Wednesday, January 18, 2012

ဟဿရသ စာအလှ

BOOKS
 စာဖတ်သူများ (နိုင်ငံတကာ)

“ကျွန်မကို   ရှိတ်စပီးယား ကိုရေးတဲ့ စာရေးဆရာနာမည် ပြောပြနိုင်မလား။”
 _
“ကျွန်တော် စာအုပ်တစ်အုပ်ရှာနေတာဗျ။ စာရေးဆရာနာမည်တော့ မသိဘူး။ စာအုပ်နာမည်ကတော့ “ ဒန်တီ ရဲ့  ငရဲ  ဆိုပဲ။”
 _

“ကျွန်မကလေ......စိတ်ကူးယဉ်မဟုတ်တဲ့စာအုပ်တွေဆို လုံးဝမကြိုက်တာ။ ကျွန်မကြိုက်တာက ကိုယ်တုိင်ရေးအထုပ္ပတ္တိတွေ ၊ သမိုင်းစာအုပ်တွေမှ...”




စာဖတ်သူများ(မြန်မာ)

“စာပေဟောပြောပွဲတဲ့ဟေ့ ။စိတ်ဝင်စားကြရင်.....”
“ဘယ်သူဟောမှာတဲ့လဲ”
“မသိပါဘူးကွာ.......ဆရာမတစ်ယောက်နာမည်ကတော့ မြသန်းတင့် ဆိုလားပဲ။ ဖတ်ဖူးလား၊ အဲဒီစာရေးဆရာမ စာအုပ်တွေ”
_
“စာပေလောက ကလဲ ငါးပွက်ရာငါးစာချလုပ်နေကြပါလားဟေ့။ မစန္ဒာရဲ့ စာအုပ်တွေ အဌားလိုက်တာနဲ့ ကလောင်နာမည်ဆင်တူယိုးမှားလုိက်လုပ်နေကြပါလား။ ဒီမယ်လေ.....မအိမ်ကံတဲ့.... ၊ အံမယ်....၀တ္ထုနာမည်ကလည်း အဆန်းပါလား။ ခင်ခင်ထူး ဆိုပဲ”
_

“မဂ္ဂဇင်းတွေကလဲ ဘာမှဖတ်စရာမပါဘူး။”
“ဘာမဂ္ဂဇင်းတွေလဲ”
“ရွှေအမြုတေတဲ့ ။ မဟေသီတဲ့။ ပိတောက်ပွင့်သစ်တဲ့။ ဖတ်စရာလဲဘာမှ မပါဘူး”
“နင်က ဘာဖတ်ချင်တာလဲ”
“ဟဲ့မင်းသားမင်းသမီးတွေ ၊ ကြော်ငြာတွေဖတ်ချင်တာပေါ့ဟဲ့”
_

“အခုအချိန်ထိ ကိုယ့်အပေါ်မှာအလွှမ်းမုိးဆုံး စာအုပ်တစ်အုပ်အကြောင်းပြောပြပါ။”
“သိုင်းစာအုပ်”
_
ကိုးတန်း စာသင်ခန်းတစ်ခုတွင်မြန်မာစာဆရာက ကျောင်းသားများအား ဆရာသိန်းဖေမြင့်၏စာတစ်ပုဒ်အကြောင်း သင်ရင်း ပြဋ္ဌာန်းချက်ပါ ဆရာသိန်းဖေမြင့်၏ အကြောင်းမေးနေသည်။
“သိန်းဖေမြင့်ရဲ့ အအောင်မြင်ဆုံးစာအုပ်က ဘာလဲ”
“အရှေ့က နေ၀န်းထွက်သည့်ပမာ  ပါဆရာ”
“ဟင်.....သား ဘာတွေပြောနေတာလဲကွ။ ဒီထဲမှာ မပါဘဲနဲ့ ။ဒီကောင်ကွာ....စာသင်နေတာကို အနှောင့်အယှက်မပေးစမ်းနဲ့”


ဝေလကို ဘာမှ မမီဘူးကွ

ကျွန်မ ယောက်ျားဆုံးသွားတော့ ကျွန်မ ဝေလနယ်ကို ပြောင်းလာခဲ့တယ်။ အဲဒ်ီမှာ အိမ်ချင်းကပ်လျက် အမျိုးသမီးက ကျွန်မကို မေးတယ်။
“ယောက်ျားက ဘယ်မလဲ”
“ပိုကောင်းတဲ့ တစ်နေရာကိုသူ သွားပြီ”
“ဟင်..........ဝေလထက်ပိုကောင်းတဲ့နေရာ ရှိလို့လား”


ဘာရယ်မဟုတ်ပါဘူး။ ဖတ်မိတာလေးတွေထဲက ရယ်မိပြုံးမိတာလေးတွေ၊ ကိုယ်တိုင်ကြုံရတာလေးတွေကို လက်ဆင့်ကမ်းလိုက်တာပါ။ ဖတ်ဖူးပြီးသားဖြစ်ကောင်းဖြစ်ပါလိမ့်မယ်။ မဖတ်ဖူးသေးသူတွေ ဖတ်ရအောင်လို့ပါ။

1 comment:

  1. စာဖတ်သူများ (မြန်မာ) ကို အကြိုက်ဆုံးပဲ.. :)

    ReplyDelete