Thursday, April 19, 2012

အလှည့်

from Google

၁။

နွေရာသီရဲ့ ပူပြင်းတဲ့ရာသီဥတုဒဏ်ကြောင့်လားမသိဘူး။ လမ်းမကြီးပေါ်မှာ တိတ်ဆိတ်ခြောက်ကပ်နေတယ်။ ဆယ်မိနစ်တစ်ခါလောက်ဖြတ်သွားနေတဲ့ ကားတွေရယ်၊ ဆိုင်ကယ်တချို့တလေရယ်၊ တစ်ဝမ်းတစ်ခါးအတွက် ဈေးဗန်းခေါင်းရွက်ပြီး မြို့ရိုးကိုးပေါက်ခြေလျင်ဈေးလျှောက်ရောင်းနေတဲ့ ဘ၀တူဈေးသည်တွေကလွဲပြီး လမ်းတွေက ဗလာကျင်းနေတယ်။

ကြောင်တစ်မြီးမဆိုထားနဲ့၊ ခွေးတစ်ကောင်တောင်လမ်းသလားမနေဘူး။ အရိပ်ရတဲ့ သစ်ပင်အောက်မှာတစ်ရေးတစ်မောမှေးစက်အနားယူနေကြတယ်။ ပူပင်ကြောင့်ကြကင်းကင်းနဲ့ အိပ်ပျော်နေတဲ့ ခွေးတွေကို ကြည့်ရင်း ကိုသ်ိန်းမောင်အားတောင်ကျမိသေးတယ်။ ဒါပေမယ့် ခွေးတွေလည်း ဗိုက်ဆာပြီဆိုတာနဲ့  သမုဒ္ဒရာဝမ်းတစ်ထွာအတွက် ရှာရ၊ ဖွေရတော့တာပဲလေ။ ဒီလို အိပ်မနေနိုင်ဘူးမို့လား။ ဒီတော့ ကိုသိန်းမောင် ခွေးတွေကို ကြာကြာအားမကျနိုင်ဘူး။  ကိုယ့်ဝန်စည်စလွယ်ကို မြဲမြဲထမ်းရင်း ၊ ဈေးဝယ်မယ့်လူကို မျှော်လင့်ရင်း  တွေ့တဲ့လမ်းထဲ ကောက်ဝင်လိုက်တော့တယ်။

“တံမြက်စည်း ကြက်မွှေး”

အမှိုက်တွေကပဲ မရှိတော့တာလား၊ တံမြက်စည်းတွေကပဲ ကောင်းလွန်းလို့ တော်တော်နဲ့ အမွှေးတွေ ဖွာမထွက်လို့လားမသိဘူး။ ခုတစ်လော ကိုသိန်းမောင် ရောင်းမကောင်း။ တကယ်ဆို ဒီလို နွေရာသီမှာ ပိုရောင်းကောင်းသင့်တာပေါ့။  ဟုတ်တယ်လေ...။ နွေဦးက လေရူးနဲ့ကျီစယ်လိုက်ရင် အမှိုက်တွေ၊ ဖုန်တွေ၊ သဲတွေဆိုတာ လေနှင်ရာ ဘယ်နှမိုင်မှန်းကို မသိဘူး။  ဒါပေမယ့်   ဘာကြောင့်မှန်းမသိ၊ ကိုသိန်းမောင် အလုပ်မဖြစ်။  ပြောရရင် တစ်လနီးနီးရှိရော့မယ်။ နွေပေါက်ပြီဆိုကတည်းကပေါ့။

အစပိုင်းတော့ ရောင်းမကောင်းဘူးဆိုပေမယ့် အရင်က ရောင်းရထားတာတွေနဲ့ ဖုံးလို့၊ ဖိလို့၊ ဖာလို့၊ထေးလို့ ရသေးတယ်။  ကြာလာတော့ ရောင်းမကောင်းတာကြီးက သိသာထင်ရှားလာတယ်။ ထင်ရှားလာပြီး ဘယ်ကိုသွားထိခိုက်လဲဆိုတော့  အိမ်ကထမင်းဝိုင်းမှာ ဟင်းပန်းကန်ကိုပေါ့။ တစ်ခါတစ်ခါ ငါးပိရ ည်ကျိုနဲ့တင် လွေးရတဲ့နေ့တွေက ရေလို့မမှတ်မ်ိနိုင်တော့ဘူး။

ဒီနေ့လည်း နေကသာ ခေါင်းအထက် ရောက်လာတယ်။ ဈေးဦးက မပေါက်သေးဘူး။ မနက်မိုးလင်းက စားခဲ့တဲ့  ထမင်းကြမ်းခဲကလည်း ဖုန်တွေ၊ သစ်ရွက်တွေနဲ့အတူ လေနှင်ရာ လွင့်ပါသွားသလား မပြောတတ်ဘူး။  ၀မ်းထဲက တကျုတ်ကျူတ်မြည်အောင်ဆာနေပြီ။ ဒါပေမယ့် ဆိုင်တွေ့တိုင်းလည်း ၀င်မစားရဲဘူး။ တော်ကြာ ညနေအထိ ဈေးဦးမပေါက်ရင် စက်လှေဖိုး မကျန်မှာစုိးရသေးတယ်။ 

စက်လှေသမားမောင်အုံးနဲ့ လူချင်းနည်းနည်းပါးပါးရင်းနှီးပေမယ့် အကြွေးတော့ မစီးရဲဘူး။  ဘာလို့လဲဆုိုတော့  တစ်ခါက မိန်းမတစ်ယောက် မြစ်လယ်ရောက်မှ အကြွေးတက်စီးတာမှန်းသိတော့  ဘာလုပ်တယ်မှတ်တုံး။  လှေကို ပြန်လှည့်ပြီး မုံရွာကမ်းဘက် ဦးတိုက်လို့ လှေပေါ်ပါလာတဲ့သူတချို့ နီးစပ်ရာတွေက ငွေစုပြီး စိုက်ပေးလိုက်မှ အနောက်ဘက်ကမ်းပြန်ဦးတိုက်တာ  ကိုသိန်းမောင်တို့ မျက်မြင်ပဲလေ။  ဒီတော့ စက်လှေဖိုးကလည်း ချန်မှ ရမှာ။ အိတ်ကပ်ထဲမှာလဲ နှစ်ရာတန်နှစ်ရွက်နဲ့ တစ်ရာတန်တစ်ရွက်ကပဲ ခပ်နွမ်းနွမ်းပြုံးပြနေကြတယ်။  ဒါနဲ့ မဖြစ်သေးပါဘူး။  တံမြက်စည်းတစ်ချောင်းရောင်းရ ရောင်းရ၊ ကြက်မွှေးတစ်ချောင်းရောင်းရရောင်းရ ၊ ရောင်းလိုက်ဦးမဟဲ့လို့ တွေးရင်း အားနဲ့မာန်နဲ့ အော်ချလိုက်တယ်။

“ တံမြက်စည်း ကြက်မွှေး ”

---------------------------------------------------------------------------
---------------------------------------------------------------------------
၂။

 “ဒင် .....ဒင်....”

ကိုသိန်းမောင်က ခါးပုံစနဲ့ နဖူးပေါ်က ချွေးတွေကို ခပ်ကြမ်းကြမ်း သုတ်ပစ်ရင်း အသံမြည်လာတဲ့ နာရီစင်ကြီးကို မော့ကြည့်လိုက်တယ်။ နာရီစင်ကြီးကလည်း အချိန်လင့်နေပြီဆိုတဲ့ မျက်နှာထားနဲ့ ကိုသိန်းမောင်ကို ခပ်တင်းတင်း ငုံ့ကြည့်နေတယ်။

ဝမ်းထဲမှာ ဘာမှ မရှိလို့ထင်ပါရဲ့။ ခေါင်းတွေတောင် နောက်ကျိနေပြီ။  မုံရွာတစ်မြို့လုံးလည်း နှံ့လုနေပြီ။  ခြေကလည်းတိုနေပြီ။ ရေကလည်း ဆာနေပြီ။ မနေနိုင်တော့ ဘေးနားကကွမ်းယာသည်လေးဆီ ရေတောင်းသောက်ရတယ်။  နေပူပူမှာ အေးမြနေတဲ့ ရေကြောင့် နည်းနည်းတော့ လန်းဆန်းလာတယ်။ ဒါနဲ့ တံမြက်စည်း အစည်းလိုက်ကြီးကို ကောက်ထမ်းပြီး နာရီစင်နဲ့မျက်စောင်းထိုးက ယွန်းကျောင်းလမ်းထဲ ၀င်လိုက်တယ်။ ရေနံချေးတွေ ၀နေအောင်သုတ်ထားတဲ့ အိမ်ကလေးရဲ့ ခြံဝင်းရှေ့ ကိုသိန်းမောင် ရပ်လိုက်တယ်ဆိုရင်ပဲ ခြံထောင့်က ခွေးက အိပ်နေရာက ဆတ်ခနဲ ထတယ်။ ကိုသိန်းမောင်ကိုမြင်တော့ ပြန်အိပ်နေလိုက်တာ အမြီးလေးတောင် မြေကို တဘုတ်ဘုတ်နဲ့ ရိုက်နေလေရဲ့။

“ ဆရာမ....ဆရာမ...”

ကိုသိန်းမောင် သိပ်မခေါ်လိုက်ရပါဘူး။ အိမ်ထဲကနေ ခပ်၀၀အမျိုးသမီးတစ်ဦးထွက်လာတယ်။

“သြော်.... ကိုသိန်းမောင်၊ တံမြက်စည်းက ရှိသေးတယ်။  မယူသေးဘူး”

“ မယူသေးဘူးလား”

“ အဲ .... ရှိသေးတယ်။ နောက်နှစ်ပတ်လောက်နေမှ လာခဲ့လေ ”

ကိုသိန်းမောင် မောသွားတယ်။ တံတွေးတစ်ချက် မျိုချလိုက်တယ်။

“ ကြက်မွှေးကော  ဆရာမ။ ”

“ကြက်မွှေးလည်းရှိသေးတယ်လေ ကိုသိန်းမောင်ရဲ့။ အရင်တစ်ခေါက်က ထောင့်ငါးရာတန် ၀ယ်ထားတာလေ။ ကိုသိန်းမောင်ဆီကပဲလေ။ အဲဒါက အမွှေးတွေ မဖွာသေးဘူး။ သုံးလို့ ရသေးတယ်။ ”

“ တံမြက်စည်းကြမ်းရော  မလိုဘူးလား ဆရာမ”

ဆရာမကနည်းနည်းတော့ စိတ်ညစ်သွားပုံရတယ်။

“တကယ်ပြောတာ ကိုသိန်းမောင်ရဲ့။ တကယ်မလိုလို့ရယ်”

“ဆရာမရယ်....တစ်ခုခုတော့ ၀ယ်ပါဦးလား”

“ တကယ်မလိုတာပါ ကိုသိန်းမောင်ရယ်။ နို့မို့ ကျွန်မ ကိုသိန်းမောင်ကို အားပေးသားပဲ”

“ သိပါတယ် ဆရာမရယ်...။ ကျေှးဇူးလဲ တင်ပါတယ်။ ခုတော့ တစ်မျိုးမျိုးလောက် ၀ယ်လိုက်ပါဦးဆရာမရယ်။ ကျွန်တော် ဈေးဦးမပေါက်သေးလို့ပါ။  တံမြက်စည်းကြမ်းယူပါလား။ ဆရာမတို့ ခြံက သစ်ပင်တွေနဲ့ အမှိုက်ပွမှာပေါ့။ ၀ယ်လိုက်ပါဆရာမရယ်။ တကယ် ကျွန်တော် ဈေးဦးမပေါက်သေးလို့ပါ။ ခုထိလည်း နေ့လည်စာ မစားရသေးဘူးဆရာမရဲ့။ ကူညီပါဗျာ”

ဆရာမက ခဏစဉ်းစားတယ်။ ပြီးမှ...........

“ကဲ  ကဲ  ဒါဆိုလဲ  တံမြက်စည်း ကြမ်းတစ်ချောင်းပေး”

“ကျေးဇူးပါဆရာမရယ်.။  တကယ်ပါ”

ကိုသိန်းမောင် တော်တော်ပျော်သွားတယ်။ ဘာပဲပြောပြော ထမင်းဖိုးလေးတော့ ရပြီမို့လား။

“ တစ်ချောင်းဘယ်လောက်လဲ ”

“ တစ်ချောင်းတစ်ထောင်ပါ ဆရာမရယ်။ ဈေးလည်းချိုပါတယ်”

“ ဟိုတစ်ချောင်းပေး ကိုသိန်းမောင်”

“ ဟုတ်ကဲ့ဆရာမ ။ ကျေးဇူးတင်ပါတယ်ဆရာမရယ်။ ကျွန်တော်ဖြင့် ခုမှ ဈေးဦးပေါက်တာပဲ ။ တကယ်ကျေးဇူးတင်ပါတယ်ဗျာ”

ဆရာမကမ်းပေးလာတဲ့ တစ်ထောင်တန်ငွေစက္ကူလေးနဲ့  တံမြက်စည်း အစည်းပေါ် တဘုတ်ဘုတ်ပုတ်လိုက်တယ်။

“ ရပါတယ်ကိုသိန်းမောင်ရယ်။  ရေသောက်ပါဦးလား”

“ေ တ်ာပြီဆရာမ။ ကျွန်တော် ဗိုက်ဆာနေပြီ။  ထမင်းဆိုင်ပြေးလိုက်ဦးမယ်။ ”

 အပြေးအလွှားနဲ့ တွေ့တဲ့ လမ်းဘေးက ထမင်းဆိုင်တစ်ဆိုင်မှာ ၀င်ထိုင်လိုက်တယ်။  တစ်ခါပြင် ငါးရာတဲ့ ။  ထမင်းပွဲ၊ ဟင်းပွဲ  ကိုသိန်းမောင်ရှေ့ရောက်တော့ ခေါင်းတောင် မဖော်နိုင်တော့ဘူး။ မနက်ကတည်းက မစားရသေးတာလေ။ ဆာပြီပေါ့။

“ တော်တို့ရော  ရောင်းကောင်းလား”

ထမင်းဆိုင်က အမျိုးသမီးက ဘေးက စားပွဲဝိုင်းအလွတ်မှာဝင်ထိုင်ရင်း မေးတယ်။

“ ကောင်းပေါင်ဗျာ၊ ကျုပ်ဖြင့် စောနကမှ ဈေးဦးပေါက်တာပဲ  အဲဒါ ရတဲ့ ပိုက်ဆံနဲ့ ထမင်းဝင်စားတာလေဗျာ”

“ တော်က ဘယ်က လာရောင်းတာတုံး”

“အနောက်ဘက်ကမ်းက .........။ နေပါဦး ခင်ဗျားတို့ကော ရောင်းကောင်းလား”

“ ကောင်းပါဘူးတော်။ ဒီကြားထဲ ဆိုင်က ခဏခဏ ပိတ်နေရသေးတယ်။ ”

“ ဘာလို့တုံး”

“ သိပါဘူးတော်........စည်ပင်ကလူတွေပေါ့။ လူကြီးလာတယ် လူကြီးလာတယ်နဲ့ တော်ကြာနေ လမ်းဘေးဆိုင်တွေ လမ်းကြိုလမ်းကြားထဲ ပြောင်းဖွင့်ခိုင်းလိုက်၊ တော်ကြာနေ လမ်းဘေးဆိုင်တွေ မဖွင့်ရဘူးပြောလိုက်နဲ့။ ဘာလုပ်ရမှန်းကို မသိဘူး။  ကျုပ်တုိ့က ဒီအလုပ်မလုပ်တော့ ဘာနဲ့စားရမလဲ။ စားစရာမရှိတော့ သူတို့ ကျွေးထားတာလဲ မဟုတ်ဘူး။ တခြားအလုပ်လည်း မလုပ်တတ်တော့ ဒါလေးပဲ မှိန်းလုပ်နေရတာ။”             

ဆိုင်ရှင်မိန်းမပြောတဲ့စကားကို ကြားတော့ ကိုသိန်းမောင် သောက်လက်စ ပဲဟင်းဇွန်းကို ပါးစပ်ထဲက အမြန်ဆွဲထုတ်လိုက်တယ်။

“ ဟုတ်တယ်။ ဟုတ်တယ် ခင်ဗျားပြောတာ ဟုတ်တယ်။ ကျုပ်လည်း တခြားဘာမှ မလုပ်တတ်တော့ ဒီအလုပ်ပဲ  အရောင်းအ၀ယ်ပါးမှန်းသိရက်နဲ့ ဆက်လုပ်နေရတာ။ တခြားအလုပ်ကျ ကိုယ် နားမလည်ပဲ ရမ်းလုပ်ရင် ကွဲသွားမှာလဲ စိုးရသေးတယ်ဗျ”

ကိုသိန်းမောင်က စားလက်စပန်းကန်ကို အပြတ်ရှင်းပြီး ရေတစ်ခွက် မော့သောက်တယ်။ ကျန်တဲ့ရေနဲ့ ထမင်းပန်းကန်ထဲ လက်ဆေးချပြီး  လက်သုတ်လိုက်တယ်။ ထမင်းစားလို့တော့ ပြီးသွားပြီ။

“ ကဲ  အစ်မရေ.. ဘယ်လောက်ကျတုံး”

“ငါးရာ”

“ ငါးရာ  ၊ ဟုတ်ပြီ။  ဒီလိုလုပ်..........ခင်ဗျားလည်း အရောင်းအ၀ယ်ပါး၊ ကျုပ်လည်း အရောင်းအ၀ယ်ပါးတယ်ဆိုတော့ ဒီလိုလုပ်ရအောင်”

“ဘယ်လိုလုပ်မို့တုံး”

ဆိုင်ရှင်မိန်းမက ပန်းကန်တွေသိမ်းရင်း ခြေလှမ်းပြင်မယ့်ဆဲဆဲ တုံ့သွားတယ်။

“ ဒီလိုလေဗျာ...........ခင်ဗျားကို ကျုပ် ငါးရာမပေးတော့ဘူး ။ ခင်ဗျား  ကျုပ်ဆီက တံမြက်စည်းဖြစ်ဖြစ် ၊ ကြက်မွှေးဖြစ်ဖြစ်ယူလိုက်လေဗျာ”

ကိုသိန်းမောင် စကားအဆုံး ဆိုင်ရှင်မိန်းမက တူးတူးခါးခါးငြင်းတယ်။

“ ဟာ.........တော်ပြီ။ တော်ပြီ။ ကျုပ်ကြက်မွှေးက အကောင်းကြီး ရှိသေးတယ်။   မလိုသေးဘူး ။ မ၀ယ်ဘူး။ ထမင်းဖိုးသာပေး”

“ ခင်ဗျားကလည်းဗျာ၊ အချင်းချင်းတွေပဲဟာကို ”

“ ဘာအချင်းချင်းတုံး ၊ တော်ပြီ........ကျုပ်ကို ငါးရာ သာပေး”

ဆိုင်ရှင်မိန်းမက ပန်းကန်တွေ ဆောင့်ချတယ်။

“ အစ်မရယ်........ တံမြက်စည်းအတိုလေး ဖြစ်ဖြစ်ယူလိုက်ပါဗျာ။ ဟိုမှာ ခင်ဗျားတံမြက်စည်းလေးက ကောင်းတော့တာ မဟုတ်ဘူး။ ယူလိုက်ပါဗျာ။ ကျုပ်လည်း ခင်ဗျားဆီ ထမင်းစားတာပဲကို”

“ ကျွတ်.....ဒုက္ခပဲ”

ကိုသိန်းမောင် ဆိုင်ရှင်မိန်းမကို ကြည့်ပြီး ရယ်ချင်နေတယ်။ ဒါပေမယ့် ရယ်လို့မဖြစ်သေး။  ခုလုပ်ရမှာက တံမြက်စည်းရောင်းထွက်ဖို့။  ဒီလိုဆို ထမင်းဖိုးပေးစရာမလိုတော့။

“လုပ်ပါအစ်မရယ်။  ကူညီပါ။ နောက်ဆိုလဲ မုံရွာရောက်တိုင်း အစ်မဆိုင်ပဲ ၀င်စားပါ့မယ်ဗျာ”

“ အမလေးတော်။ နောက်တော့ မလာခဲ့နဲ့တော့။ ခုတော့ ယူလိုက်မယ်။  တကတည်း ....ဘေးကနေ မြင်းအီးပေါက်တဲ့ အတိုင်းပဲ  ။ ဒီလိုဈေးသည်တော့ ကြုံ ကြုံဖူးပေါင်တော်”

 ကိုသိန်းမောင် ရယ်ကျဲကျဲနဲ့ တံမြက်စည်းကြမ်းအတိုလေးထုတ်ပေးလိုက်တယ်။

“ ဒါဆိုပြီးရော.... ငါးရာ  ငါးရာ  ကျေရောဗျာ”

ဆိုင်ရှင်မိန်းမက ကိုသိန်းမောင်ကို မျက်စောင်းတစ်ချက်ထိုးတယ်။ မျက်နှာကလည်း မဲ့ကာ ရွဲ့ကာနဲ့။

-----------------------------------------------------------------------

“ဟူး..........ကဲ  ကဲ  ယူမယ်ရှင်။ ယူမယ်။ တံမြက်စည်း တစ်ချောင်းပေး”

ကိုသိန်းမောင် ကျေနပ်သွားတယ်။  ဒါပေမယ့် မကျေနပ်မိပြန်ဘူး။   ကျေနပ်မိတာက ဒီနေ့ သူဇွတ်ရောင်းတဲ့ ခွင်တွေ အောင်မြင်လို့ပါ။  မကျေနပ်မိတာက  ဒီနေ့ တစ်နေကုန် ဇွတ်လိုက်ရောင်းနေရတာကိုပါ။

သူလဲ ဘယ်ဇွတ်ရောင်းချင်ပါ့မလဲ ။ ဒါပေမယ့် ဒီလိုမှ မရောင်းရင် ဈေးဦးတောင် ပေါက်ဖို့ မလွယ်။ ဒီတော့ ၀ယ်ချင်မှန်းမသိ၊ မ၀ယ်ချင်မှန်းမသိ ဇွတ်ထိုးရောင်းနေရတော့တာပေါ့။  ၀ယ်ရတဲ့ သူတွေကလည်း  နားတွေငြီး၊ စိတ်ညစ်လွန်းပြီး ၀ယ်ကြရတော့တာပေါ့။

ဘယ်လိုပဲ ဖြစ်ပါစေ။ လက်ထဲမှာ ငွေရဖို့က အရေးကြီးဆုံးပဲ မဟုတ်လား။

-----------------------------------------------------------------------
-----------------------------------------------------------------------

၃။

စက်လှေ မထွက်သေးဘူးဆိုတာနဲ့ ကမ်းစပ်တက်ထိုင်ရင်း ဟိုကြည့်၊ ဒီကြည့်နဲ့ တောင်တောင် အီအီ တွေးနေမိတယ်။

မှောင်ရီပျိုးစအချိန်ဆိုတော့ ကမ်းပေါ်မှာလည်း လူသူကင်းရှင်းနေတယ်။ ဈေးသည်တွေ၊ ခေါင်းရွက်ဗျပ်ထိုးအသည်လေးတွေအချို့ကလည်း လက်ကျန်ရှင်းပြီး ငွေတောင် ရေနေကြပြီ။  အနောက်ဘက်ကမ်း ပြန်ရမယ့်သူတွေကလည်းစက်လှေစောင့်ရင်း ဟိုယောင်ယောင် ၊ ဒီယောင်ယောင်ပေါ့။

အဲဒီအချိန် ထိုင်နေတဲ့ ကိုသိန်းမောင် ရှေ့က်ို  ကောင်မလေးတစ်ယောက်လာရပ်တယ်။ အလွန်ဆုံးရှိလှ အသက်ဆယ်နှစ်ပေါ့။  ကိုသိန်းမောင် သမီးလေးနဲ့တောင် မတိမ်းမယိမ်း။   လက်ထဲမှာလည်း ခြင်းတောင်းလေးတစ်တောင်း ဆွဲထားလျက်သား။

“ ဟဲ့ကောင်မလေး ။ ဘာတုံး”

“ ပြောင်းဖူးဝယ်ပါဦးလား ဦးလေး”

“ပြောင်းဖူး...........ဟာ......ေ တ်ာပါပြီဟာ”

ပြောင်းဖူးဆိုတော့ နည်းနည်းတွေသွားပေမယ့် ကိုယ့်စိတ်ကိုယ် အမြန်ထိန်းရတယ်။

“ သကြားပြောင်းတွေ.......ဦးလေးရဲ့။ ချိုလိုက်တာမှ နစ်နေတာပဲ”

စားချင်စိတ်က ထိန်းမနိုင်အောင် ပြူတစ်ပြူတစ်ဖြစ်လာပေမယ့်  တဏှာကို အမြန်ချိုးနှိမ်ရတယ်။

“တော်ပြီ.......ကောင်မလေးရာ”

“ ၀ယ်လိုက်ပါဦးလေးရဲ့။ တကယ်ချိုလို့ ပြောနေတာ။ တစ်ဖူးမှ နှစ်ရာထဲ”

“ဟာ.........တော်ပြီ.....တော်ပြီ”

ကောင်မလေးနဲ့တော့ခက်ကုန်ပြီ။  ကိုသိန်းမောင်ကလည်း ငြင်းသာငြင်းလိုက်ရတယ်။  အသံက လှိုက်လှိုက်လှဲလှဲ သိပ်မရှိ။ နှေးနှေးကွေးကွေး နှင့် အေးတိအေးစက်၊ ခြောက်တိခြောက်ကပ်။

“ဦးက မယုံလို့လား။ မယုံရင်စားကြည့်။  မချိုရင် ပိုက်ဆံပြန်အမ်းမယ်။ ဘယ်လိုလဲ”

ကောင်မလေးက သူ့ ပြောင်းဖူးကို အပြည့်အ၀ အာမခံတဲ့ ရုပ်နဲ့ ကြည့်နေတယ်။

“ တခြားသွားရောင်းစမ်းပါဟာ”

“ ရောင်းပြီးပြီ ဦးရဲ့။ ၀ယ်တဲ့ သူကလည်း ၀ယ်ပြီးပြီ။ ဒီမှာ လေးဖူးပဲ ကျန်တော့တာ။ တစ်ဖူးလောက် ယူလိုက်ပါဦးလားဦးရယ်”

 “ ဟဲ့ ကောင်မလေး ... သွားစမ်းဟာ။ သွားစမ်း”

ကိုသိန်းမောင်က အိမ်က မိသားစုမျက်နှာကို မြင်လာမိတော့   အပြတ်အသတ် ငြင်းချလိုက်တာ အသံတောင် တော်တော် ကျယ်သွားတယ်။ အနီးအနားက လူတစ်ချို့က စူးစူးစမ်းစမ်း ကြည့်ကြတယ်။  ပြဿနာကို သဘောပေါက်သွားတော့  အကြည့်လွှဲသွားကြပြန်တယ်။  သူတို့လည်း ကောင်မလေးရဲ့ ပြဿနာကို ဖြေရှင်းမပေးနိုင်ဘူးနဲ့ တူပါရဲ့။

ကောင်မလေးကတော့ မျက်ရည်လေး ကလယ်ကလယ် နဲ့ ထွက်သွားတယ်။  ကောင်မလေးရဲ့ ညစ်နွမ်းနွမ်း အင်္ကျီနောက်ကျောကိုကြည့်ရင်း ကိုသိန်းမောင် သက်ပြင်းတစ်ချက် ခိုး ရှိုက်မိတယ်။

-----------------------------------------------------------------

စက်လှေပေါ်ရောက်တော့  ကောင်မလေးအကြောင်း ပြန်တွေးမိတယ်။ ဒီတစ်ခါလည်း ဒုတိယမ္ပိ သက်ပြင်းချမိပြန်ရော။ နောက်ပြီး ဘာကြောင့်မှန်းမသိ နေ့လည်က ကိုသိန်းမောင် တံမြက်စည်း ကြက်မွှေး ဇွတ်ရောင်းခဲ့တဲ့ မိန်းမတွေရဲ့ မျက်နှာတွေကို လည်း အစီ အရီ ပြန်မြင်ယောင်နေမိတယ်။

အင်...................... တတ်နိုင်ပါဘူးလေ။




 ဝေမိုးနိုင်(မုံရွာ)

ရနံ့သစ်မဂ္ဂဇင်း၊ အမှတ် (၄၅) ၊ စက်တင်ဘာ၊ ၂၀၁၂။

6 comments:

  1. ဖတ်လိုက်ပါတယ်ဆရာ...
    အင်း တချို့ ကျတော့လည်း ငွေအလုံးအခဲ ၀င်ဖို့ အရေး
    အလုပ်တွေတစ်ခုပြီးတစ်ခု ထောင်နေကြတာ...
    အော်...လောဘ လောဘ...
    တကယ်ဆို တင်းတိမ်ရောင့်ရဲပြီး အလုပ်လုပ်ကြရင်မကောင်းဘူလားလို့ ..
    ထော်ဦး

    ReplyDelete
  2. လူ့ဘဝကြီးထဲမှာ ဖြစ်တတ်တဲ့ သဘောသဘာဝလေးတွေ ဖတ်သွားပြီး မောင်ဝေမိုးနိုင်ရေ။
    အလှည့်ဆိုတာ ရောက်လာစမြဲပါ ကြမ္မာရဟတ်တစ်ပတ်လည် ဆိုသလိုပေါ့ကွယ်။
    စိတ်ဓာတ်အစဉ်ကြည်လင်အေးမြပါစေနော်။

    မေတ္တာဖြင့်
    အန်တီတင့်

    ReplyDelete
  3. အလှည့်ဆိုတာ တစ်နေ့ရောက်လာမှာပါ။လောဘ လောဘ လောဘ

    အားပေးလျက်
    လွင်ပြင်လှိုင်းငယ်

    ReplyDelete
  4. ညီရေ စာလေးဖတ်သွားတယ်....ကိုယ့်အလှည့်ကျတော့ မိသားစုမျက်နှာပြေးမြင်တယ်နော်.....လူပီသတာပေါ့နော...လူမှန်ရင် လောဘနဲ့မကင်းပါဘူးကွာ....ဒီလိုလူတွေလည်း အများကြီးရှိမှာဘဲ.....အားပေးနေတယ်ညီရေ.......

    ReplyDelete
  5. ဒီလို ဘဝတွေက အများကြီးပဲဝေမိုးရေ..။ ငွေကိုလွယ်လွယ်ရတဲ့နည်းနဲ့ရှာကြတဲ့သူတွေရှိသလို နဖူးကချွေးမြေခမှ ထမင်းနပ်မှန်ရတဲ့ ဘဝတွေကလည်းအများသား .. စာလေး ဖတ်ရင်း မောလာတယ်..

    ခင်တဲ့
    အစ်မဝသုန်

    ReplyDelete
  6. ဝမ်းစာရှာဖွေရတာ ခက်ခဲလှတယ်..သရုပ်ပီတယ်..

    ReplyDelete