Monday, January 9, 2012

ကျွန်တော် အယ်ဒီတာ




                                    ဖူးငုံဆယ်ကျော်သက် မဂ္ဂဇင်း ရဲ့ အတွေ့ အကြုံဖလှယ်စာမျက်နှာ (experience exchange) ကဏ္ဍမှာ ကျွန်တော့်ရဲ့ အယ်ဒီတာအတွေ့အကြုံလေးကို လက်ဆင့်ကမ်း မျှဝေလိုက်ပါတယ်။

------------------------------------------------@---------------------------------------------------------------------

                                အယ်ဒီတာအတွေ့အကြုံဆိုလို့ အံမယ်....ကြီးကျယ်လှချည်လားလို့ မထင်လိုက်ကြပါနဲ့ခင်ဗျာ။ တစ်နိုင်ငံလုံးအနှံ့ ဖြန့်ချိနေတဲ့ မဂ္ဂဇင်း၊ဂျာနယ်တွေရဲ့ အယ်ဒီတာတော့ မဟုတ်ပါဘူး။ ကျွန်တော် အဋ္ဌမတန်းကျောင်းသားအရွယ်က ထုတ်ဝေခဲ့ဖူးတဲ့ လက်ရေးမိတ္တူစာစောင်လေးတွေရဲ့ အယ်ဒီတာအတွေ့အကြုံလေးကို မျှဝေချင်တာပါ။ အယ်ဒီတာဆိုတော့ ကျွန်တော့်ကို ဘယ်သူက တာဝန်ပေးလို့လဲလို့ မေးစရာရှိပါတယ်။ ဘယ်သူကမှ တာဝန်မပေးသလို ၊ဘယ်သူကမှလည်း မခိုင်းစေပါဘူး။ ကျွန်တော့် စိတ်ကူးထဲမှာ အင်မတန်လုပ်ချင်နေတာလေးတစ်ခုကို ကြိုးစားလုပ်ဖြစ်ခဲ့တာပါ။ တကယ်တော့ ဒီလို လက်ရေးမိတ္တူစာစောင်လေးတွေ ထုတ်ဖုိ့ စိတ်ကူးရတာက ဆရာမင်းလူရဲ့ ၀တ္ထုတွေဆီက မြစ်ဖျားခံလာတာပါ။ ဆရာမင်းလူရဲ့ တက္ကသိုလ်နောက်ခံဝတ္တု တချို့မှာ ဇာတ်ကောင်လူငယ်တွေ စုပေါင်းပြီး ကဗျာစာအုပ်လေးတွေ ထုတ်ကြတဲ့ အကြောင်းကို ဖတ်ရတော့ ကျွန်တော့်စိတ်ထဲမှာလဲ အဲဒီလို စာအုပ်လေးတွေ ထုတ်ချင်စိတ်ပေါ်လာတာပါ။ ဆရာမင်းလူရဲ့  ဇာတ်ကောင်တွေလို တက္ကသိုလ်ကျောင်းသားမဟုတ်သေးပေမယ့် အဲဒီ အချိန်မှာ ကျွန်တော့်ရဲ့  ပထမဆုံးဝတ္ထုတိုလေးက teen magazine မှာဖော်ပြခံထားရတော့ လူကမြောက်နေပြီး စိတ်ကူးထဲက အိပ်မက်လေးကို အကောင်အထည်ဖော်ဖုိ့ တော်တော်လေး စိတ်အားထက်သန်နေခဲ့ပါတယ်။ ဒါကြောင့် ၀ါသနာတူ သူငယ်ချင်းနှစ်ယောက်နဲ့ တိုင်ပင်ဖြစ်ပါတယ်။ စ တိုင်ပင်တုန်းက ကျွန်တော်တုိ့သုံးယောက်ပေါင်း ကဗျာစာအုပ်လေးထုတ်ဖို့ပါ။ ဒါပေမဲ့ ကျွန်တော်တို့တိုင်ပင်နေတာကို ကြားသွားတဲ့သူငယ်ချင်းတချို့ က သူတို့လည်း ရေးချင်တယ်လို့ ဆိုလာပါတယ်။ ဒါနဲ့ မဂ္ဂဇင်းအသေးစားပုံစံမျိုးလုပ်မယ်ဆိုပြီး ဆုံးဖြတ်လိုက်ပါတယ်။ဒါကြောင့် ကျွန်တော်တို့ထုတ်မယ့် မဂ္ဂဇင်းပုံစံနဲ့ ထည့်သွင်းဖော်ပြမယ့် စာမူအမျိုးအစားတွေကို ပြောပြပြီးပါဝင်ရေးသားချင်သူတွေကို ဖိတ်ခေါ်လိုက်ပါတယ်။
                           ဒီလိုကြေညာပြီး မကြာခင်မှာပဲ ယောက်ျားလေး၊ မိန်းကလေး သူငယ်ချင်းအယောက်နှစ်ဆယ်လောက်ဆီ က စာမူမျိုးစုံကို လက်ခံရရှိခဲ့ပါတယ်။ တချို့ဆို နှစ်ပုဒ်၊ သုံးပုဒ်ပေးကြတာတောင်ရှိပါတယ်။ ရလာတဲ့စာမူတွေကို ကျွန်တော်နဲ့သူငယ်ချင်းနှစ်ယောက်နဲ့ ရွေးချယ်ကြပါတယ်။  တကယ်တော့ ရွေးရတာက ခပ်များများပါ။ ပယ်တာက သုံးလေးပုဒ်လောက်တင်။ရွေးတဲ့ စာမူတွေကိုကျွန်တော်တုိ့ပြင်ဆင်မှု မလုပ်ခဲ့ပါဘူး။ သူတို့ပေးတဲ့အတိုင်းသာ ကြိုက်ရင်းရွေးပြီး မကြိုက်ရင် ပယ်လိုက်တာပါ။ နောက်ဆုံးအဆင့်စာမူအပြီးသတ်ရွေးပြီတဲ့အခါ စာအုပ်အဆင့်ရောက်လာဖို့တာဝန်အားလုံးက ကျွန်တော့်ပေါ်ကို ကျရောက်လာပါပြီ။
                                   စာအုပ် ပုံစံက A4စာရွက်ကို အလျားလိုက်ထားပြီး စာအုပ်ပုံစံခေါက်ကာ ထုတ်ကြမှာပါ။ ဒါကြောင့် စာမူကူးရာမှာ စာကြောင်းလေးတွေ ညီစေဖို့ ခဲတံနဲ့မျဉ်းသားရပါတယ်။ မျဉ်းသားပြီးမှ အဲဒီ မျဉ်းကြောင်းလေးတွေပေါ်မှာ ဘောပင် အပြာေ၇ာင်နဲ့ စာမူတွေကို လှလှလေးကူးရပါတယ်။ တချို့ကဗျာ၊ ၀တ္ထု၊ ဆောင်းပါးတွေမှာ သရုပ်ဖော်ပုံလေးတွေ ထည့်ဖို့လိုတာမို့ ဘောပင်နဲ့ ပုံသေးသေးလေးတွေ ဆွဲရပါတယ်။ အတွင်းပိုင်းအားလုံးပြင်ပြီးတဲ့အခါ မျက်နှာဖုံးဆွဲရပါတယ်။ 
                                ပထမဆုံးစာရွက်တစ်ရွက်မှာ အကြမ်းဆွဲ ကြည့်ရပါတယ်။ ပုံဒီဇိုင်းနဲ့ စာစောင်နာမည်၊ ထုတ်ဝေနေ့စွဲတွေ ထည့်ပြီး နေရာအထားအသိုတွေ ချိန်ကိုက်ရပါတယ်။ ကြည့်ရတာ တစ်ခုခု အဆင်မပြေဘူးထင်ရင် ပြင်ရပါတယ်။ စိတ်ကြိုက်အနေအထားရပြီဆိုတော့မှ အချောပြန်ကူးဆွဲရပါတယ်။
                                    အချောဆွဲတော့လည်း ပထမဆုံး စာအုပ်အနှောင့်ဘက်ခြမ်း ထိပ်ပိုင်းမှာ စာစောင်နာမည်နဲ့ ထုတ်ဝေနေ့စွဲတွေ ရေးဖို့ လေးထောင့်ကွက်လေး ချန်ရပါတယ်။ ပြီးတော့ ကျန်တဲ့နေရာတွေမှာ ကြယ်လေးတွေကို နေရာမကျဲတကျဲလေးဆွဲရပါတယ်။ ကြယ်တွေဆွဲပြီးတော့  စာမျက်နှာတစ်ခုလုံး (လေးထောင့်ကွက်နဲ့ ကြယ်လေးတွေကို ရှောင်ပြီး ) ကို ဘောပင်နဲ့ မျဉ်းခပ်စိပ်စိပ်သားရပါတယ်။ ပုံထွက်လာတဲ့ အခါ ညအမှောင်မှာ လင်းလက်နေတဲ့ ကြယ်လေးတွေကို မြင်ရမှာပါ။ ပုံဆွဲပြီးတော့ လေးထောင့်ကွက်လေးမှာ စာစောင်နာမည်နဲ့ ထုတ်ဝေနေ့စွဲတွေ ရေးရပါတယ်။ 
                             အားလုံး ပြီးတဲ့အခါ စာအုပ်တစ်အုပ်လုံးကို အနုလုံပဋိလုံ ကြည့်ရပါတယ်။ စိတ်တိုင်းကျပြီဆိုမှ မိတ္တူသွားကူးရပါတယ်။ မိတ္တူကူးပြီးတဲ့အခါမှာတော့ “ ကြယ်ပွင့်လေးများ စာလွင်ပြင် ” ဆိုတဲ့ လက်ရေးမိတ္တူစာစောင်လေး ထွက်လာပါတော့တယ်။  “ကြယ်ပွင့်လေးများ စာလွင်ပြင်” ဆိုတဲ့ စာတန်းအောက်မှာတော့ “ ၂၀၀၈ခုနှစ်၊ စက်တင်ဘာလ (၁)ရက်နေ့ စတင် ထုတ်ဝေသည် ”ဆိုတဲ့ စာတန်းလေးကို မြင်ရမှာပါ။ စာအုပ်မာတိကာအထက်ပိုင်း Editorial မှာ“ ဝေမိုးနိုင်၊မုံရွာ၊ စီစဉ်တည်းဖြတ်သည် ” လို့ရေးထားပြီး အဲဒီအောက်မှာတော့ “ လက်ထောက်စာတည်း - နိုင်ထွန်းလင်း(မြို့သစ်) ၊ မြတ်မျိုးဇင်(ဒေါနခြံ) ” လို့ဖတ်ရမှာပါ။ မာတိကာ စာတန်းအောက်မှာတော့ ကဗျာ၊ ၀တ္ထု၊ ဆောင်းပါး၊ အက်ဆေး၊ ချစ်သူဖတ်ဖို့ စသဖြင့် ကဏ္ဍမျိုးစုံ မှာ ပါဝင်သူများစာရင်းကို ဖော်ပြထားပါတယ်။ အဲဒီစာအုပ်လေးကို ကျွန်တော်က တစ်အုပ် နှစ်ရာကျပ်နဲ့ ရောင်းပါတယ်။ စုစုပေါင်း အုပ်ရေ ၃၀ ကုန်ပါတယ်။ သူငယ်ချင်းတော်တော်များများ သဘောကျကြပါတယ်။ ဒီစာအုပ်မှာ ၀င်မရေးလိုက်ရတဲ့သူတွေက နောက်တစ်အုပ်ထုတ်ရင် သူတို့လဲ ရေးချင်ကြောင်း ပြောလာပါတယ်။ ကျွန်တော်ကလည်း နောက်တစ်အုပ်ထုတ်ဖို့ တော်တော်လေး အားတက်နေမိပါတယ်။ 
                                 ဒါပေမယ့် ပထမနှစ်ဝက် စာမေးပွဲက အောက်တိုဘာလမှာ ဖြေရတာမို့ စာမေးပွဲပြီး ကျောင်းပြန်ဖွင့်မှပဲ စာအုပ်ထုတ်ဖို့ စီစဉ်ရပါတယ်။ ပထမစာအုပ်ထဲက ကျွန်တော် သဘောကျတဲ့စာမူရှင်တွေဆီ စာမူတောင်း၊ တခြားသူတွေကိုလဲ ရေးခိုင်း၊ မရေးဖူးသူတွေကိုလဲ စမ်းရေးကြည့်ဖို့ ပြောရပါတယ်။ ဒီလိုနဲ့ ကျွန်တော်တို့ အခန်းလေးက ကဗျာရေးကြ၊ စာရေးကြ နဲ့ လှုပ်လှုပ်ရှားရှား ဖြစ်လာပါတယ်။ ကျွန်တော်တုိ့ အခန်းက တက်ကြွနေတာကို စိတ်ဝင်စားအားကျတဲ့ တခြားအခန်းက သူငယ်ချင်းတွေက သူတို့လည်း ရေးချင်ကြောင်း ပြောလာတာမို့ ရေးပြီး ပေးဖို့ပြောလိုက်ရပါတယ်။ ဒါပေမယ့် ဒီတစ်ခါမှာတော့ကျွန်တော်တို့က ပါဝင်ရေးသားချင်သူတွေကို ကြေညာထားပါတယ်။ ကျွန်တော်တို့ အယ်ဒီတာအဖွဲ့က ကြိုက်မှ ရွေးမှာဖြစ်ပြီး မကြိုက်ရင် ဘယ်သူရေးတာဖြစ်ဖြစ် ပယ်မှာဖြစ်ကြောင်း ပြောထားပါတယ်။ အားလုံးကလည်း သဘောတူကြပါတယ်။ 
                          ကျွန်တော့်သူငယ်ချင်းတွေအဖုိ့ ကျွန်တော်တုိ့စာအုပ်လေးက အထူးအဆန်း ဖြစ်နေပါတယ်။ ဟုတ်တယ်လေ၊ သူတို့ ဒါမျိုးမှ မကြုံဖူးကြတာကိုး။ ကျွန်တော်တို့ ကျောင်းမှာ နံရံကပ်စာစောင်ရှိတယ် ဆိုပေမယ့် ဆရာတွေကပဲ ရေးပြီး ကျောင်းသားတွေနာမည် တပ်ကာ ထုတ်ကြတာကိုး။  ဆရာတွေက ဘယ်ကျောင်းသူ၊ ကျောင်းသားကိုမှ ရေးဖို့ မပြောသလို ၊ ကျောင်းသူကျောင်းသားတွေကလည်း ယောင်လို့မှ လှည့်မကြည့်ကြ။ ဒီလို အခြေအနေမျိုးမှာ ထွက်ပေါ်လာတဲ့ ကျွန်တော်တို့ စာအုပ်လေးကို စိတ်ဝင်တစားဖြစ်လာကြပါတယ်။ 
ဒီလိုနဲ့ ဒုတိယမြောက်စာအုပ်လေးကို ၂၀၀၉ခုနှစ်၊ ဇန်န၀ါရီလ၊ (၅)ရက်နေ့ နေ့စွဲနဲ့ထုတ်ဝေနိုင်ခဲ့ပါတယ်။ ဒီစာအုပ်လေးကိုတော့  ဖူးငုံစာပန်းခင်း လို့ အမည်ပေးခဲ့ပါတယ်။ ဆိုလိုချင်တာက  ပထမစာအုပ် ကြယ်ပွင့်လေးများ စာလွင်ပြင် နဲ့ ကျွန်တော်တို့ရဲ့ စိတ်ကူး၊ အိပ်မက်တွေ ၊ ဆန္ဒတွေ၊ ရင်ခုန်သံတွေ စတင်မျိုးစေ့ချ သန္ဓေတည်ခဲ့ ပြီး၊ ခု ဒုတိယစာအုပ် ဖူးငုံစာပန်းခင်း မှာတော့ မျိုးစေ့ချခဲ့တဲ့ ပျိုးပင်လေးတွေကနေ ပန်းပွင့်လေးများ ဖူးငုံနေကြပါပြီလို့ အသိပေးတင်ပြခြင်းဖြစ်ပါတယ်။ 
                                 ဒီစာအုပ်က တော့ ပထမစာအုပ်ထက် ပိုထူပါတယ်။ ပထမစာအုပ်က A4၃မျက်နှာ(စာမျက်နှာ ၁၂မျက်နှာ) ရှိပါတယ်။ဒုတိယစာအုပ်ကတော့ A4၄မျက်နှာ(စာမျက်နှာ ၁၆မျက်နှာ )ရှိပါတယ်။ သမိုင်းကဗျာ၊ မိဘမေတ္တာဖွဲ့ကဗျာ၊ ခေတ်ပေါ်ကဗျာ၊ ကဗျာပန်းခင်း၊ ချစ်သူဖတ်ဖို့၊ စတဲ့ ကဗျာပေါင်း ၁၇ပုဒ်၊ ကာတွန်း ၃ပုဒ်၊ ၀တ္ထုတို ၃ပုဒ်၊ ဆောင်းပါး ၁ပုဒ်၊ ဟဿရသ ၁ပုဒ် စသဖြင့် ပထမစာအုပ်ထက် ပိုမို ဝေေ၀ဆာဆာ ထုတ်ဝေနိုင်ခဲ့ပါတယ်။ဒီစာအုပ်ကိုတော့  ၃၀၀ကျပ်နဲ့ ရောင်းချခဲ့ပါတယ်။အရင်းက ၂၅၀ကျပ်ဖြစ်ပေမယ့် ကျွန်တော့်မှာအကြံရှိလို့ ၅၀ကျပ်တိုးရောင်းခဲ့တာပါ.။ ဒီစာအုပ်ကတော့ အုပ်ရေ (၇၀)ကုန်ပါတယ်။  ဘာကြောင့်လဲဆိုတော့ ကျွန်တော်တို့ထက် တစ်တန်းကြီးတဲ့ ကိုးတန်းကျောင်းသူကျောင်းသားတွေရယ်၊ ကျွန်တော်တို့အောက် တစ်တန်းငယ်တဲ့ ခုနှစ်တန်း ကျောင်းသူကျောင်းသားတွေရယ်ကပါ အားပေးလို့ ဖြစ်ပါတယ်.။ 
                                  ဒီလို အားပေးကြရတဲ့ အကြောင်းအရင်းကလည်း ရှိပါတယ်။ ဒီစာအုပ်ထဲက ကဗျာ အများစုက အချစ်ကဗျာတွေပါ။ ခံစားချက်ရင်ဖွင့်လွှာ အချစ်ကဗျာတွေကို ဖတ်ပြီး ကျွန်တော့်သူငယ်ချင်းတွေ ဟတ်ထိကုန်ပါတယ်။ အဲဒီ ဟတ်ထိတဲ့ ကဗျာတွေကြောင့် ပြဿနာများလည်း တက်ရပါသေးတယ်။
                                သူငယ.်ချင်းကောင်မလေးတစ်ယောက်ရဲ့ ကဗျာက ကောင်လေးတစ်ယောက်ကို တိတ်တခိုးချစ်နေတဲ့အကြောင်းရေးထားပါတယ်။ ကျွန်တော့်သူငယ်ချင်းတစ်ယောက်က သူ့ကို ကြိုက်နေတာကို တစ်ခန်းလုံး သိပါတယ်။ ဒါပေမယ့် သူက ဘာမှ မတုံ့ ပြန်သေးပါဘူး။ သူ့ကဗျာကိုဖတ်ပြီး ကျွန်တော်တို့ အယ်ဒီတာအဖွဲ့က ဒါသူ့အဖြေပဲလို့ ယူဆပြီး သူငယ်ချင်းကို ပြောပြပါတယ်။ သူငယ်ချင်းက ၀မ်းသာလုံးဆို့ပြီး ညနေခင်းကျတော့ စက်ဘီးနဲ့ လိုက်စကားပြောပါတော့တယ်။ ဒါကို ကောင်မလေးအိမ်က မြင်သွားပြီး ကောင်မလေး အဆူခံရပါတော့တယ်။ နောက်နေ့ကျတော့ ကောင်မလေးက ကျွန်တော့်ဆီရောက်လာပြီး သူ့ကဗျာကို ရွေး၊ မရွေး မေးတော့ ကျွန်တော် က ရွေးကြောင်းပြောတဲ့အခါ သူက မထည့်ဖို့ ပြောပါတယ်။ ကျွန်တော်က အချောကူးပြီးနေပြီ ဖြစ်ကြောင်း ပြောတော့ ကလောင်နာမည်ပြင်ပေးဖို့ စောဒကတက်ပါတယ်။ ကျွန်တော်က ဒီလောက်တော့ ပြင်ပေးမယ်ဆိုပြီး ကတိခံလိုက်တယ်။ ဘယ်လိုပြင်မှာလဲဆိုတော့  Hateလို့ပြင်မတဲ့။ အားလုံးသိတဲ့ အတိုင်းပဲ။ Hateဆိုတာက မုန်းတာ။ ဘာလို့လဲလို့ မေးလို့လဲ မရဘုး။  နာမည်ပြင်ပေးဖို့ပဲ တတွတ်တွတ်ပြောနေတယ်။ နားပူလွန်းလို့ ကျွန်တော်က ပြင်ပေးမယ်လို့ ပြောလိုက်ပါတယ်။ ပြီးတော့မှ သူငယ်ချင်းကို အကျိုးအကြောင်း မေးမြန်းရတယ်။ ဒီတော့မှ အကြောင်းစုံ သိရတယ်။ ဒါ့အပြင် ကလောင်နာမည်ကိုလဲ Hateလို့ ပြင်ပေးလိုက်တယ်။ 
                               စာအုပ်ထွက်လာတော့ ကျွန်တော်က ဆရာမတချို့ကို လက်ဆောင်ပေးဖြစ်ပါတယ်။ မြန်မာစာဆရာမက စာအုပ်ကို အခန်းထဲ ရောက်မှ ဖတ်ပါတယ။် ဖတ်ပြီးတာနဲ့ အချစ်ကဗျာတွေကို ဝေဖန်တော့တာပဲ။  (မှတ်ချက်- မြန်မာစာဆရာမက အပျိုကြီး ဖြစ်ပါတယ်။)။ အသက်ငယ်ငယ်လေးတွေ ရှိသေး၊ အချစ်ကဗျာတွေ ရေးရသလား၊ အချစ်စိတ်တွေ အဲဒီလောက် ပြင်းထန် နေရသလားနဲ့ ဆူပါတော့တယ်။ ပြီး ဆရာမက အဲဒီလောက်နဲ့ မရပ်၊ အချစ်ကဗျာရေးသူတွေရဲ့နာမည်တွေ ဇွတ်မေးတော့တာပဲ။ ကျွန်တော်ကလည်း မပြောမဖြစ်တော့ ပြောရတော့တယ်။ Hateရဲ့ ကဗျာရောက်တော့ ဆရာမက နာမည်မေးပြီး ဆူပါတယ်။ ကဗျာကျတော့ ချစ်စိတ်ချစ်ရည်တွေ ဖုံးလွှမ်းပြည့်လျှံနေပြီး နာမည်ကျမှ ဘာHateတာတုံး၊ဘာညာနဲ့ ဆူပါတယ်။ ဒီလို အဆူခံရတော့ ကောင်မလေးက ပို ရှက်သွားပြီး ကောင်လေးကို လုံးဝလှည့် မကြည့်တော့။ ကျွန်တော့်သူငယ်ချင်းခမျာတော့ ဟတ်ကော့ကြီးဖြစ်ပြီး ကျန်ရစ်ပါတော့တယ်။ 
                               ဒါလေးကတော့ အမှတ်တရဖြစ်ရပ်လေးပါ။ နောက်တစ်ခုက ဆုပေးတဲ့ အစီအစဉ်လေးပါ။ စာအုပ်တစ်အုပ်စီက ငွေငါးဆယ် မြတ်တာဆိုတော့ အုပ်ရေ 70ကုန်တော့ စုစုပေါင်း ငွေ သုံးထောင့်ငါးရာမြတ်ပါတယ်။ အဲဒီ ငွေတွေကို ကျွန်တော်က ဆုပေးဖို့ စီစဉ်လိုက်ပါတယ်။ ဒီစာအုပ်ဖတ်ဖူးသူတိုင်းကို စာအုပ်ထဲက ကဗျာတွေထဲကနေ အကြိုက်ဆုံးတစ်ပုဒ် ရွေးခိုင်းလိုက်ပါတယ်။ အားလုံးအကြိုက်ကို စုစည်းပြီး မဲအများဆုံးရတဲ့ ကဗျာရှင်ကို ဆုချီးမြှင့်မှာ ဖြစ်ပါတယ်။ မဲပေးကြတဲ့သူ တစ်ရာလောက်မှာ မဲအများဆုံးရရှိသွားသူက မဲအရေအတွက် ၄၈မဲပါ။ အဲဒီကဗျာရှင်ကို ဆုငွေ ၂၀၀၀ကျပ် ချီးမြှင့်လိုက်ပါတယ်။ ကျန်တဲ့ ၁၅၀၀ကို ကျွန်တော်ရယ်၊ သူငယ်ချင်းသုံးယောက်ရယ် တစ်ယောက် ငါးရာစီ ခွဲယူလိုက်ပါတယ်။
                                   ဒီစာအုပ်လေး အောင်မြင်တော့ ကျွန်တော်က ၅တန်း၊ ၆တန်းတုံးက ကျွန်တော့်ကို ပန်းချီသင်ပေးခဲ့တဲ့ ဆရာကို လက်ဆောင်သွားပေးပါတယ်။ ဆရာက သဘောကျပြီး ကျောင်းအုပ်ဆရာကြီးကို သွားပြပြန်ပါတယ်။ ဆရာကြီးက အရင်ကတည်းက ကျွန်တော့်ကို ပန်းချီဆုတွေ ခဏခဏရလို့ မှတ်မှတ်သားသားရှိပါတယ်။ ဒီလို စာအုပ်တွေထုတ်တယ်ဆိုတော့ ပို သဘောကျသွားပုံရပါတယ်။
၂၀၀၉ခုနှစ် ၊ ဇန်န၀ါရီလကုန်ပိုင်းတစ်ရက် ဆရာမခိုင်းလိုက်တဲ့ ကိစ္စလေးတစ်ခုကြောင့် ရုံးခန်းထဲကို အသွား ဆရာကြီးက ကျွန်တော့ကို မေးခွန်းတစ်ခု မေးလာပါတယ်။
“ဝေမိုးနိုင်ရေ......ဖေဖော်ဝါရီလထဲ ထူးထူးခြားခြား ဘာနေ့ ရှိလဲဟေ့”
“ဗိုလ်ချုပ်အောင်ဆန်းမွေးနေ့ ရှိပါတယ် ဆရာကြီး ”
                               ကျွန်တော့် အဖြေကို ဆရာကြီးက ပြုံးပါတယ်။ ကျွန်တော်က ဘာရယ် မဟုတ်ပါဘူး။ ကျွန်တော့ ခေါင်းထဲမှာ မှတ်မှတ်သားသားအရှိဆုံး တစ်ရက်ကို ပြောလိုက်တာပါ။
“အေး.... ၊နောက်ကော ဘာနေ့ရှိသေးလဲ ”
                            ကျွန်တော်က ပြည်ထောင်စုနေ့ ရှိတယ် လို့ ပြောတော့ ဆရာကြီးက
“အေး.......မင်း အဲဒီနှစ်ရက်အတွက်  စာအုပ်တစ်အုပ်ထုတ်စမ်းကွာ”
                               လို့ ပြောပါတယ်။ ကျွန်တော်တော်တော်ပျော်သွားပါတယ်။ တကယ်တော့ ဆရာကြီး မပြောခင်ကတည်းက ကျွန်တော့်မှာဒီစိတ်ကူး ရှိပြီးသားပါ။ ခုတော့ ဆရာကြီးကိုယ်တိုင်က ပြောလာပြီမို့ စာအုပ်အတွက် အလျှင်အမြန် စိုင်းပြင်းရပါတော့တယ်။
                          ဒီတစ်ခါမှာတော့ ရင်ခုန်သံပြင်းပြနေကြတဲ့ အချစ်ကဗျာသမားတွေကို နားခိုင်းရပါတယ်။ ဒါတောင် တချို့ က ချစ်သူများနေ့လဲ ရှိသားပဲ ၊ရေးချင်တယ် တကဲကဲလုပ်နေလို့ ဆရာကြီးနဲ့ ခြောက်လိုက်ရပါတယ်။ စာစီစာကုံးအရေးကောင်းတဲ့သူတွေ၊ ကာရန်အချိတ်အဆက်နဲ့ ကဗျာရေးတတ်သူတွေ၊ စာအုပ်စာပေ ဖတ်ဖတ်ရှုရှု၊ မှတ်မှတ်သားသား ရှိတဲ့သူတွေကို ရေးခိုင်းရတယ်။ ဒီအခေါက်မှာတော့ ကျွန်တော်စာမူတောင်းရတာ အားရှိပါတယ်။ ဆရာကြီးက ထုတ်ခိုင်းတာလို့ ပြောပြီး အမြန်ရေးခိုင်းရပါတယ်။
                               သူတို့ဆီက စာမူတွေရတော့ ပထမအဆင့် ကျွန်တော်က ပြင်တန်ပြင်၊ ဖြည့်တန်ဖြည့် လုပ်ရတယ်။ ဆရာကြီးက ထုတ်ခိုင်းတာဆိုတော့ ပေါ့ပေါ့ဆဆ မလုပ်ချင်တာမို့ ကျွန်တော့ကို ပန်းချီသင်ပေးခဲ့တဲ့ဆရာကို ဒုတိယအဆင့် တည်းဖြတ်ပေးဖို့ တောင်းဆိုရတယ်။ ဆရာက အလွန် ပါရမီ ထူးသူ ဖြစ်ပါတယ်။ ပန်းချီဆိုရင် ရေဆေးလား၊ ဆီဆေးလား၊ ကွန်ပျူတာလား၊ ကဗျာစပ်ရမလား၊ ဆောင်းပါးရေးရမလား၊ ဘင်ခရာသင်ရမလား၊ အင်္ဂလိပ်စာ၊ သင်္ချာသင်ရမလား၊ ကျောင်းဘင်ခရာ အတွက် သံစဉ်ရှာရမလား အကုန်တတ်ကျွမ်းသူဖြစ်ပါတယ်။
                                 ဆရာတည်းဖြတ်ပြီး အချောကူး၊ မျက်နှာဖုံးပုံဆွဲကာ “မြန်မာပြည်ရဲ့ ဖေဖော်ဝါရီ ” ဆိုတဲ့ အမည်နဲ့ ၂၀၀၉ခုနှစ်၊ ဖေဖော်ဝါရီလ ၊ ၅ရက်နေ့မှာ ထုတ်ဝေခဲ့တယ်။်အဲဒီစာအုပ်လေးကတော့ ကျွန်တော့်ကို အမှတ်တရ အဖြစ်စေဆုံးပါပဲ။  ကျွန်တော်ကိုယ်တိုင်လဲ ဒီစာအုပ်လေးကို (ကွန်ပျူတာ စာမစီနိုင်တာကလွဲလို့ ) စိတ်လိုလက်ရ အာရုံနှစ်ပြီးလုပ်ဆောင်ခဲ့တာမို့ပါ။
                            စာအုပ်မျက်နှာဖုံးမှာ  ပင်လုံကျောက်တိုင်ကို  ၀ိုင်းလျက် တိုင်းရင်းသားရှစ်မျိုးပုံဆွဲလိုက်ပါတယ်။  စာအုပ်အတွင်းထဲ ကဗျာတစ်ပုဒ်မှာလဲ ဗိုလ်ချုပ်အောင်ဆန်းဓါတ်ပုံကိုပါ ထည့်သွင်းထားပါတယ်။  အဲဒီ “ မြန်မာပြည်ရဲ့ ဖေဖော်ဝါရီ ” စာအုပ်ထဲက ကဗျာတချို့ နဲ့ မိတ်ဆက်ပေးချင်ပါတယ်။  ဒီကဗျာလေးက စာအုပ်ထဲမှာ ဗိုလ်ချုပ်အောင်ဆန်း ဓါတ်ပုံနဲ့ တကွ ထည့်သွင်းထားတဲ့  ကဗျာလေးဖြစ်ပါတယ်။
                                နှလုံးသားထဲက အို......ဖခင်
                           တို့ပြည် တို့ မြေ ကျူးကျော်သူ 
                          ငါတို့ရဲ့ ရန်သူ 
                         တုိ့ပြည် တို့ မြေ သိမ်းပိုက်ထား 
                         နယ်ချဲ့ရန်သူ ငရဲသား 
                         တို့ပြည် တို့ မြေ သိမ်းပိုက်ရန် 
                         ယုတ်မာ ပက်စက် သူတို့ ကြံ
                        တို့ပြည် တို့မြေ သိမ်းပိုက်ဖို့ 
                        ဥာဏ်မျိုးစုံနဲ့ နယ်ချဲ့တို့ 
                        နယ်ချဲ့တွေကို တော်လှန်ရာ
                        ဗိုလ်ချုပ်အောင်ဆန်း ခေါင်းဆောင်ကာ 
                        လွတ်လပ်ဖို့ရေး ကြိုးပမ်းကြ 
                        ဗိုလ်ချုပ်အောင်ဆန်း နည်းလမ်းပြ
                        ပြည်ထောင်စုနေ့ အောင်လံထူ 
                        ဗိုလ်ချုပ်ဦးဆောင် များဗိုလ်လူ 
                       လွတ်လပ်ဖို့ရာ ကြိုးပမ်းမှု 
                       ဗိုလ်ချုပ်ခေါင်းဆောင် ညီနောင်တစ်စု 
                       အနစ်နာခံလည်း မစံရပါ
                       ဗိုလ်ချုပ်အောင်ဆန်း သူ့ကြမ္မာ
                       နိုင်ငံ့ ဖခင် ပမာအလား
                      ကိန်းအောင်းနေဆဲ တို့ နှလုံးသား......။    ။
                                                                     ကျော်စိုးဝင်း 
                                    ဒီစာမျက်နှာနဲ့ ကပ်လျက်စာမျက်နှာမှာက ကျွန်တော်ဆွဲတဲ့ ကာတွန်းလေးပါ။ ဆရာက ကျောင်းသူကျောင်းသားတွေကို - “ဖေဖော်ဝါရီလမှာ ဘာနေ့ရှိလဲလို့ မေးတော့ ကျောင်းသားတစ်ယောက်က ဖေဖော်ဝါရီ ၁၄ရက် ချစ်သူများနေ့ ရှိတယ်လို့ ဖြေနေပုံ၊ ကျောင်းသားတွေက စပ်ဖြဲဖြဲ ၊ ကျောင်းသူတွေက ပြုံးစိစိ ၊ သူတို့ အုပ်စုနှစ်စုအထက်မှာတော့ အသည်းပုံတွေက ၀ဲပျံလို့.။ ဆရာခမျာတော့ ပါးစပ်ကြီး ဟောင်းလောင်း၊။
ဒီကိစ္စနဲ့ ပတ်သက်ပြီး ကျွန်တော်ရေးတဲ့ အယ်ဒီတာ့စကား မှာ ဒီလိုဖော်ပြထားပါတယ်။
                                    “ ဖေဖော်ဝါရီလမှာ အရေးကြီးတဲ့ နေ့တွေ ရှိပေမယ့် လူငယ်အများစုကတော့ ဖေဖော်ဝါရီ ၁၄ရက် ၊ချစ်သူများနေ့ကို ပဲ သတ်ိရတတ်ကြပါတယ်။ ဒါဟာ အရွယ်က တောင်းဆိုတဲ့ စိတ်ဝင်စားမှုပါပဲ။ ဒါပေမယ့် မြန်မာနိုင်ငံသားတစ်ဦးအနေနဲ့  ဖေဖော်ဝါရီ  ၁၂ရက် ၊ပြည်ထောင်စုနေ့ နဲ့ ဖေဖော်ဝါရီ ၁၃ရက် လွတ်လပ်ရေးဖခင်ကြီး ဗိုလ်ချုပ်အောင်ဆန်းမွေးနေ့ရက်တွေကိုတော့ အမှတ်ရစေချင် ၊ တန်ဖိုးထားစေချင်တဲ့ ဆန္ဒနဲ့ ဒီစာစောင်ကို စီစဉ်ထုတ်ဝေရခြင်း ဖြစ်ပါတယ်။ ”
                   တကယ်တော့ ဒီအမှာစာဟာ ၂၀၀၉ခုနှစ်၊ ဖေဖော်ဝါရီလထုတ် ဖူးငုံဆယ်ကျော်သက်မဂ္ဂဇင်းရဲ့ Message to teen ကဏ္ဍကို ကိုးကားထားတယ်လို့ ပြောရမှာပါ။
                                         နောက်ထပ် ကဗျာတစ်ပုဒ်နဲ့ မိတ်ဆက်ပေးချင်ပါသေးးတယ်။ ဒီကဗျာကို ဖတ်မိသူ ခုနှစ်ဆယ် ရာခိုင်နှုန်းလောက်က ကြိုက်တယ်လို့ ဆိုပါတယ်။
                                         လေးစားထိုက်သူမို့......
                                 ပြည်သူအားလုံးစွဲချစ်ခင်
                                 ဗိုလ်ချုပ်အောင်ဆန်း တို့ ဖခင်
                                 တိုင်းပြည် အကျိုး ရည်မျှော်မှန်း
                                 သက်စွန့်ကာသာ သူကြိုးပမ်း
                                 မီးခဲပြာဖုံး သခင်စိတ်တွေ
                                 နိုးကြားတက်ကြွ မြင့်မားစေ
                                 နယ်ချဲ့လူဖြူ ဥာဏ်လက်သစ်                                  
                                 မျိုးချစ်စိတ်နဲ့ တိုက်ဖျက်ပစ်
                                 နယ်ချဲ့လွန်သော် တစ်ဗိုလ်ပေါ်
                                 ဖက်ဆစ်ယုတ်တဲ့နော်
                                 ဗိုလ်ချုပ်အောင်ဆန်း ဦးဆောင်ပြု
                                 အောင်ပွဲ အလီ လီ ရသည့်ဆု
                                 သူ ပျိုးခဲ့သည့် လမ်းစပမာ
                                 ပန်းတိုင်အနီး ရောက်မှသာ
                                 မျက်ရည်မနိုင်ပြည်သူများ
                                 ဗိုလ်ချုပ်အောင်ဆန်း ခွဲခွာသွား
                                 ပြည်ထောင်စုနေ့ ရောက်လေလျှင်
                                 သတ်ိရမိ သည်ဖြစ်အင်
                                 မြန်မာမျိုးတို့လွတ်လပ်ဖို့
                                 အသက်ပေးဆပ်ခဲ့သုုမို့
                                 ဦးညွတ်ကာသာ အလေးပြုစို့  ။      ။
                                                                        နိုင်ထွန်းလင်း(မြို့သစ်)
                                            ဒီစာအုပ်ထဲမှာ ပါတဲ့ ကဗျာတွေကို ကျွန်တော်က နှစ်ပိုင်းခွဲလိုက်ပါတယ်။ “၂၀၀၉ခုနှစ်၊ ဖေဖော်ဝါရီ ၁၂ရက် ၆၂နှစ်မြောက် ပြည်ထောင်စုနေ့ အမှတ်တရကဗျာ” နဲ့ “၂၀၀၉ခုနှစ်၊ ဖေဖော်ဝါရီလ ၁၃ရက်  ဗိုလ်ချုပ်အောင်ဆန်း ၉၄နှစ်မြောက် မွေးနေ့ အမှတ်တရကဗျာ” ဆိုပြီးခွဲလိုက်ပါတယ်။ ဒီစာအုပ်ထဲက တခြားကဗျာကောင်းတွေကို ဖော်ပြချင်ပေမယ့် စာရှည်လွန်းသွားမှာစိုးလို့ မဖော်ပြတော့ပါဘူး။ အခွင့်သာမယ်ဆိုရင် (စာဖတ်သူများ ဖတ်ချင်ကြမယ်ဆိုရင် ) လက်ဆောင်ပေးဖို့ အဆင်သင့်ပါပဲ။
                                     ဒီစာအုပ်လေးထွက်ပြီး ကျွန်တော်တို့ တော်တော်အဆက်ပြတ်သွားပါတယ်။  ၉တန်းနှစ်မှာမှ ကွန်ပျူတာစာစီ စာအုပ်တစ်အုပ်ကို နောက်ဆုံးအနေနဲ့ ထုတ်ခဲ့ပါတယ်။ စာအုပ်နာမည်က “စာပန်းဥယျာဉ်”လို့ အမည်ရပြီး ၂၀၀၉ ခုနှစ်၊ စက်တင်ဘာ ၁ရက်နေ့မှာ ထုတ်ဝေခဲ့ပါတယ်။ ဒီစာအုပ်မှာဆိုရင်လဲ ဂန္ထ၀င်ကဗျာ ၊ ခေတ်ပေါ်ကဗျာ၊ ဆောင်းပါး၊ ချစ်သူဖတ်ဖု့်ိ၊ ၀တ္ထုတို၊ ဒဿနကမ္ဘာ စသဖြင့် ဖော်ပြထားပါတယ်။ ဒီစာအုပ်နောက်မှာတော့ ဘာစာအုပ်မှ ထပ်မထုတ်ဖြစ်တော့ပါဘူး။
                            ပါဝင်ရေးသားခဲ့ကြသူတွေက ဘယ်လိုနေမယ် မသိပေမယ့် ဦးဆောင်ထုတ်ဝေခဲ့ရတဲ့ ကျွန်တော်ကတော့ ပြန်မရနိုင်တော့တဲ့ အဲဒီ အချိန်လေးတွေကို စာအုပ်လေးတွေ ပြန်ကြည့် ပြီး အလွမ်းဖြေနေရပါကြောင်းပြောကြားရင်းးကျွန်တော့်ရဲ့ အယ်ဒီတာအတွေ့ အကြုံ လေးကို လက်ဆင့််ကမ်း မျှဝေလိုက်ရပါတယ်ခင်ဗျာ။
                                    ဖူးငုံတို့ .....မိမိတို့ရဲ့ ဆန္ဒ၊ အိပ်မက်များကို အကောင်အထည်ဖော်နိုင်ကြပါစေ။
 
                                                                          ဝေမိုးနိုင်(မုံရွာ)

၂၀၁၂ခုနှစ်၊ ဇန်န၀ါရီလ၊ ဖူးငုံဆယ်ကျော်သက် မဂ္ဂဇင်း(teen magazine)


ကျေးဇူးစကား
                ဒီစာမူထဲက စာအုပ်လေးတွေ ထုတ်စဉ်မှာ မပိတ်ပင်တဲ့အပြင် အင်တိုက်အားတိုက် ငွေအား၊ အကြံဥာဏ်အားနဲ့ ကူညီပေးခဲ့တဲ့ မေမေနဲ့ ဒီအကြောင်းတွေကို အတွေ့အကြုံဖလှယ်အဖြစ် ရေးဖို့ တိုက်တွန်းခဲ့တဲ့ ဆရာမ မသီတာ၊စမ်းချောင်း၊ တို့ကို အထူးကျေးဇူးတင်ပါကြောင်း မှတ်တမ်းတင်ပါရစေ။     ။
                                                                                                 
                                                                                                     ဝေမိုးနိုင်(မုံရွာ)
                            

5 comments:

  1. အတွေ့အကြုံလေး ဖတ်သွားပါတယ်။ တော်တယ်ဗျာ။ လေးစားပါတယ်။ :)

    ခင်မင်လျက်
    Junemoe

    ReplyDelete
    Replies
    1. ကိုဝေမိုးနိုင်ရေ ကွန်ကရက်ကျူလေးရှင်းပါဗျာ.... ငယ်တည်းက ဇကပြတာကိုး.. တော်ထှာနော်.. သူများသားသမီးတွေများ.. ကိုဝေမိုးနိုင်က မုံရွာ ထ(၁)ကလားခင်ဗျ...

      ခင်မင်စွာဖြင့်

      ကိုကိုးအိမ်(မန္တလေး)

      Delete
    2. ကို ကိုကိုးအိမ်ရေ.....ကျွန်တော်က မုံရွာ အထက(၂) ကပါခင်ဗျာ.။ ဆရာဂုဏ်ထူးဦးသိန်းနိုင် တို့လည်း ဒီကျောင်းက ပါပဲခင်ဗျ။

      Delete
  2. အသက်အငယ်ဆုံး စာရေးဆရာတင်မကဘူး...
    အသက်အငယ်ဆုံး အယ်ဒီတာလည်း ဖြစ်သေးတာကိုး...
    ဒါဟာ အနာဂတ် စာပေလောကအတွက် အဖိုးမဖြတ်နိုင်တဲ့ အတွေ့အကြုံတွေပဲ..
    လှိုက်လှိုက်လှဲလှဲ ကြိုဆိုအားပေးနေပါတယ် ဆရာလေးရေ...း)

    ReplyDelete
  3. အယ်ဒီတာ ဆရာဝေမိုးနိုင် ...
    တော်လိုက်တာ ..

    ReplyDelete