Tuesday, May 22, 2012

မုံရွာမှာ လျှပ်စစ်မီးရရှိရေး ဘာကြောင့်ဆန္ဒပြရတာလဲ( ဒုတိယနေ့ ဆန္ဒပြမှုမှ သိရှိရသော အကြောင်းရင်းမြစ်)






 စစ်ကိုင်းတိုင်းဒေသကြီးရဲ့ မြို့တော်ဖြစ်တဲ့ မုံရွာမြို့မှာ မေလ ၂၁ရက်နေ့က စတင်ခဲ့တဲ့ လျှပ်စစ်မီးရရှိရေးဆန္ဒပြမှုဟာ မနေ့က မေလ၂၂ရက်နေ့မှာလဲ ဆက်လက်ဖြစ်ပွားခဲ့တာ အားလုံးအသိပဲဖြစ်ပါတယ်။ ဒါပေမယ့်  လျှပ်စစ်မီးရရှိရေးအတွက် ဆန္ဒပြရတယ်လို့ပဲသိထားပြီး တကယ့် အစစ်အမှန်အရင်းအမြစ်ကို ဖော်ပြနိုင်ခြင်းမရှိတဲ့အတွက် မသိကြရပါဘူး။ ဒါကြောင့် မနေ့က မေလ၂၂ရက်နေ့ ည ၉နာရီခန့်မှာ စတင်လှည့်လည်ဆန္ဒပြခဲ့တဲ့ ဆန္ဒပြသူများထဲက ဦးဆောင်လှုပ်ရှားသူများကို မေးမြန်းကြည့်ခဲ့ပါတယ်။





 
“ ကျွန်တော်တို့က မုံရွာ လှည်းတန်းရပ်ကွက်ကပါ။ မီးကလုံးဝမလာတာတော့မဟုတ်ပါဘူး။ ဒါပေမယ့် လာရင်ခဏလေးပဲလာတယ်။ လုံးဝခဏလေးပဲ။ ဖျတ်ခနဲ လာပြီး ဖျတ်ခနဲပဲပြန်ပြန်ပျက်သွားတယ်။ အဲဒါ တစ်ပတ်ဆယ်ရက်လောက်ရှိနေပြီ။ ကျွန်တော်တို့မှာ တော်တော်အခက်အခဲတွေဖြစ်ပါတယ်။ ဆက်သွယ်ရေးအတွက်ဖုန်းပြောဖို့ေ
တာင် မီးမလာလို့ အားမသွင်းရတော့ တခြားမှာသွားပြောရတဲ့အထိပဲ။ တခြားအခက်အခဲတွေဆိုတာတော့မပြောနဲ့တော့။ ဒါကြောင့်ဆန္ဒပြရတာပါ။ ကျွန်တော်တို့က တစ်မြို့လုံးဒီလိုဖြစ်တယ်ဆိုရင်တော့ ဆန္ဒပြစရာအကြောင်းမရှိပါဘူး။ ခုဟာက ကျွန်တော်တို့ တစ်ရပ်ကွက်ထဲဖြစ်နေတာ။ ကျန်တဲ့ရပ်ကွက်တွေအကုန်လာတယ်။ အချိန်ပြည့် နီးပါး လာတယ်။ ကျွန်တော်တို့ရပ်ကွက်ကျမှ ဒီလိုဖြစ်ရလို့ တန်းတူညီမျှအခွင့်အရေးမရတာကြောင့် ဆန္ဒပြတာပါ။” 

ဆန္ဒပြသူများဟာ ဗိုလ်ချုပ်အောင်ဆန်းကြေးရုပ်ကနေ ည၉နာရီခန့်က စတင်ပြီး ဗိုလ်ချုပ်အောင်ဆန်းလမ်းတစ်လျှောက်လှည့်လည်ပါတယ်။ ပြီး မုံရွာမြို့ ဆုတောင်းပြည့်စေတီတော်မြတ်ကြီး ရှေ့က ဖြတ်ပြီး ရုံးကြီးလမ်းကနေ ဗိုလ်ချုပ်ကြေးရုပ်ကို ပြန်ပတ်ပါတယ်။ အဲဒီနောက် သာစည်လမ်း၊ ပြည်ထောင်စုလမ်းတစ်လျှောက်ကနေ လျှပ်စစ်ရုံးရှေ့ကိုသွားရောက်ဆန္ဒထုတ်ဖော်ခဲ့ကြပါတယ်။ ဗိုလ်ချုပ်လမ်းတစ်လျှောက်လှည့်လည်စဉ်က ဆန္ဒပြသူဦးရေဟာ လမ်းလျှောက်ဆန္ဒပြသူများ၊ ဆိုင်ကယ်၊စက်ဘီး၊ ကားများနဲ့ဆန္ဒပြသူများအပါအ၀င် လူနှစ်ထောင်ကျော်၊ သုံးထောင်ခန့်ရှိမယ်လို့ ခန့််မှန်းရပါတယ်။ နောက်ဆုံး လျှပ်စစ်ရုံးရှေ့အရောက်မှာတော့ ဆန္ဒပြသူဦးရေ ရှစ်ရာ၊ တစ်ထောင်ခန့်သာ ရှိပါတော့တယ်။ မြင်တွေ့ခဲ့ရတဲ့မြင်ကွင်းအရတော့ ဆန္ဒပြသူများဟာ လမ်းမှာလူဦးရေပြန်စစ်ဖုိ့ ကြိုးစားခဲ့ကြတာကိုလည်းတွေ့ရပါတယ်။ လမ်းတစ်လျှောက်မှာတော့ မြို့ခံပြည်သူလူထုကြီးက ဆန္ဒပြသူများကို နှစ်ထောင်းအားရ ကြိုဆိုဝမ်းမြောက်နေကြတာကိုလည်း တွေ့မြင်ရပါတယ်။ ဆန္ဒပြမှုပြီးဆုံးသွားချိန်ရောက်တော့ ဆယ့်တစ်နာရီခန့်ရှိနေပါပြီ။

5 comments:

  1. မီးမြန်မြန်ပြန်ရပါစေ။တန်းတူညီမျှအခွင့်အရေးလဲ ၇ပါစေလို့ ဆုတောင်းပေးပါတယ်။

    ReplyDelete
  2. အင်းးးးးး မီးတွေလဲမှန်စေချင်ပြီ တောကြောင်တွေကြောင့် အရင်လိုအုပ်ချူပ်ရေးကြီး ပြန်ရလာမှာကိုလဲမလိုချင်ဘူး


    ခင်မင်လျှက်

    မဒိုးကန်

    ReplyDelete
  3. ဆရာရေ..အရာရာအဆင်ပြေစေချင်တဲ့ ဆရာ့ဆန္ဒ အမြန်ဆုံးပြည့်ဝပါစေ..စာကောင်းပေမွန်တွေ များများထုဆစ်နိုင်ပါစေ ။

    ReplyDelete
  4. မကြာခင်လေးကပဲ မွေးရပ်မြေ မုံရွာမြို့လေးကို ရောက်ခဲ့ပါတယ်..

    မိုးလေတွေ ပြင်းထန်စွာတိုက်ခတ်နေလို့ ညောင်ပင်ကြီးဘက်ကမ်းကို

    စက်လှေနဲ့ ကူးခတ်ဘို့အတွက် တစ်နာရီကျော်ကြာ စောင့်ဆိုင်းခဲ့ရတာလေးတွေရယ်..

    မုံရွာရောက်တုန်းရောက်ခိုက် ကွမ်းယာတွေ တလစပ်ဝါးပီး ထုံးပေါက်လို့ လေးငါးရက်လောက်

    ထမင်းကောင်းကောင်း မစားနိုင်ခဲ့တာလေးတွေရယ်...

    နောက်ပီးအထူးခြားဆုံးက ဇာတိမွေးရပ်မြေရောက်ခိုက် ကြုံတုန်းမို့ မြန်မာနေရှင်နယ်လိတ်ပြိုင်

    ပွဲတစ်ခုဖြစ်တဲ့ ဇေယျာရွှေမြေအသင်းနဲ့ ရက္ခပူရအသင်းယှဉ်ပြိုင်တဲ့ဘောလုံးပွဲစဉ်ကို MR TV4ကနေ

    တိုက်ရိုက် ထုတ်လွှင့်ပေးလို့ ဇေယျာရွှေမြေအသင်းကို အားပါးတရအားပေးလိုက်တာ ရက္ခပူရအသင်းကို

    ခွက်ခွက်လန်အောင်ရှုံးခဲ့တဲ့ ဖြစ်ရပ်လေးတွေကတော့ ဘယ်တော့မှ မေ့လို့မရတဲ့ ဖြစ်ရပ်လေးတွေပါဘဲ..

    ဟဲ.. ဟဲ.. ဗိုလ်ချုပ်မြင်းရုပ်ပတ်ပတ်လည်ဘေးမှာ ဖယောင်းတိုင်ကိုင်

    လမ်းလျှောက်ပွဲနဲ့တော့ တေ့လွဲလေးလွဲလာခဲ့လေရဲ့..

    ReplyDelete
  5. လည်လည်ရောက်လာတယ်။ မြန်မာပြည်မြို့အားလုံး နယ်အားလုံး မီးလင်းဖို့  ကြိုးစားကြပါစေ (အစိုးရကိုပြော) လို့  ဆုတောင်းနေပါတယ်ဗျာ။

    ReplyDelete