Wednesday, January 4, 2012

ဝမ်းရေး

                                   (၁။)
                          “ ဟူး ” 
                       သက်ပြင်းရှည်ကြီးတစ်ချက် ချပြီး ထိုင်ခုံပေါ် ခြေပစ်လက်ပစ် ထိုင်လိုက်တယ်။ တစ်မနက်ခင်းလုံး စားပွဲ တစ်လုံးနဲ့ တစ်လုံး ကူးလုိက် ၊ ထမင်းပန်းကန် ၊ ဟင်းပန်းကန်တွေကို အလိုက်သင့် ချပေးလိုက်၊ ငွေရှင်းကောင်တာနဲ့ စားပွဲဝိုင်းတွေကို လူးလာဆန်ခတ်လိုက်၊ ပါးစပ်ကလည်း မှာစရာရှိတာ မှာပြောစရာရှိတာ ပြော၊ လောကွတ်ပြုတန်ရာပြု နဲ့ လူက နုံးချည့် နေတယ်။ ခြေသလုံးနှစ်ဖက် က ညောင်းညာကိုက်ခဲနေတယ်။ ဘာကိုမှ မလုပ်ချင်တော့လောက်အောင် ပင်ပန်းနေပေမယ့် ထူးပြီး ညည်းညူ မနေတော့ဘူး။ ညည်းခဲ့၊ ညူခဲ့ ရတဲ့ အချိန်တွေက လွန်လာခဲ့ပြီ။ အခုအချိန်မှာ ညည်းညူချင်စိတ်ကို မရှိတော့။
                          “ ခင်မေ ...ညည်း  ဟင်းရပြီလား ”
                       ဒေါ်လုံးခင်က ပြောရင်းဆိုရင်း ခင်မေ့ဘေးက ခုံမှာ ၀င်ထိုင်ပြီး လမ်းမဘက်ကို ငေးကြည့်နေတယ်။ 
                           “ မရသေးပါဘူး  မလုံးခင်ရယ်။ မလုံးခင်ရော ..ရပြီလား။ ”
                          ဒေါ်လုံးခင်က ခပ်ညည်းညည်းလေသံနဲ့ ......
                           “မရသေးပါဘူးအေ ”
                          လို့ ပြောပြီး တစ်ဆက်တည်း မလှစိန် ကိုပါလှမ်းမေးတယ်။ 
                            “လှစိန်.....ညည်းကော ၊ ရပြီလား ” 
                        မလှစိန်က ခေါင်းကို ခပ်လေးလေးခါပြတယ်။ မျက်လုံးတွေကတော့ လမ်းမကို အငေးမပျက်ဘူး။ 
                           “ ငါတော့ စိတ်ညစ်ပါတယ်အေ။ ဒီနေ့ဟင်းရမှ ဖြစ်မှာအေ့။ ဒါမှ ဟင်းဖုိးမကုန်မှာ။ ငါက ဒီညနေ အကြွေးလေးငါးရာလောက်ဖဲ့ဆပ်မလားလို့ စဉ်းစားနေတာ ခင်မေရဲ့။  ”
                       “အမလေး....ဟုတ်ပါ့ မလုံးခင်ရယ်။ ခင်မေလည်း အဲဒီလိုပဲ။ ဒီညနေ အကြွေးလေးဖဲ့ဆပ်မလားလို့ ။ ဒါပေမယ့် မဖြစ်သေးပါဘူး။ အလတ်မက စာအုပ်ဖိုးလိုလို့တဲ့။ ကလေးကိုပဲ ဦးစားပေးရမှာပဲ၊ တော်ကြာ ကျောင်းမှာ မျက်နှာငယ်နေရဦးမယ်။ အဲဒါကြောင့်မို့ ဒီညနေ ဟင်းရမှ ဖြစ်မှာ၊ နို့မို့ ဟင်းဖိုးကုန်နေလိမ့်မယ်”
                           ခင်မေတို့ အလုပ်လုပ်တဲ့ “စေတနာ”ထမင်းဆိုင်ပိုင်ရှင်တွေက ဧည့်သည်တွေ စားပြီးလို့ ပိုတဲ့ဟင်းအပဲ့အရွဲ့ တွေကို ဟင်းအိုးထဲ ပြန်မထည့်။ ခင်မေတို့ စားပွဲထိုးတွေကို ယူခွင့်ပေးတယ်။ အဲဒီတော့ ဟင်းရတဲ့ နေ့တွေဆို ခင်မေတို့ ဟင်းဖိုးထပ်မကုန်။ ဒါကြောင့် ခင်မေတို့က ဒီဟင်းအကျန်လေးတွေကိုပဲ မက်မက်မောမော မျှော်လင့်နေကြရတာပါ။
                          “ညည်းအကြွေးက ဘယ်လောက်လဲအေ့” 
                      “မသိပါဘူး... မလုံးခင်ရယ်။ တစ်နေ့က မအေးသောင်းပြောသွားတာတော့ ငါးထောင်ကျော်ပြီဆိုလားပဲ။ ”
                            ဒေါ်လုံးခင်က ဆိုင်အပြင်ဘက်ကို တွေတွေကြီးစိုက်ကြည့် ပြီး......
                         “ညည်းက တော်ပါသေးအေ၊ ကျုပ်ဖြင့် တစ်သောင်းနီးနေပြီတဲ့။ စိတ်ညစ်ပါတယ်ဟယ်။ အကြွေးနှယ် ....ကျေ  ကျေနိုင်ဘူး....”
                       ဒေါ်လုံးခင်စကားကို ကြားတော့ ခင်မေပြုံးမိတယ်။  သူ့လိုပဲ ခင်မေလည်း အကြွေးဆိုတာကြီးကို မျက်ခဲ့ဖူးတယ်။ ဒါပေမယ့်  အဲဒီအကြွေးကြောင့် အဆင်ပြေတဲ့ အခိုက်အတန့်လေးတွေလဲ ရှိနေတာမို့ တတ်နိုင်ရင် ဖဲ့ဆပ်လိုက်၊ လိုတော့ နည်းနည်းယူလိုက် နဲ့ပဲ မချစ်သော်လည်း အောင့်ကာ နမ်းနေရတာပါ။ စယူတုန်းကတော့ တကယ့်ကို  နည်းနည်းလေး၊ ဒါပေမယ့် ရမှန်းသိတော့ ယူရင်း နည်းနည်း၊ နည်းနည်းတွေ ပေါင်းပြီး များလာတယ်။ ဒီတော့ အကြွေးသံသရာထဲ က မထွက်နိုင်တော့ဘဲ ၀ဲကတော့တစ်ခုထဲရောက်နေသလို  ပတ်ချာလှည့်နေတော့တာပဲ ။
                          “ တော့သားအကြီးကောင် ဆိုက်ကားနင်းတာ  အဆင်မပြေဘူးလားတော့် ”
                           တစ်ချိန်လုံးငြိမ်နေတဲ့ မလှစိန်က ဒေါ်လုံးခင်ကို ၀င်မေးတယ်.။
                         “ လှစိန်ရေ ...အထင်မကြီးနဲ့ဟဲ့ ၊ သူ့ဆိုက်ကားအုံနာခတောင် အနိုင်နိုင်ရယ်။ ခုဟာက အိမ်မှာငါတစ်ယောက်ပဲ ပုံမှန်ဝင်ငွေရှိသလို ဖြစ်နေတာ။ သားကြီးက တစ်ခါတစ်လေမှ တစ်ထောင်၊ ထောင့်ငါးရာ အပ်နိုင်တာ”
                           ဒီတော့ မလှစိန်က စိတ်မကောင်းတဲ့ မျက်နှာနဲ့ ......
                           “ အို..... အဲ့ကျ တော်တို့ မိသားစု ဘယ်လိုစားကြတုန်း ” 
                          “ဒီလိုပဲ ဖြစ်သလို ပေါ့အေ” 
                         ဒေါ်လုံးခင် မိသားစုက လည်း နည်းနည်းနောနော မဟုတ်။ ခြောက်ယောက်တောင် ရှိတယ်။ မိသားစုဝင် ခြောက်ယောက်မှာတစ်ယောက်ပဲ ပုံမှန်ဝင်ငွေရှိတာဆိုတော့ သူတုိ့ မိသားစု ဘယ်လို စားနေကြလဲ မသိဘူး။ သူ့ခမျာ အရွယ်မရောက်သေးတာတွေကော ၊ အရွယ်မရောက်တရောက်တွေ ကော၊ ဒေါ်လုံးခင် မိသားစုအရေးဘယ်လို ဖြေရှင်းနေသလဲ ဆိုတာ ခင်မေတွေးနေမိတယ်။  တစ်ဆက်တည်း သူနဲ့စာရင် ကိုယ်ကမှ တော်ပါသေးလို့ အောက်မေ့မိသေး။
                         “တော်တို့အကြောင်းတွေကြားရတော့ ကျုပ် ကလေးမရတာ မှန်သွားသလားမသိဘူး”
                         မလှစိန်အပြောကို ဒေါ်လုံးခင်က လှိုက်လှိုက်လှဲလှဲ ကြီးထောက်ခံတယ်။
                         “အမလေး.....သိပ်မှန်တာပေါ့  ၊ ခုကျ ညည်းတို့ လင်ကိုယ်မယား အေးဆေးပဲပေါ့ ”
                      မလှစိန်ယောက်ျားက ပန်းရန်ဆရာ၊ တစ်နေ့ သုံးထောင်နဲ့ နေ့စားလိုက်တယ်။ မလှစိန်ကလည်း ဒီဆိုင်မှာ အလုပ်လုပ်သေးတယ်။ ဒီကြားထဲ သားသမီးက မရှိဆိုတော့ ခင်မေတို့ သုံးယောက်ထဲမှာ မလှစိန်က အငြိမ်းချမ်းဆုံးပဲ။
                          “ခုနေ ကလေးရှိရင် ကလေးကျောင်းထားဖို့ ၊ဘာပြုဖို့ ၊ညာပြုဖို့နဲ့ ပူနေရဦးမှာ”
                       မလှစိန်က တွေးတွေးဆဆ ပြောနေတုန်း ခင်မေစိတ်ထဲ အငယ်မကို ဗြုန်းခနဲ သတိရလိုက်တယ်။
                          “ အယ် ...ခုမှ သတိရတယ်။ အငယ်မကို ထမင်းကျွေးဖို့ ကိုကျော်ခိုင့်ကို မမှာခဲ့ရဘူး။ ”
                        “အမလေး.....ခင်မေရယ်။ ညည်းယောက်ျားက ကလေးကို တော့ ထမင်းမကျွေးဘဲ အလကားနေပါ့မလားအေ”
                         ဒေါ်လုံးခင်က ခပ်ဆတ်ဆတ်လေး ၀င်ပြောမှ ခင်မေလည်းဖြေတွေးလိုက်ရတယ်။ ဟုတ်တာတော့ဟုတ်တယ်။ ဒင်းက အငယ်မကိုတော့ တအားချစ်တာ။ အငယ်လေး၊ အသည်းလေးနဲ့ ။
                            “ညည်းယောက်ျားကရော........ဘာအလုပ်မှ မလုပ်ချင်ဘူးတဲ့လား”
                          “မသိပါဘူး မလှစိန်ရယ်......ခင်မေတော့ ဒင်းကို စကားကို မပြောချင်တော့ဘူး။ ရွံလွန်းလို့ ။ ဘယ်........ကိုယ့် မယားတစ်ယောက်လုံး ပင်ပင်ပန်းပန်း ငွေရှာနေတာကို သူမို့ နေကုန် အရက်ထိုင်သောက်ရက်တယ်”
                        တွေးရင်းနဲ့ကို ဒေါသက တနုံ့နုံ့ ထွက်လာတယ်။ ခင်မေစိတ်တိုလာတာက်ိုကြည့်ပြီး မလှစိန်က ရယ်တယပြီးတော့ ဒေါ်လုံးခင်ဘက် လှည့်သွားပြန်တယ်။
                   “မလုံးခင်ရော......တော်ဘယ်လိုထင်တုံး။ ကိုသေးတာ ခုရှိသေးရင် တော်တုိ့ အဆင်ပြေလောက်လား”
                          ဒေါ်လုံးခင်က လက်နှစ်ဖက်ကို ခါးမှာထောက်ပြီး ......
                        “ ညည်းမို့ ထင်ရက်ပလေအေ။ ပိုဆိုးမှာအေ့၊ ငါရှာသမျှ ဒင်းအရည်ဖိုးနဲ့ ကုန်မှာ။ ပြီးတော့ မူးလာရင် ကောင်းကောင်းနေတာ မဟုတ်ဘူး။ သောင်းကျန်းသေးတာ..”
                          ဒေါ်လုံးခင်က ပြောရင်း အသံပါ မာလာတယ်။  မလှစိန်လည်း ဆက်မမေးရဲတော့ဘူး။ ခဏလောက် စကားစ  ပြတ်သွားတယ်။ မကြာပါဘူး။ တိတ်ဆိတ်နေတဲ့ အခြေအနေကို ဒေါ်လုံးခင်ရဲ့ အလန့်တကြားအသံက ဖြိုခွင်းလိုက်တယ်။
                         “ဟယ် ...အခုမှ သတိရတယ် ၊ကြည့်စမ်း ။ ဟဲ့ ...ခင်မေ  ဒီနားတိုး ၊ လှစိန်  လာ ..လာ ၊ငါ့နားလာခဲ့ ၊ ပြောစရာရှိလို့  ”
                     ခင်မေတို့လည်း အူကြောင်ကြောင်နဲ့  ဒေါ်လုံးခင်နားကပ်ရတယ်။ ဒေါ်လုံးခင်က ဆိုင်အတွင်းဘက် ကို မျက်ကလဲ ဆန်ပြာကြည့်ပြီး အသံအုပ်အုပ်နဲ့ ပြောတယ်။
                       “တို့လမ်းထဲက မိန်းမ နှင်းဆီ ဖြူထမင်းဆိုင်မှာလုပ်တာ တစ်နေ့နှစ်ထောင်တောင်ရသတဲ့ ။ ငါ အဲဒိ ပြောင်းလုပ်မလား စဉ်းစားနေတာ။ သူ့ကိုလဲ ပြောထားတယ်။ လူလိုရင် ပြောဦးလို့”
                        “  တစ်နေ့နှစ်ထောင်ဆိုတော့ ဟင်းရောပေးသလား ”
                        မလှစိန်က ၀င်မေးတော့ ဒေါ်လုံးခင်က အူလည်လည်နဲ့ ......
                        “ဟင်းတော့ ပေးဟန်မတူဘူး ”
                       “ ဟင် ....အဲဒါဆိုရင်တော့ မထူးပါဘူး မလုံးခင်ရယ်။ ငါးရာထဲ ကွာတာများ.၊ ဒီက ဟင်းလဲ ပေးသေး။ နေ့လယ်စာလဲ ကျွေးသေး။ နှော့ ......မလှစိန်ရာ”
                      မလှစိန်က ခေါင်းည်ိတ်ပြတယ်။ အဲဒီနောက် ဒေါ်လုံးခင်လဲ ဆက်မပြောတော့ဘူး။ မလှစိန်ကတော့ နဂိုကတည်းက စကားနည်းတဲ့သူကိုး။ ခင်မေလည်း ဟိုတွေး၊ ဒီတွေး နဲ့ဆိုတော့ စကားဝိုင်းက တိတ်သွားတယ်။  ဟိုတွေး၊ ဒီတွေးဆိုပေမယ့် ကိုယ့် အိမ်အရေးကပဲ ခေါင်းထဲ ရောက်လာတာပါ.။
                        ဒီနှစ်ကုန်ရင် သားကြီးကို ကျောင်းထွက်ခိုင်းရတော့မယ်။ အကြွေးက တစ်စ တစ်စ တိုးလာပြီ ။ ကြာရင် နစ်သွားလိမ့်မယ်။ လမ်းထိပ်က လက်ဖက်ရည်ဆိုင် က လူလိုတယ်လို့ ပြောသံကြားတယ်။  အဲဒ်ီမှာသွင်းလိုက်ရင် တစ်နေ့ တစ်ထောင်ရတယ် ထားဦး ၊ နည်းနည်းတော့ လှုပ်သာလှည့်သာ ရှိသွားတာပေါ့ ။ အဲ .......ခင်မေကသာ ထွက်ခိုင်းမယ်တွေးနေတယ်။ ကလေးက ထွက်ချင်ပါ့မလား။ မတတ်နိုင်ပါဘူး။ သားကြီးက ခင်မေ့ကို နားလည်ရှာပါတယ်လေ။ သူ သဘောပေါက်မှာပါ။ ခင်မေလည်း ဘယ်ကျောင်းထွက်စေချင်ပါ့မလဲလေ။  ဒါပေမယ့်.............။
                       ခြောက်တန်း အထိ ကျောင်းနေဖူးရင် ပေါင်းနုတ်မြှောက်စား ရကောင်းပါရဲ့။ ဒါဆို စားပွဲထိုး အလုပ်က အဆင်ပြေနေပြီလေ။  ခင်မေတို့ဆိုလည်း လေးတန်းထိပဲ ကျောင်းနေခဲ့ ရတယ်။ ခုများ တွက်ချက်နေလိုက်တာ ချက်လက်ကို ကျလို့။
                      ကိုကျော်ခိုင့်ကို တိုင်ပင်ရင်ကောင်းမလား။ တော်ကြာ သူ့ကို မတိုင်ပင်ဘူးဆိုပြီး ပြဿနာရှာနေဦးမယ်။  အို....ရှာ၊ ရှာ၊ သူကဖြင့် သားမယားကို ရှာမကျွေးဘဲနဲ့တော့ ဒင်းကို အရေးမလုပ်နိုင်ပေါင်။ သူမို့ မစာနာတတ်တယ်။ ကိုယ့်သားသမီးလေးတွေ မျက်နှာကို တစ်ချက်လောက်  ငဲ့ ကြည့်ပါဦးတော့။ ကလေးတွေခမျာ.......အသားအရေ  မွဲတိမွဲ ခြောက် ၊ အ၀တ်အစား စုတ်တ်ိစုတ်ဖတ်နဲ့ လူစဉ်ကို မမီဘူး။
                         “ ဘုရားဖူးကား လာတယ်ဟေ့”
                      ဒေါ်လုံးခင်အော်သံကြားမှ အတွေးစက ပြတ်သွားတယ်။ ဒီနေ့ ညစာဟင်းရဖို့ လုပ်ရဦးမှာပါလား ဆိုတဲ့ အသိနဲ့ ထိုင်ရာက ထပြီး ဧည့်ကြို ရတယ်။ ဘာသုံးဆောင်ကြပါမလဲရှင်လို့ အသံချို ချို လေးလုပ်ပြီး ပြုံးပြုံးလေးမေး မြန်းရတယ်။  ဘုရားဖူးကားဆိုတော့ ဧည့်သည် များတယ်။ စားပွဲဝိုင်းရှစ်ဝိုင်းတောင်မှ ။ လိုလိုပိုပို နှစ်ဝိုင်း လောက်တော့ ဦးထားဦးမှ လို့ တွေးပြီး တစ်ဖက်ဝိုင်းကို ဟင်းပန်းကန် ချပေးနေတဲ့ မလှစိန်ကို လှမ်းအော်လိုက်တယ်။
                         “ မလှစိန်ရေ ...ခင်မေက ငါးနဲ့ ရှစ်”
                          “ငါက တစ် ”
                         “အံမယ် ....အပိုင် တစ်ဝိုင်းထဲပေါ့”
                          ဒေါ်လုံးခင်က ထမင်းပန်းကန်တွေ ပြင်ဆင်လို့ မပြီးသေး။ ပန်းကန်တွေ သွားသယ်ရင်း ၀ိုင်းလာဦးဖို့ ပြောတော့ ပန်းကန်တွေ ဆေးရဦးမှာမို့ လာဦးမနေတော့ဘူးတဲ့။ ရှစ်ဝိုင်းတောင်ဆိုတော့ ကျန်မှာပါပဲလေ။ ခင်မေလည်း ထမင်းဝိုင်းတွေနဲ့ မလှမ်းမကမ်းမှာ လိုတာလုပ်ပေးနိုင်အောင် ရပ်နေလိုက်တယ်။  တောင်ကြည့် ၊ မြောက်ကြည့် နဲ့ ဘုရားစင်ဆီ အကြည့် ရောက်သွားမှ မနက်က ဘုရားမရှိခိုးခဲ့ရတာ သတိရပြီး မလုံမလဲ ဖြစ်နေမိတယ်။ အုိ........မနက်တုံးကမှ မဟုတ်ပါဘူး၊  ဘုရားရှိမခိုး ဖြစ်တာတောင်ကြာ ကြာလှ ပေါ့။ ခုလောက်ဆို ဘုရားပန်းအိုးထဲက သပြေခက်တွေတောင် ခြောက်သယောင်းနေလောက်ပြီ.။
                          ဟယ်..........နံပါတ်ငါးဝိုင်းက စားနိုင်လှ ချေလား။ လူတွေကြည့်တော့ မထင်ရ။ ဟင်းတွေက ပြောင်နေပြီ။ ဟင်းချိုကိုတောင် ပန်းကန်လိုက်မော့သောက်နေလိုက်သေး။ အပိုတစ်ဝိုင်းဦးထားမိလို့ တော်သေးရဲ့.။ နံပါတ်ရှစ်ဝိုင်းကတော့ ကျန်တယ်။ ငါးဟင်းနှစ်တုံး။ သူတုိ့တွေများ ဟင်းမှာစားပြီး ကျန်ကျန်နေတာ တကယ် နှမြောစရာ။ ခင်မေသာဆို ချန်မထားဘူး။ အကုန်စားပစ်မှာ။ အဲ.......ဒါပေမယ့် သူတို့ အဲဒီလို ချန်လို့လည်း ကိုယ်စားရတာပေါ့လေ။
                          ဟင်းပန်းကန်တွေသိမ်းပြီး ရလိုက်တဲ့ ဟင်းလေးတွေ ကြွပ်ကြွပ်အိတ်ထဲထည့် ရင်း မလှစိန်ဘက် စောင်းငဲ့ ကြည့်လိုက်တော့ သူက ဟင်းထုပ်ကလေးကိုတောင် သိမ်းပြီးနေပြီ ။
                             “မလှစိန် ...တော်ဘာဟင်းရတုံး ”
                            “ကြက်”
                            “ဟယ်....အပိုင်ပဲတော်”
                            “အမလေး......မနာလို မဖြစ်နဲ့ခင်မေရေ.။လည်ပင်းရိုးကြီးဟဲ့”
                            “အို........မလှစိန်ကလည်း...ဘာနေနေပေါ့။ ”
                          ခင်မေတို့ ပြောနေကြတုံး ဒေါ်လုံးခင်က ဟင်းချက်ခန်းထဲကနေ ၀ရုန်းသုန်းကားနဲ့ ထွက်လာတယ်။ ပန်းကန်တွေဆေးလက်စနဲ့မုိ့ လက်မှာတောင်ဆပ်ပြာမှုန့်တွေ ပေနေသေး။
                      “ဟေ့ ....ခင်မေတို့ ၊ ဟင်းရကြပြီလား။ ဟယ်....ငါ့အတွက်ရော.....၊ ဟော်တော်....သွားပါပြီအေ။ ငါတော့ စိတ်ညစ်တော့တာပဲ။ လဲသာသေလိုက်ချင်တယ်။ ခုပဲ လေးနာရီ ခွဲနေပြီ။ နောက်ထပ် ဟင်းရဖို့လမ်းမမြင်တော့ဘူး။ ငါတော့စိတ်ညစ်တော့တာပါပဲအေ။ လဲသာသေလိုက်ချင်တယ်။ ဒီလိုဆို ညစာဘယ်လိုလုပ်ရပါ့အေ”
                       ဟုတ်ပါရဲ့။ ၀ိုင်းတွေကလည်း ပြောင်သလင်းကို ခါလို့။  နည်းနည်းလောက်ကျန်တဲ့ ဟင်းကလည်း စားလို့မဖြစ်တော့အောင်ကို ဖရိုဖရဲ ဖြစ်နေပြီ။ ပြောရင်းဆိုရင်း ဒေါ်လုံးခင်က မျက်ရည်တွေ ၀ိုင်းလာတယ်။ ခင်မေလည်း မနေတတ်တာနဲ့ ရှောင်ထွက်လာခဲ့တယ်။  မလှစိန်က “ပဲဟင်းတော့ကျန်သားပဲ”လို့ပြောနေတယ်.။ အင်း.... ကိုယ့်ပတ်ဝန်းကျင်ကလည်း ဘယ်နေရာ ကြည့်ကြည့် အမွဲတကာ့ ထွတ်ခေါင်တင်တွေချည်းပဲ။ လောကကြီးကလဲ မတရားလိုက်တာ။ ချမ်းသာတဲ့သူတွေကျတော့ ပိုက်ဆံတွေက လိုချင်လည်းရ၊ မလိုချင်လည်း ရ၊ နဲ့ ထားစရာနေရာတောင်မရှိဘူး။ ဆင်းရဲတဲ့သူတွေကျတော့လည်း မွဲလိုက်တေလိုက်တာ တစ်ပြားက နှစ်ပြားခွာစရာမရှိဘူး။ ခင်မေလည်း နေ့စဉ်နဲ့အမျှ စားဖို့၊ သောက်ဖို့ ဖြေရှင်းနေရတာ။ စိတ်ညစ်ပါတယ်...၊  ဟူး...............။


                                       (၂။ )


                           “မေကြီးပြန်လာပြီဟေ့”
               ယိမ်းတိမ်းယိုင်တိုင်၊ မှိန်မှိန်မွဲမွဲ ဖယောင်းတိုင်မီးရောင်အောက်က ကလေးတွေမျက်နှာမြင်ရတော့ ခင်မေ အမောပြေသွားတယ်။ အချိ်န်တောင် အတော်လင့်နေမှပဲ.။  ညရှစ်နာရီဆိုတာ  မစောတော့ဘူးလေ။ မဖြစ်သေးပါဘူး။ တခြားအလုပ်ရှာဦးမှပါ။ နောက်တစ်နှစ်၊ နှစ်နှစ်ဆို သမီးလတ်က အပျို ဖြစ်တော့မှာ။ ဒါပေမယ့် ခုနေခါ ညစာဟင်းလေးရနေတာကိုတော့ မက်မောမိသား။
                  ပန်းကန်ထဲ ဟင်းထည့်ပြီးတာနဲ့ ကလေးတွေများ စားလိုက်ကြတာ ၊ထမင်းပန်းကန်လေးတွေပေါ် ခေါင်းလေးတွေ မိုးလို့ ။ ကိုကျော်ခိုင်ကတော့ အိပ်နေလေရဲ့.။ တစ်ချက်တစ်ချက် “အေ့”ခနဲ အသံထွက်လာတယ်။ ၀ယ်လာတဲ့ အရက်နဲ့ မြေပဲဆားလှော်ထုပ်ရယ် ၊ ထမင်းပန်းကန်ရယ်ကို ဘေးနားသွားချပေးထားလိုက်တယ်။
                      ကလေးတွေ စားလို့ပြီးသွားတော့မှ ခင်မေလည်း ကျန်တဲ့ အနှစ်လေးတွေနဲ့ ထမင်းကုိလွေးရတယ်။ ဆာဆာနဲ့မို့ ထမင်းလုတ်က လျှောခနဲ ၀င်သွားပေမယ့် ရင်ထဲမှာတော့ တင်းတင်းကျပ်ကျပ်ကြီးရယ်ပါ။
                        ဒေါ်လုံးခင်ဒီနေ့ ဟင်းမရလိုက်တော့ သူတို့ မိသားစု ဘယ်လိုစားကြလဲမသိဘူး။ သူ့ခမျာ အကြွေးလည်း ဖဲ့ဆပ်ရဦးမှာ။
                    အို............တွေးမနေတော့ပါဘူး။ ကိုယ်လည်း ဘာမှ တတ်နိုင်တာမှ မဟုတ်ဘဲ။ ကိုယ့်သားသမီးတွေ ကောင်းကောင်းစားရဖုိ့ အရေးကြီးပါတယ်လေ........။                        ။

ဝေမိုးနိုင်၊မုံရွာ၊

ရုပ်ရှင်တေးကဗျာ ရသစုံမဂ္ဂဇင်း၊ ဇန်န၀ါရီ၊ ၂၀၁၂ခုနှစ်။

No comments:

Post a Comment