Monday, January 2, 2012

၁၉ဇူလိုင်မမေ့နိုင်

အဲဒီနေ့က ကျွန်တော်
လူ့လောကထဲကို ရောက်မလာသေးပါဘူး
ဒုန်းဒုန်းဒိုင်းဒိုင်း သေနတ်သံတွေအောက်
အလဲလဲ အပြို ပြို
စစ်သည် ကိုးသိန်းကျရှုံးခဲ့ရ ။
အဲဒီနေ့က ကျွန်တော်
လူ့လောကထဲကို ရောက်မလာသေးပါဘူး
ဒါပေမယ့်  မျိုးဆက်အဆင့်ဆင့်  လက်ဆင့်ကမ်းခဲ့ ကြတော့
ကျွန်တော်ကနေ နောက်ထပ်တစ်ဆင့်
အဆင့်ဆင့် ..........။
ကိုယ်လွတ်ရုန်းထွက်မသွားတာတော့  သေချာပါတယ်
သူတို့ခင်းပေးခဲ့တဲ့ လမ်းမ ကြီးပေါ်
ငါးလကျော်  ဆက်လျှောက်ခဲ့တော့
အောင်ပွဲ ကြီးက ခြိမ့်ခြိမ့်သဲလို့ပေါ့
အိုးစည် ၊ဗုံ ၊ မောင်း၊ ဗင်ခရာ၊ နှဲသံတွေနဲ့
ပန်းပွင့်လေးတွေ ဖူးပွင့်ခဲ့ကြ 
ဥယျာဉ်ကြီးကို ပျိူးထောင်ပေးခဲ့ကြ
ဖယောင်းသားက အရည်ပျော်ပြီး ကုန်သွားတာ မဆန်းပါဘူး
ဒါပေမယ့် အလင်းေ၇ာင်က
မှိန်မသွားဘူး  ၊  ငြိမ်းမသွားဘူး
ပိုပြီး ၀င်းလက်လာ၊ တောက်ပလာ ၊ ထွန်းလင်းလာ
အနာဂတ်လမ်းသစ်ကြီးကို လမ်းပြပေးခဲ့တာပေါ့ ။
အဲဒီနေ့ကတော့ ကျွန်တော်
လူ့လောကထဲကို ရောက်မလာသေးပါဘူး
ဒါပေမယ့်လေ ... မြင်ယောင်လာမိတိုင်း
အသည်းထဲက ဆတ်ဆတ်ခါ
ဂဠုန်မြင်ရင် ဖနောင့်နဲပေါက်ချင်၊ နီးရာဓါးနဲ့ လှမ်းထိုးလိုက်ချင်
မျိုးချစ်စိတ်ကို ဓါးတစ်လက်လို မြည့်နေအောင် သွေးခဲ့ကြရင်း
ခင်းထားတဲ့လမ်းပေါ် ဆက်လျှောက်လိုက်ကြရင်း
ဟော......ဒီ အချိန်ရောက်တိုင်း လွမ်းမိတာကြီးကလည်း
မဆန်းပါဘူးဗျာ.....
သြော်.......ဒါပေမယ့်  အဲဒီနေ့တုန်းကတော့
ကျွန်တော် လူ့လောကထဲကို ရောက်မလာသေးပါဘူးဗျာ......။            ။


                                                      ဝေမိုးနိုင်၊မုံရွာ၊
                                  
                               ဒီကဗျာနဲ့ ပတ်သတ်ပြီး တချို့က ကျွန်တော့်ကို မေးတတ်ပါတယ်။ “ငါးလကျော် ဆက်လျှောက်ခဲ့တော့ ” ဆိုတာ ဘာကိုပြောချင်တာလဲတဲ့ ။ ဗိုလ်ချုပ်တို့ ကျဆုံးတာ ၁၉၄၇ခုနှစ်၊ ဇူလိုင်လပါ။ လွတ်လပ်ရေးရတာက ၁၉၄၈ခုနှစ် ဇန်န၀ါရီ ပါ။ စဉ်းစားလို့ရပြီ ထင်ပါတယ်.။

2 comments: