မိတာ။ ဒီတော့ အားနာရတယ်။ သူတို့လည်း မျှော်လင့်ချက်လေး
  ပျောက်ပြယ်ရတယ်ပေါ့။


 ဒီတော့ ကျွန်တော် တစ်ခုစဉ်းစားမိလာတယ်။  ငါဘာလုပ်ပေးနိုင်မလဲပေါ့။ သတင်းကတော့
  ပုံမှန်အနေအထားလောက်နဲ့ ကျွန်တော် မရေးပေးချင်ဘူး။ ကျွန်တော်တို့မှာ ဒီ့ထက်
  အရေးတကြီးဖော်ပြသင့်တဲ့ သတင်းတွေကရှိနေသေးတယ်။ ဒီတော့ ဘယ်လိုလုပ်ပေးရရင် ကောင်းမလဲ။
  ဘာမှ လုပ်မပေးရရင်လည်း စိတ်ကောင်းမှာမဟုတ်ဘူး။ ပြီးတော့ သူတို့တွေ
  လုပ်နေကြတယ်ဆိုတာကလည်း ကိုယ့်အကျိုးအမြတ်တစ်စုံတစ်ရာမျှော်ကိုးနေကြတာမဟုတ်ဘူး။
  ပရဟိတစိတ်ဓါတ်နဲ့  ဖေးမဖို့ လိုအပ်နေတဲ့သူတွေကို တွဲကူပေးချင်စိတ်ရှိကြတဲ့ လူတွေဖြစ်နေကြတော့
  မျက်နှာလွှဲသွားချင်စိတ်ကလည်း မရှိ။ ဒီမှာ ကျွန်တော် အကြံတစ်ခုရသွားခဲ့တယ်။ ငါ အွန်လိုင်းမှာ
  ဘလော့ဂ်တစ်ခုဖွင့်နေတာပဲ။ ဒီဘလော့ဂ်လေးမှာ ကိုယ်ရေးချင်တဲ့စာလေးတွေ တင်နေဖြစ်တာပဲ။
  ငါရေးချင်တဲ့စာတွေကိုတောင် ဖတ်ပေးကြတဲ့သူတွေရှိမှတော့  ဒီလို
  ပရဟိတဌာနလေးတွေအကြောင်းကိုရေးရင်လည်း စိတ်ဝင်စားတဲ့သူရှိမှာပဲ။ ဒီအဖွဲ့အစည်းတွေ
  ဌာနတွေအကြောင်း ဘလော့ဂ်တစ်ခုလောက်ဖွင့်ပြီးရေးရင် အားလုံးအဆင်ပြေကြမှာပဲ။
  လှူဒါန်းချင်သူတွေလည်း  ဘယ်ကျောင်းကတော့ ဘယ်လို၊ ဘယ်နေရာကတော့ ဘယ်လို စသဖြင့်
  လေ့လာပြီး သဒ်ဓါပေါက်လှူဒါန်းသွားတယ်ဆို နှစ်ဦးနှစ်ဖက်အကျိုးရှိမှာပဲ။ နောက်ဆုံးငါတောင်
  ပေါင်းကူးအနေနဲ့ကုသိုလ်ရလိမ့်ဦးမယ်ပေါ့။ ဒီလိုတွေးမိရင်း ကျွန်တော့်စိတ်ကူးလေးကို သူတို့တွေကို
  ပြောပြတော့ သူတို့ကလည်း ၀မ်းသာအားရပဲ ကူညီပေးပါဦးလို့ပြောကြတယ်။ တချို့ကကျတော့လည်း
  အရင်တုန်းက အကြံပြုဖူးတဲ့သူရှိတယ်ပေါ့။ နည်းပညာပိုင်းတွေ၊ အင်တာနက်တွေ မကျွမ်းကျင်
  နားမလည်တော့ သူတို့ မလုပ်ရတာလို့ဆိုတယ်။
 

ဒါနဲ့ပဲ ကျွန်တော်လဲ ဘလော့ဂ်လေးတစ်ခု ဖွင့်ဖို့ စီစဉ်ဖြစ်တယ်။ ဘလော့ဂ်ခေါင်းစဉ်ကို
  ဘယ်လိုပေးမလဲစဉ်းစားတော့ ပရဟိတလုပ်ချင်တဲ့သူတွေ၊ အလှူအတန်းလုပ်ချင်တဲ့သူတွေကို
  ရည်ရွယ်ပြီးဖွင့်ဖြစ်တာပဲကွာ၊ ပရဟိတလုပ်လိုသူများအတွက်လို့ ပေးလိုက်မယ်ဆိုပြီး
  ဒီနာမည်လေးအတည်ပြုဖြစ်ပါတယ်။ ဘလော့ဂ်လိပ်စာလေးပေးဖို့ကျတော့
  ကျွန်တော့်ဆရာတစ်ယောက်ပေးတဲ့နာမည်  ** Charity Begins on Line ** ဆိုပြီး တပ်ဖြစ်သွားတယ်။


ကျွန်တော်က ဒီလိုစီစဉ်နေမှန်းသိတော့ တချို့ကတော့ ပြောတယ်။ မင်း ပင်ပန်းမှာပေါ့တဲ့။ ရပါတယ်လို့၊
  သတင်းလိုက်ရင် ဒီလို ကျောင်းလေးတွေ၊ အဖွဲ့အစည်းလေးတွေအကြောင်း စနည်းနာရင်း ရေးမှာပဲလို့။
  သပ်သပ်သွားစုံစမ်းဖို့ လိုမယ်မထင်ပါဘူးလို့။ လိုအပ်ရင်တော့ သွား၇မှာပေါ့လို့ ပြန်ဖြေဖြစ်ခဲ့တယ်။

  ဒီတော့ လောလောဆယ်မှာ ကျွန်တော့်ဆီမှာ အချက်အလက်တွေ ရှိနေတဲ့ နေရာလေးတွေကို
  တင်ပြပေးသွားမှာ ဖြစ်ပြီးတော့ နောင်မှာဆက်လက်စုံစမ်းပေးသွားမှာ ဖြစ်တဲ့အပြင်

  စာဖတ်သူများအနေနဲ့လည်း ကိုယ်နဲ့ နီးစပ်တဲ့ပတ်ဝန်းကျင်က နေရာဌာနလေးတွေအကြောင်း

  တင်ပြချင်တယ်ဆိုရင်ဖြင့် ကျွန်တော့်ထံကို သမိုင်းအကျဉ်းလေးရယ်၊ လက်ရှိ လုပ်ဆောင်ချက်တွေရယ်၊
  လှူဒါန်းဖို့ ဆက်သွယ်ရန်လိပ်စာလေးတွေရယ်၊ ဓါတ်ပုံလေးတွေနဲ့  တကွ  
 ကိုပေးပို့ပေးနိုင်ပါတယ်။ အချက်အလက်ပြည့်စုံမယ်ဆိုရင် မလွဲမသွေ ဖော်ပြပေးသွားမှာ ဖြစ်ပါတယ်။  
  
 

ဒီဘလော့ဂ်လေးမှာ ကျွန်တော်က အလှူခံမယ့်ဌာနတွေကိုပဲ ဖော်ပြမယ်လို့ ရည်ရွယ်ပါတယ်။
   အလှူရှင်အဖွဲ့အစည်းတွေကို ဖော်ပြပေးသွားမှာမဟုတ်ပါဘူး။ လှူဒါန်းချင်သူများလေ့လာနိုင်မယ့်
  အလှူခံဌာနတွေကို ဖော်ပြပေးမှာဖြစ်ပါတယ်။

 

ကျွန်တော်လက်လှမ်းမီသလောက် မိတ်ဆက်ပေးတဲ့ နေရာလေးတွေကို သဒ်ဓါပေါက်ပြီး
  လှူဒါန်းဖြစ်ကြတယ်။ တစ်ဖက်မှာလည်း အဆင်ပြေသွားတယ်ဆိုရင်ဖြင့် ကျွန်တော့်ရည်ရွယ်ချက်
  အောင်မြင်သွားတယ်လို့ပဲ  ယုံကြည်စိတ်ထားမိပါတယ်။ ကျွန်တော့်ဆီကနေ
  တစ်ဆင့်လှူဒါန်းချင်တယ်ဆိုရင်လည်း နီးစပ်တဲ့နေရာများဆို  ဆောင်ရွက်ပေးသွားမှာဖြစ်ပြီး
  နှစ်ဦးနှစ်ဖက်အပြင် ဘလော့ဂ်စာဖတ်ပရိသတ်ကိုပါ စာရင်းတိတိကျကျ
  ရှင်းလင်းတင်ပြပေးသွားမှာဖြစ်ပါတယ်။



အခု ကျွန်တော့်ဘလော့ဂ်လေးကို လာရောက်ဖတ်ရှုကြတဲ့သူတွေအနေနဲ့လည်း ** 
 ပရဟိတလုပ်လိုသူများအတွက် …** ဆိုတဲ့ ဘလော့ဂ်လေးကို သွားရောက်လည်ပတ်ရင်း သဒ်ဓါစိတ်တွေ
  ယိုဖိတ်လာမယ်လို့ မျှော်လင့်ပါတယ်ခင်ဗျား။





ဝေမိုးနိုင်(မုံရွာ)
 

(ဖုန်း- ၀၉ - ၄၀၀၄၀ ၅၆၆၈)

မုံရွာမြို့။




             waimoenaing1@gmail.com


 





2 comments:

  1. ကွန်မန့်တွေက ပေးလို့မရကြဘူးပြောတယ်။ ရချင်တဲ့အချိန်လည်းရနေတယ်။ ဘာဖြစ်တာမှန်းကို မသိတော့ပါဘူးဗျာ။

    ReplyDelete