Monday, December 31, 2012

ပါးစပ်က တိပ်တွေ ကွာကျခဲ့တဲ့၊ ရင်ထဲက အမုန်းတွေ ပြေပျောက်ခဲ့တဲ့ မြန်မာလူငယ်တွေ့ဆုံဆွေးနွေးပွဲ



** မြန်မာလူငယ်တွေ့ဆုံဆွေးနွေးပွဲဆိုတာရှိတယ်။ မင်းအဖွဲ့ကိုယ်စားပြုအနေနဲ့ တက်ပါလား ** လို့ သူငယ်ချင်းတစ်ယောက်က လွန်ခဲ့တဲ့ သုံးလလောက်က သတင်းပေးရင်း အကြံပြုလာပါတယ်။ ကြားကြားချင်း ကိုယ်ကတော့ ဘာမှန်းလည်း ရေရေရာရာမသိပါဘူး။ တွေ့ဆုံပွဲဆိုတော့ တွေ့ပြီးဘာလုပ်မှာလဲပေါ့။  သူကလည်း တိတိကျကျရေရေရာရာ သိတာမဟုတ်တော့  ကိုယ့်အဖို့ သိပ်စိတ်ဝင်စားစရာ မဖြစ်ခဲ့ဘူး။ ဒီလိုနဲ့ ဘာသာလ၀ါပဲ နေဖြစ်လိုက်တယ်။ နိုဝင်ဘာလလယ်ပိုင်းလောက်မှာတော့ သတင်းလိုက်ရင်း စစ်ကိုင်းတိုင်းဒေသကြီးလူငယ်တွေ့ဆုံဆွေးနွေးပွဲဆိုတာ ကျင်းပမယ်၊ လူငယ်အဖွဲ့အစည်းတွေက ကိုယ်စားလှယ်တွေ တွေ့ဆုံဆွေးနွေးကြမယ်လို့ သိလာရတယ်။

ဒါနဲ့ စစ်ကိုင်းတိုင်းဒေသကြီးတာဝန်ခံကို သတင်းရေးဖို့ သွားမေးရင်း ကိုယ်ကိုယ်တိုင်ပါဝင်ဖို့ ဆုံးဖြတ်ပြီး ဖောင်ဖြည့်ဖြစ်ခဲ့ပါတယ်။  ပွဲရဲ့ ရည်ရွယ်ချက်က လူငယ်တွေကြားထဲမှာ ဖြစ်ပျက်နေတဲ့ ပြသနာတွေကို ဆွေးနွေးအဖြေရှာကြမယ်လို့ သိရတော့ စိတ်ဝင်စားမှုရေချိန်က ပိုမြင့်တက်ခဲ့ပါတယ်။  ပန်းဖလက်ထဲမှာ ရေးထားတဲ့ ခေါင်းစဉ်အကြမ်းဖျင်းထဲက ကိုယ်စိတ်အ၀င်စားဆုံး ** လူငယ်နှင့်အနုပညာ** ကို ဆွေးနွေးဖို့ ဆုံးဖြတ်လိုက်တယ်။ ဒါပေမယ့် ကိုယ့်အဖွဲ့ထဲက တခြားဘယ်သူများ သွားချင်၊ ဆွေးနွေးချင်စိတ်ရှိမလဲ မေးကြည့်တော့  တော်တော်များများက ကိုယ့်ကိုပဲ သွားလိုက်ပါလို့ ဆိုလာပါတယ်။  ကိုယ်လေ့လာလို့ရသလောက်ဆိုရင်  သူတို့စိတ်ထဲက ခံစားချက်က  ဒါမျိုးပွဲဟာ ငါတို့နဲ့ မသက်ဆိုင်ပါဘူး။  ငါတို့ ပြောနိုင်၊ ဆွေးနွေးနိုင်မှာ မဟုတ်လောက်ပါဘူးလို့ ခံယူထားကြတာများပါတယ်။ ဒီလိုနဲ့ မုံရွာတက်ကသိုလ်နဲ့ မုံရွာ ကွန်ပျူတာတက်ကသိုလ်က ကျောင်းသား၊ ကျောင်းသူတွေ စုစည်းဖွဲ့ထားတဲ့  ကိုယ်တို့ ပရဟိတအဖွဲ့လေးကို ကိုယ်စားပြုပြီး  ကိုယ့်အနေနဲ့ ဒီဇင်ဘာမှာ ကျင်းပမယ့် မြန်မာလူငယ်တွေ့ဆုံပွဲကို တက်ရောက်ဖို့ အကြောင်းဖန်လာခဲ့တယ်ဆိုပါတော့။

Sunday, December 23, 2012

တစ်နေရာစာ

သရုပ်ဖော်ပန်းချီ - ၀င်းမြင့်


 ဓါတ်ဆီဆိုင်တွေ ပုဂ္ဂလိက ပေးလိုက်ပြီး လူတွေ ကြိတ်ကြိတ်တိုးဆီထုတ်နေကြကြောင်း ကြားရသော်လည်း ကျွန်တော်တုိ့ သွားမထုတ်ဖြစ်။ အချိန်မပေးနိုင်ခြင်းကြောင့် အပြင်ဆိုင်များကသာ ၀ယ်သုံးဖြစ်သည်။ သို့သော် တစ်စတစ်စနှင့် အပြင်ဆိုင်များမှ ဓါတ်ဆီဈေးနှုန်းက တစ်ဝက်ကျော်ကျေ်ာလောက်ထိ ဈေးကြီးလာတော့ မခံနိုင်တော့ပေ။ အများနည်းတူ ဆီသွားထုတ်ရတော့သည်။ အချိန်ကုန်ခံရတော့သည်။

ပုဂ္ဂလ်ိကဓါတ်ဆီဆိုင်တွင် ဆီစထုတ်သည့်နေ့က ကျွန်တော် မနက်ခုနှစ်နာရီတိတိ ဆိုင်ဖွင့်ချိန်၌ေ၇ာက်သွားသည်။  အားပါးပါး.........အံ့သြစရာကောင်းလောက်အောင် များပြားသော လူတန်းကြီးနှစ်တန်းကို ကြည့်ပြီး ရုတ်တရက် မှင်တက်မိသွားသည်။ ဆိုင်ကယ်သုံးစီးလျှင် တစ်တန်းကျ စီတန်းထားလိုက်သည်မှာ  ဘောလုံးကွင်း တစ်ပတ်စာခန့်ရှိပေမည်။ ဒါက ၀န်ထမ်းလိုင်းသာ ဖြစ်သေး၏။ ရိုးရိုးလိုင်းဘက်ကဆိုလျှင် ဒီထက်ပိုရှည်သည်။ လမ်းတွေလည်း ပိတ်နေပြီး ကျပ်ညပ်နေသည်။
 
ဆီထုတ်သူတွေ များကြောင်းကြားထားသော်လည်း ဤမှ များပြားမည်ဟု မထင်ခဲ့ရိုးအမှန်ပင် ဖြစ်ပါသည်။ ကျွန်တော် ရောက်တော့ မနက်ခုနှစ်နာရီဖြစ်သော်လည်း တကယ်တမ်းဆီထုတ်ရတော့  မနက်ဆယ်နာရီခွဲနေပြီ။ လူတစ်ကိုယ်လုံးချွေးတွေ ရွှဲနေပြီး ငြီးစီစီကြီး ဖြစ်နေသည်။ ဘာကိုမှ မလုပ်ချင်၊ မကိုင်ချင်လောက်အောင် နုံးချိသွားလေသည်။

Tuesday, December 4, 2012

မုန်တိုင်းလေလား၊ မိုးသားလား



 ဟောဒီရွာလေးမယ် ကျော်ဟိန်းဆို မသိတဲ့သူ မရှိဘူး။ ကလေးအစ ခွေးအဆုံးသိကြတယ်။ သိလည်း သိချင်စရာပဲလေ။ နာမည်ကိုက ကျော်ဟိန်းပါဆို။

သူ့အမေကြီးကတော့ ကျော်ဟိန်းနာမည်စကြီးခါစအချိန်မွေးခဲ့လို့ ကျော်ဟိန်းလို့ နာမည်ပေးတယ်ဆိုပဲ။ တကယ့်နာမည်မှ တက်ပေးတတ်တယ်။ ဒါကြောင့် နာမည်နဲ့တင် ကျော်ဟိန်းက လူစိတ်ဝင်စားစရာဖြစ်နေတယ်။ ပြီး ကျော်ဟိန်း သတင်းတွေကလည်း ခပ်မွှေးမွှေးရယ်။
ရွာ့အော့ကြောလန်အရက်သမားဆိုတဲ့ ဘွဲ့ထူးကို ထိုက်ထိုက်တန်တန်ကြီးချီးမြှင့်ခံထားရတာကလား။ မိုးလင်းကမိုးချုပ် အရက်ဆိုင်မှာ စတည်းချပြီး အရက်နဲ့မျက်နှာသစ်၊ အရက်နဲ့အိပ်ရာဝင်တဲ့ကောင်ရယ်။ ထမင်းရယ်၊ ဟင်းရယ်လို့လည်း မက်မက်စက်စက်စားတယ်မရှိဘူး။ အရက်ပဲ။ အရက်ကို မယားမှတ်မှတ်၊ သားမှတ်မှတ်ပေါင်းနေတဲ့အတိုင်းပဲ။
 
အဲ……အရက်သောက်ရုံလေးနဲ့တော့လည်း ရွာ့အော့ကြောလန်ဘွဲ့ထူးလွယ်လွယ်နဲ့ ရပါ့မလား။  သူ့မှာ ပြောင်ပြောင်မြောက်မြောက်ထူးချွန်တဲ့ အခြားတစ်ချက်လည်း ရှိဦးမှာပေါ့။ ဟုတ်တယ်မလား။
ဟုတ်တယ်ဗျ။ ကျော်ဟိန်းမှာ နောက်ထပ်ပြောင်ပြောင်မြောက်မြောက်ထူးချွန်တဲ့ ဂုဏ်ရည်တစ်ရပ်ရှိသေးတယ်။ ဘာလဲဆိုတော့ ရန်များတာပဲ။ ဘယ်လိုရန်များတဲ့ကောင်မှန်းကိုမသိပါဘူးဗျာ။  ရွာထိပ်ကဆူကနဲဖြစ်လိုက်ရင် သွားမကြည့်နဲ့ ။ ကျော်ဟိန်းပါပြီးသား။  ပွဲတော်တော်များများမှာလည်း ဒင်းက အသာစီးရတယ်။ တစ်ဖက်လူကို သဲသဲမဲမဲ ရွပ်ရွပ်ချွံချွံ တိုက်ခိုက်တဲ့နေရာမှာ ကျော်ဟိန်းတို့က ရပ်ကျော်ရွာကျော်ပဲ။ ကျော်ဟိန်းလက်သံဘယ်လောက်ပြောင်သလဲဆိုရင် အနီးအနားသုံးလေးရွာပတ်လည်ကတော့ ကျော်ဟိန်းဆိုတာနဲ့ တော်ရုံလူမိုက် ငြိမ်ကုပ်သွားရတာ။ လက်ရည်တူချင်းလောက်မှသာ ကျော်ဟိန်း တစ်ခါတလေ ခံရတာမျိုးရှိတာ။ ဒါလည်း ဆယ်ခါ့တစ်ခါပါ။
အဲဒီလိုရန်ဖြစ်တဲ့နေရာမှာလည်း သူက ထူးခြားချက်တစ်ခုရှိသေးတယ်။  ဘာလဲဆိုတော့  သူများတွေက မူးမူးရူးရူးနဲ့ ရန်ဖြစ်လာရင် ခံရတတ်ပေမယ့် ကျော်ဟိန်းကတော့ အရက်ကလေး လူလူသူသူမူးပြီးမှ တိုက်ပွဲအလွယ်တကူအောင်တတ်တာ။ အရက်မစို့မပို့ အာစွတ်ရုံလောက်ပဲ အခံရှိတဲ့ပွဲမျိုးဆို နိုင်ဖို့ ကျားကုတ်ကျားခဲ ကြိုးပမ်းရရှာတယ်။

Tuesday, November 13, 2012

အချစ်သည် တစ်ခါတရံ စက္ခုနှစ်ကွင်းကိုလည်း အလင်းရစေတတ်၏

သရုပ်ဖော်ပန်းချီ - မောင်နေကြည်
 သူကမှော်ဆရာလေးလားမသိဘူး  ။ သူ့ဘက်က တမင်ရည်ရွယ်ပုံမရပေမယ့် အိစိတ်ထဲမှာတော့ သူက အိကို ညှို့နေသလိုပဲ။ အင်အားပြင်းထန်စူးရှတဲ့ သံလိုက်ဓါတ်တစ်ခုနဲ့ အိကို ဆွဲငင်နေသလိုပဲ ခံစားရတယ်။  သူ့မျက်ဝန်းတွေနဲ့ အကြည့်ဆုံမိရင် ဒိတ် ဒိတ် ဒိတ်နဲ့ ခုန်သွားတတ်တဲ့နှလုံးသားကို  အိဘယ်လို ထိန်းချုပ်ရမယ်မှန်း မသိတတ်ဘူး။

တကယ်တော့ သူ့ရုပ်ရည်က အချောကြီးတော့မဟုတ်ပါဘူးး။  ဒါပေမယ့် ကြည့်ပျော်ရှုပျော်အဆင့်ထက်တော့ သာတယ်။ အထူးသဖြင့် သူ့မျက်ဝန်းအစုံဟာ သိပ်လှတာပဲ။  မျက်တောင်ကော့ကော့လေးရဲ့ အောက်မှာ မျက်ဆန်အနက်ကလေးက ကြည်လဲ့နေတယ်။  ၀ိုင်းစက်နေတဲ့မျက်ဝန်းအစုံကို မှေးစင်းပြီး မျက်တောင်မွှေးလေးတွေကြားက စူးစူးရဲရဲ  ကြည့်လိုက်တဲ့ အကြည့်မျိုးကို အိ သိပ်သဘောကျတာပဲ။  ထီမထင်ပုံပေါက်ပေမယ့် အိ ရင်ထဲမှာတော့ မြတ်မြတ်နိုးနိုးရှိလှတယ်။  သူက စတိုင်လ်လည်းမိုက်တယ်။ အိက ခိုက်တာပေါ့။ လိမ်မော်ရောင် ရှိတ်ပြေးလေးဆိုးထားတဲ့ သူ့ရဲ့  ဆံကေသာတွေက ဦးခေါင်းထက်မှာ တစ်ချောင်းချင်းထောင်နေတတ်ပြီး ခပ်လတ်လတ်အသားအရေ ရှိတဲ့ လည်ပင်းသားမှာ ပလက်တီနမ်ဆွဲကြိုး နှစ်ကုံး၊ သုံးကုံးလောက် အမြဲဆွဲထားလေ့ရှိတယ်။ အင်္ကျီကြယ်သီးကိုဘယ်တော့မှ ကုန်အောင်တပ်လေ့ မရှိဘဲ ထိပ်ဆုံးနှစ်လုံးဖြစ်စေ၊ အောက်ဆုံးနှစ်လုံးဖြစ်စေ အမြဲ ဖြုတ်ထားတယ်။ ပုဆိုးဝတ်ရင်လဲ ခါးပုံစက အရှည်ကြီးနဲ့ ခြေသလုံးပေါ်အောင် ၀တ်တဲ့အခါဝတ်လိုက်၊ မြေကြီးမှာ ပုဆိုးတရွတ်တိုက်နေအောင် ၀တ်တဲ့အခါ ၀တ်လိုက်နဲ့ သူ့စိတ်ထဲရှိသလို နေနေတဲ့ ပုံစံလေးပဲ။ ဖိနပ်စီးရင်လည်း ဂွင်းထိုးဖိနပ်ကြီးတွေ ဖြစ်ဖြစ်၊ သူတို့တွေက ရှိုးဝါးဆိုလား၊ ဘာလား ပြောတဲ့  ကြက်ပေါင်ဖိနပ်အကြီးကြီးတွေဖြစ်ဖြစ် စီးတတ်တယ်။

Sunday, November 4, 2012

လက်ပံတောင်းတောင် ဓါတ်ပုံများ



မုံရွာဘက်ကမ်းကနေ လှမ်းရိုက်ထားတဲ့ လက်ပံတောင်းတောင်လေးပါ။ ဒီပုံကို ဗွီအိုအေမှာ သူတို့ဗွီအိုအေစာတန်းကြီးထိုးပြီး သုံးထားတာကိုလည်း တွေ့ခဲ့ရပါသေးတယ်။ အစကတော့ သူတို့ရိုက်တဲ့ပုံနဲ့ ငါရိုက်တဲ့ပုံ တူတာနေမှာပါလို့ ထင်မိပေမယ့် သေသေချာချာ စေ့စေ့စပ်စပ်ကြည့်တော့ တစ်ထပ်တည်းဖြစ်နေတာတွေ့ရပါတယ်။ ပုံယူသုံးတာ မကြိုက်လို့မဟုတ်ပါဘူး။ ပုံအောက်ခြေမှာ ဗွီအိုအေလို့ စာတန်းထိုးလိုက်တာကို မကြိုက်တာပါ။ တကယ်ဆို ပိုင်ရှင်ကို မသိရင်တောင်  source: Internet ( or ) Facebook လို့တပ်သင့်တယ်လို့ ထင်ပါတယ်။


( အနီးကပ်ကြည့်လိုလျှင် ပုံကို ကလစ်ပါ )

လက်ပံတောင်းတောင်တန်း ၊ ခရေတောင်ပေါ်က ရွှေမြင်တင်ကပ်ကျော်ဘု၇ားမှာ ၀က်မှေးရွာက ဦးဆောင်ပြီး ရွှေသင်္ကန်းကပ်ဖို့ တောင်တက်ကြစဉ်။ ခရေတောင်ဟာ ပုဒ်မ ၁၄၄ထုတ်ပြန်ထားတဲ့နေရာဖြစ်တာမို့ တက်ခွင့်မရှိဘူးလို့ ပြောပြီး မြို့နယ်အုပ်ချုပ်ရေးမှူးကခွင့်ပြုပေးလိုက်ပါတယ်။ တောင်ပေါ်ကနေ လှမ်းကြည့်တော့လည်း ခြုံတွေထဲမှာ ကင်းပုန်းတွေ အများကြီး ချထားတာကို တွေ့မြင်ခဲ့ရပါသေးတယ်။

Tuesday, October 23, 2012

စကားစမြည်စိုက်ခင်း



ပြောစရာတွေက နည်းနည်း များတယ်ကိုယ့်လူ
အချိန်ရရဲ့လား
နောက်ကျရင် မိန်းမက ဒေါပွနေမလား
သမီးလေးက နှုတ်ခမ်းဆူပြနေမလား
ကျွန်တော်ကတော့ တစ်ကိုယ်ရည်သမားဗျ ကိုယ့်လူ
အပြန်လမ်း အမှောင်လွှမ်းခဲ့ရင်
လက်နှိပ်ဓါတ်မီးပါရဲ့လား
ဖယောင်းတိုင်ရော ဆောင်ထားရဲ့လား 
ဘုရားစာရော ရရဲ့လား
အခုရော..............
ခင်ဗျား အဆင်သင့် ဖြစ်ပြီလား
လက်ဖက်ရည်ဖျော်ခိုင်းရဦးမလားပေါ့ကျကျပဲ သောက်တုန်းလား
အဖန်ရည်ကော တစ်ကျိုက်ကျိုက်ဦးမလား
အိုကေ...........................
ခင်ဗျားအဆင်သင့်ဖြစ်ရင် ကျွန်တော်အဆင်သင့်ဖြစ်ဖို့ နည်းနည်းလိုပါမယ်

Friday, October 19, 2012

ချစ်သူဖတ်ဖို့ ရေးတဲ့ကဗျာ


ဝင်းပကြည်စင် အပြုံးရှင်ကြောင့်
အကျွန့်ဘ၀င် လန်းရွှင်ရသည်
သာယာမြူးထူး ရှုကြည့်ဖူး။

တည်တံ့နေထား သူ့ထံပါးမှာ
ကိန်းဝပ်နေကား
အကြောင်းစဉ်ကို တွေးဆဆင်ခြင်
အကျွန့်ဘ၀င် မငြိမ်းတည်း ။

Sunday, October 14, 2012

မိုးခြွေလေညင်း



ခင်ဗျားဆင်းသက်လာမယ်ဆိုရင်
ကျွန်တော့်ရင်ခွင်ဟာ ခြေသုတ်ခုံလည်း ဖြစ်ရဲပါတယ် ချစ်သူရယ်
ကြည်ကြည်စင် အပြုံးတစ်ချက်ကြောင့်
ကျွန်တော့် နှလုံးသားတွေ ဗြောင်းဆန်သွားခဲ့ရတာ
အဲဒီနေ့ကို ခုထိ ကျွန်တော်မေ့လို့မရသေးဘူး

Thursday, October 11, 2012

ပရဟိတလုပ်လိုသူများအတွက် ဘလော့ဂ်မိတ်ဆက်


ဘလော့ဂ်မိတ်ဆက်...........

ဘလော့ဂ်အမည်- ပရဟိတလုပ်လိုသူများအတွက်

ဘလော့ဂ်လိပ်စာ - http://charitybeginsonline.blogspot.com

 

သတင်းထောက်လုပ်ရင်း သတင်းတွေ လိုက်ရင်း မြို့ရိုးကိုးပေါက်၊ တောကြိုအုံကြား အကုန်သွားရပါတယ်။
 
  သတင်းရတဲ့အခါရှိသလို၊ သတင်းဖြစ်တဲ့ အကြောင်းအရာတွေ ရလာတာရှိသလို သတင်းမဖြစ်တဲ့
  အကြောင်းအရာတချို့ကိုလည့် တွေ့ရှိကြုံကြိုက်လာခဲ့ရတယ်။ ဒီအကြောင်းအရာတွေထဲမှာ
  ပရဟိတအဖွဲ့အစည်းတွေအကြောင်း၊ ပရဟိတလုပ်ဆောင်နေတဲ့နေရာဌာနတွေအကြောင်းလဲ ပါတယ်။ 
 ကျွန်တော်တို့က သတင်းရေးတဲ့နေရာမှာ စာဖတ်သူအားလုံးနဲ့ လိုက်လျောထွေဖြစ်မယ့်
  အကြောင်းအရာမျိုးကိုရေးရတယ်။ တစ်ဦးတစ်ယောက်၊ အစုအဖွဲ့တစ်ခုခုတည်းနဲ့သာသက်ဆိုင်တဲ့
 
  အကြောင်းအရာမျိုးဆို ကျွန်တော်သိပ်မရေးချင်ဘူး။ ရေးလည်း သိပ်မသင့်တော်ဘူးလို့ထင်တယ်။
  ဒီနေ့အချိန်မှာ သတင်းထောက်တစ်ယောက်က  သတင်းဖြစ်မယ့် သတင်းတွ၊ လူအားလုံးနဲ့
  လိုက်လျောညီထွေ ခံစားဖတ်ရှုလို့ရမယ့် သတင်းမျိုးတွေကိုပဲ ရေးသင့်တယ်လို့ ယူဆထားတော့  
 စောစောက  ပြောခဲ့တဲ့ ပရဟိတ လုပ်ဆောင်ရာဌာနတွေ၊ အဖွဲ့အစည်းတွေအကြောင်း သတင်းလုပ်ပြီး
  သိပ်မရေးဖြစ်ဘူး။

Saturday, October 6, 2012

တွန်ကနေသော ဒေါင်းပျိုများ (မြန်မာလို ဖတ်လို့ရပါပြီ )

 စာဖတ်သူများကို တောင်းပန်ပါတယ်။ အရင်နှစ်ရက်လောက်က တွန်ကနေသောဒေါင်းပျိုများဆိုပြီး တင်လာတာ ဖတ်လို့ မရကြဘူးလို့ သိရပါတယ်။ ဖြစ်သွားတာက ဒီလိုပါ။ ကျွန်တော်က စာမူကို  pinny 9 font နဲ့စီပြီးပို့တာဆိုတော့ ဖော်ပြခံရတော့ အသစ်ပြန်မရိုက်ချင်တာနဲ့ အဲဒီ ပင်နီနိုင်းနဲ့ ရိုက်ထားတာကိုပဲ ကော်ပီကူးတင်လိုက်ရာက ဒီလို ဖတ်မရဖြစ်သွားတာပါ။ ကျွန်တော့်စက်နဲ့ကြည့်တော့ မြန်မာလိုပေါ်ပြီး သူများစက်တွေမှာတော့ အင်္ဂလိပ်စာတွေ ပေါ်နေတယ်လို့သိရပါတယ်။ ဒီ့အတွက်ကြောင့် စာဖတ်သူများ အနှောင့်အယှက်ဖြစ်သွားရတဲ့အတွက် အထူးပင် တောင်းပန်ပါကြောင်း ပန်ကြားလိုပါတယ်ခင်ဗျား။


***တွန်ကနေသော ဒေါင်းပျိုများ***
မုံရွာကမ်းဘက်မှ မြင်ရသည့် လက်ပံတောင်းတောင်




Thursday, October 4, 2012

တွန်ကနေသော ဒေါင်းပျိုများ


]wGefuaeaom a'gif;ysdKrsm;}
a0rdk;Ekdif(rkH&Gm)


odyfrBumao;wJU &ufykdif;u rkH&GmrSm qE´xkwfazmfrIwpfck Nzpfw,f/ csif;wGif;Nrpf taemufzufurf;u vufyHawmif;awmif aBu;eDpDrHudef;BuD;eJYywfowfNyD; zrf;qD;cHcJU&wJU 0ufarS;&GmolawG vGwfaNrmufa&;twGufyg/ t"du qE´xkwfazmfwmu 0ufarS;&Gmu v,form;awGGyg/ 'gayr,fU b,folawGu 0kdif;0ef;yHYykd;ovJqkdawmU xifxif&Sm;&Sm;awGY&wmu Auo ausmif;om;awG/ olwkdY tzGJYw&m;0ifemrnfu Auo vm; ? wuo vm; rodayr,fU ausmif;om;or*¾vkdYyJ owfrSwfvkdufygw,f/
ausmif;om;awGu bmvkyfvJqkdawmU 0ufarS;&Gmu v,form;awGeJYtwl rkH&Gm trSwf(1) &Jpcef;a&SYrSm 0kdif;0ef;ulnD NyD; qE´xkwfazmfay;cJUBuw,f/ wu,fUukd v,form;awGeJYtwlwlyg/ v,form;awGBum;xJrSm  ,SOfwGJ&yfNyD; carmufawG aqmif;NyD; tm;NznfUay;cJUBuwm/ v,form;awGae&mu pOf;pm;BunfUwm b,favmuftm;wufBu&SmrvJaygU/ igwkdUudk tm;ay;wJJUol &Sdygvm;/ igwkdYukd pmemem;vnfay;wJUol &Sdygvm;/ igwkdYudk ulnD0ef;&Hay;csifwJUolawG &Sdygvm; qkdNyD;awmUaygU/ ab;uae 0kdif;0ef;BunfU&IaeBuwJY NynfolawGpdwfxJrSmvnf; 'Dausmif;om;awGudk csD;usL;*kPfNyKaerSm  rvGJygbl;/ qE´xkwfazmfwkef;u ausmif;om;awG ukdifaqmifxm;wJU pmwef;av;udkvnf; *kPf,lpGmeJY azmfNyay;csifrd&JU/ bmwJU/ ] Nynfol ylvQif ausmif;om; raeom } wJU/ ] NynfolYtusdK;ukd aqmif&Gufay;Ncif;onf ausmif;om;wkdY\ wm0efNzpfonf}wJU/ 'Daqmifyk'fawG pGJudkifNyD;   ausmif;om;or8¾[m qE´NyrINzpfpOfwpfavQmufvkH; v,form;awGbufu &yfwnfay;cJUw,f/ v,form;awG&YJta&;ukd olwkdUta&;eJY  xyfwl BudK;yrf;aqmif&Gufay;cJUw,f/

Monday, October 1, 2012

ရွှေစွန်ညို ဘာကိုလိုလို့ ၀ဲပါတယ်




( ((((( အရင်တုန်း ကဘလော့ဂ်မှာ တင်ပြီးသား ပို့စ်လေးပါ။ အောက်တိုဘာလထုတ် ချင်းတွင်းရွှေပြည် ဂျာနယ်မှာ ဖော်ပြခံရလို့ ပြန်တင်ပေးလိုက်တာပါ ) )))))))



“ညှောင့် ..... ညောင့်... ညောင့် .... ညှောင်း..... ညှောင်း..”

စူးစူးဝါးဝါးနှင့်  အဆက်မပြတ် ထွက်ပေါ်လာသော အသံကြောင့် ကျွန်တော် အလိုလို မျက်မှောင်ကျုံ့မိသွားသည်။

အသံက အိမ်ရှေ့ဘက်မှ လာနေခြင်းဖြစ်သည်။  ရပ်သွားသည်ရယ်လို့ မရှိဘဲ  အဆက်မပြတ်ထွက်ပေါ်နေသည်။ သမားရိုးကျ ကြောင်အော်သံမျိုးမဟုတ်ဘဲ ထူးခြားစွာ စူးစူးရဲရဲကြီးအော်နေသည်။

“ အိမ်က ကြောင်လားမသိဘူး။ သမီးရေ.... ထွက်ကြည့်ချေဦး။ တအားအော်နေတယ်”

“ ဟုတ်ကဲ့ဖေဖေ”

သမီးက လှစ်ခနဲ ထွက်သွားသည်။  ခဏနေတော့ ကြောင်အော်သံ ခေတ္တ၇ပ်သွားသည်။ မကြာမီ သမီးက ကြောင်ကို ပွေ့လျက် အိမ်ထဲ ၀င်လာသည်။

“ အိမ်က ကြောင်မလား။ ဘာလို့ ဒီလောက်အော်နေရတာလဲဟ”

Sunday, September 30, 2012

ရူးသွပ်ရင် ဖြစ်မယ် (တဂ်ပို့စ်)





ကျွန်တော်ငယ်ငယ်တုန်းက ရုပ်ရှင်မင်းသားဖြစ်ချင်ခဲ့တာဗျ။ သဏ္ဍာန်လုပ် သရုပ်တူပေးရတဲ့ သရုပ်ဆောင်မှုအတတ်ပညာကို စိတ်ဝင်စားခဲ့တယ်။ ကိုယ်တိုင် သရုပ်ဆောင်ကြည့်တယ်။  မှန်ရှေ့မှာ ရပ်ကြည့် ငိုမလို ရယ်မလို ယောင်ကာမဲ့လိုက်၊ ချိုပလီ ချိုပလီ မူမူနွဲ့လိုက်နဲ့ အိုက်တင်ကျင့်ခဲ့ဖူးတယ်။ ကျွန်တော်ကြိုက်တဲ့ မင်းသားတွေဖြစ်တဲ့ ကျော်ဟိန်း၊ ၀င်းဦး၊ ဒွေး၊ လွင်မိုးတို့ရဲ့ ဟန်ပန်တွေအတိုင်း စကားပြောကြည့်တယ်။ သူတို့ သရုပ်ဆောင်တဲ့ဇာတ်ကားတွေထဲက ဇာတ်ကွက်ထဲမှာ သူတို့ပြုမူလှုပ်ရှားသွားတဲ့အတိုင်း လိုက်လုပ်ကြည့်တယ်။ သူငယ်ချင်းတွေနဲ့ ကျောင်းမှာ ရုပ်ရှင်ရိုက်တမ်းကစားတယ်။ ကိုယ်က မင်းသားဖြစ်လိုက်၊ မင်းသမီးဖြစ်လိုက်၊ ဇာတ်ပို့ဇာတ်ရံဖြစ်လိုက်၊ ဒါရိုက်တာဖြစ်လိုက်၊ ထုတ်လုပ်သူဖြစ်လိုက်နဲ့ ကလေးသဘာဝ စိတ်ကြည်နူးရာ ပျော်ပျော်ရွှင်ရွှင် ကစားခဲ့ကြတယ်။ ဟုတ်သော်ရှိ၊ မဟုတ်သော်ရှိ ငါများ မင်းသားဖြစ်လာလေမလားရယ်လို့  ခပ်ကြောင်ကြောင် လျှောက်လုပ်ခဲ့တာလေးတွေပေါ့။ တကယ်တမ်း စိတ်ထဲက နှစ်နှစ်ကာကာ ၀ါသနာပါတာမျိုး၊ သဘောကျနှစ်ခြိုက်မိတာမျိုးမဟုတ်တော့ နောက်ပိုင်း ပြီးပြီးပျောက်ပျောက်ပဲ ရုပ်ရှင်ကြည့်ရတာလောက်၊ အကယ်ဒမီဆု ခန့်မှန်းရတာလောက်ပဲ စိတ်ပါတော့တယ်။

Saturday, September 29, 2012

အကူအညီတောင်းခံခြင်း

ကျွန်တော့်ဘလော့ဂ်မှာ ဘာဖြစ်တယ် မပြောတတ်ပါဘူးဗျာ။ ပို့စ်တင်လိုက်ရင် သူများ ဘလော့ဂ်တွေမှာ update  မတက်ဘူးဖြစ်နေတယ်။

နည်းပညာကျွမ်းကျင်သူများ  အကူအညီများ မစပေးကြဖို့ တောင်းခံအပ်ပါတယ်ခင်ဗျား။

Sunday, September 2, 2012

အလှည့်


ရနံ့သစ်မဂ္ဂဇင်း၊ အမှတ်(၄၅)၊ စက်တင်ဘာ၊ ၂၀၁၂။



ပန်းချီ - မောင်နိုး
၁။

နွေရာသီရဲ့ ပူပြင်းတဲ့ရာသီဥတုဒဏ်ကြောင့်လားမသိဘူး။ လမ်းမကြီးပေါ်မှာ တိတ်ဆိတ်ခြောက်ကပ်နေတယ်။ ဆယ်မိနစ်တစ်ခါလောက်ဖြတ်သွားနေတဲ့ ကားတွေရယ်၊ ဆိုင်ကယ်တချို့တလေရယ်၊ တစ်ဝမ်းတစ်ခါးအတွက် ဈေးဗန်းခေါင်းရွက်ပြီး မြို့ရိုးကိုးပေါက်ခြေလျင်ဈေးလျှောက်ရောင်းနေတဲ့ ဘ၀တူဈေးသည်တွေကလွဲပြီး လမ်းတွေက ဗလာကျင်းနေတယ်။

ကြောင်တစ်မြီးမဆိုထားနဲ့၊ ခွေးတစ်ကောင်တောင်လမ်းသလားမနေဘူး။ အရိပ်ရတဲ့ သစ်ပင်အောက်မှာတစ်ရေးတစ်မောမှေးစက်အနားယူနေကြတယ်။ ပူပင်ကြောင့်ကြကင်းကင်းနဲ့ အိပ်ပျော်နေတဲ့ ခွေးတွေကို ကြည့်ရင်း ကိုသ်ိန်းမောင်အားတောင်ကျမိသေးတယ်။ ဒါပေမယ့် ခွေးတွေလည်း ဗိုက်ဆာပြီဆိုတာနဲ့  သမုဒ္ဒရာဝမ်းတစ်ထွာအတွက် ရှာရ၊ ဖွေရတော့တာပဲလေ။ ဒီလို အိပ်မနေနိုင်ဘူးမို့လား။ ဒီတော့ ကိုသိန်းမောင် ခွေးတွေကို ကြာကြာအားမကျနိုင်ဘူး။  ကိုယ့်ဝန်စည်စလွယ်ကို မြဲမြဲထမ်းရင်း ၊ ဈေးဝယ်မယ့်လူကို မျှော်လင့်ရင်း  တွေ့တဲ့လမ်းထဲ ကောက်ဝင်လိုက်တော့တယ်။

“တံမြက်စည်း ကြက်မွှေး”

အမှိုက်တွေကပဲ မရှိတော့တာလား၊ တံမြက်စည်းတွေကပဲ ကောင်းလွန်းလို့ တော်တော်နဲ့ အမွှေးတွေ ဖွာမထွက်လို့လားမသိဘူး။ ခုတစ်လော ကိုသိန်းမောင် ရောင်းမကောင်း။ တကယ်ဆို ဒီလို နွေရာသီမှာ ပိုရောင်းကောင်းသင့်တာပေါ့။  ဟုတ်တယ်လေ...။ နွေဦးက လေရူးနဲ့ကျီစယ်လိုက်ရင် အမှိုက်တွေ၊ ဖုန်တွေ၊ သဲတွေဆိုတာ လေနှင်ရာ ဘယ်နှမိုင်မှန်းကို မသိဘူး။  ဒါပေမယ့်   ဘာကြောင့်မှန်းမသိ၊ ကိုသိန်းမောင် အလုပ်မဖြစ်။  ပြောရရင် တစ်လနီးနီးရှိရော့မယ်။ နွေပေါက်ပြီဆိုကတည်းကပေါ့။

အစပိုင်းတော့ ရောင်းမကောင်းဘူးဆိုပေမယ့် အရင်က ရောင်းရထားတာတွေနဲ့ ဖုံးလို့၊ ဖိလို့၊ ဖာလို့၊ထေးလို့ ရသေးတယ်။  ကြာလာတော့ ရောင်းမကောင်းတာကြီးက သိသာထင်ရှားလာတယ်။ ထင်ရှားလာပြီး ဘယ်ကိုသွားထိခိုက်လဲဆိုတော့  အိမ်ကထမင်းဝိုင်းမှာ ဟင်းပန်းကန်ကိုပေါ့။ တစ်ခါတစ်ခါ ငါးပိရ ည်ကျိုနဲ့တင် လွေးရတဲ့နေ့တွေက ရေလို့မမှတ်မ်ိနိုင်တော့ဘူး။

Monday, August 27, 2012

ကိုအောင်မြင့်ကို ပြန်ခေါ်ပေးကြပါ




တိုတောင်း ပြတ်သားလှစွာသော စကားတစ်စုသည် ကျွန်မနှလုံးသားကို ကြမ်းတမ်းစွာ ထိခတ်လာသည်။

သမီးလတ်ထံမှ စကားတစ်ခွန်း။

“ ပြောထွက်ရက်လိုက်တာ”ဟု စိတ်နှလုံးမှ ရေရွတ်ရင်း မခံချင်စိတ်သည် အုံဖွဲ့တည်ရှိရာနေရာ မသိရဘဲ ပေါက်ကွဲ အန်ထွက်လာသည်။

“ ဘာအတွက် မပေးရမှာလဲအေ့။  သူတို့လဲ ငါ့သားနဲ့သမီးပဲ”

 အတန်ငယ်ပြတ်သားတင်းမာနေသည့် ကျွန်မစကားသံကို ကြားရသောအခါ  သမီးလတ်မျက်နှာဖွဲ့စည်းမှုအနေအထားလှုပ်ရှား ပြောင်းလဲသွားသည်။ သို့သော်လည်း ဟန်ကြီးသောသမီးလတ်သည် ချက်ချင်းပင် အမူအရာပြန်ပြင်လိုက်ပြီး

“ ကျွန်မ ပြောပြီးပြီအမေ၊  သူတို့ကို အမွေမပေးနိုင်ဘူး”

“ ဘာဖြစ်လို့လဲ”

Tuesday, August 14, 2012

သုံးဖက်မြင်

ပန်းချီ- ဇော်မောင်

၁။
အောင်ထွန်းစိတ်တွေ ယောက်ယက်ခတ်နေသည်။

အောင်ထွန်း၏ ငွေပျောက်သွားသည်။ အောင်ထွန်းလွယ်အိတ်ထဲတွင် ထည့်ထားခဲ့သော     ငွေငါးထောင်မရှိတော့။ လွယ်အိတ်တစ်ခုလုံးကို  အိတ်သွန်ဖာမှောက်  ရှာဖွေကြည့်သော်လည်း  မတွေ့။ စာအုပ်တွေကြားထဲ ၊  စာရွက်တွေ ကြားထဲ ရှာပြန်တော့လည်း  မတွေ့။

အောင်ထွန်း ရင်တွေ ပူလာသည်။ အာခေါင်တွေက  အလိုလို ခြောက်ကပ်လာသည်။ တံတွေးကို အကြိမ်ကြိမ် မျိုချနေသော်လည်း  မပြေနိုင်ဘဲ ထပ်၍ ထပ်၍သာ  မျိုချနေမိသည်။  ထိုငွေငါးထောင်ပျောက်၍ မဖြစ်ပါ။  အဖေ အောင်ထွန်းကို ရိုက်လိမ့်မည်။ ထို့ပြင် ဤငွေ မှာအောင်ထွန်းတို့ ငွေလည်းမဟုတ်။ လမ်းထိပ် ကုန်စုံဆိုင်မှ ဒေါ်ခင်နွဲ့ကို အကြွေးဆပ်ရမည့်ငွေများဖြစ်သည်။ အောင်ထွန်းက မေ့ပြီး ၀င်မပေးဖြစ်ခဲ့ခြင်းဖြစ်သည်။ သို့နှင့် ညနေကျောင်းဆင်းမှ ၀င်ပေးမည်ဟု စိတ်ကူးကာ လွယ်အိတ်ထဲ ထည့်ထားခဲ့သည်။  ကျောင်းမတက်ခင် ဆော့နေပြီး စာသင်ခန်းထဲရောက်၍ ပြန်ရှာကြည့်သောအခါ ငွေငါးထောင်မရှိတော့။

အောင်ထွန်းစိတ်ထဲ  ၀မ်းနည်းစိတ်က လှိုက်တက်လာသည်။ ပြီး တစ်စုံတစ်ရာကိုလည်း ကြောက်ရွံ့လာသည်။  သေချာသည်က ထိုတစ်စုံတစ်ရာသည် အဖေပင်ဖြစ်သည်။ အဖေ့လက်သံကို အောင်ထွန်းသိသည်။ အဖေမို့လို့ တစ်ခါရိုက်ပြီးလျှင် နှစ်ရက်၊ သုံးရက်နှင့် အရှိုးရာက မပျောက်။  ထို့အတွက်အောင်ထွန်း အဖေ့လက်သံကို ထပ်မံမမြည်းစမ်းချင်လို။

Friday, August 10, 2012

မိမိနှင့်စိမ်းသော နယ်ပယ်များအကြောင်း စာဖတ်ခြင်းဖြင့် ရင်းနှီးနိုင် (လူငယ့်အသံ)

ဖူးငုံဆယ်ကျော်သက်မဂ္ဂဇင်းက ကျင်းပတဲ့ ပုံနှိပ်မီဒီယာနှင့်အွန်လိုင်းမီဒီယာအားပြိုင်ဆွေးနွေးပွဲမှာ ၀င်ရောက်ဆွေးနွေးဖို့ ပြီးခဲ့တဲ့လကုန်ပိုင်းလောက်က ရန်ကုန်သွားရပါတယ်။ ပွဲကျင်းပပြီးနောက်ရက် ဖူးငုံအယ်ဒီတာများက မပြန်ခင်လာခဲ့ကြပါဦးဆိုတာကြောင့် ကျွန်တော်တို့ ပုံနှိပ်မီဒီယာအဖွဲ့သုံးယောက် Myanmar Independent News Journal မြန်မာအင်ဒီပဲန်ဒင့်ဂျာနယ်ရုံးခန်းကို သွားရောက်တွေ့ဆုံခဲ့ကြပါတယ်။ ဆရာမ မသီတာတို့နဲ့ စကားတွေ ပြောနေကြရင်းက မြန်မာအင်ဒီပဲန်ဒင့်ဂျာနယ်သတင်းထောက်(ဖူးငုံဆယ်ကျော်သက်မဂ္ဂဇင်းမှာ စကားဝိုင်းကဏ္ဍကို တာဝန်ယူတင်ဆက်ပေးနေသူ) မတင်တင်အေးက ဝေမိုးနိုင်ကို အင်တာဗျူးမလို့ဆိုတော့ ကျွန်တော့်စိတ်ထဲ လန့်သွားပါတယ်။ ဘာပါလိမ့်ပေါ့။ ပြီးမှ ပွဲအကြောင်းမမေးလိုက်ရလို့များ မေးမလို့လား လို့ တွေးမိပေမယ့် မဟုတ်ပါဘူး။ သြဂုတ်လ၊ ၁၂ရက်နေ့ဟာ အပြည်ပြည်ဆိုင်ရာ လူငယ်များနေ့မို့ အဲဒီနေ့နဲ့ပတ်သတ်ပြီး လူငယ်တစ်ယောက်(ဆယ်ကျော်သက်) ဖြစ်တဲ့ ကျွန်တော့်ကို လူငယ့်အသံကဏ္ဍအတွက် မေးချင်လို့ပါလို့ ဆိုပါတယ်။

ကျွန်တော်က မေးပါလို့ဆိုလိုက်ရပေမယ့် စိတ်ထဲမှာတော့ တဒိန်းဒိန်းနဲ့ လှုပ်ရှားနေပါတယ်။ ဘာတွေများ မေးမှာပါလိမ့်ပေါ့ ။ ကျွန်တော်က စကားသိပ်မပြောတတ်။ ပြောရင်လည်း စိတ်ထဲရှိတဲ့အတိုင်း ဟောဟောဒိုင်းဒိုင်း အားမနာဘဲ ပြောတတ်တော့ လူမုန်းကလည်း သိပ်များတယ် ။ ပြီး ကျွန်တော့်မှာ တင်္ခဏုပ္ပတ္တိ ဥာဏ်မရင့်သန်။ ရုတ်တရက် မေးလာ ပြောလာတာကို ချက်ချင်း ချက်လက်ကျန ပြန်ပြောနိုင်စွမ်းမရှိ။ ဒါကြောင့် မတင်တင်အေးက မေးမယ်ဆိုတော့ ကျွန်တော်လန့်မိတယ်။ ဒါပေမယ့် မတင်တင်အေးက သဘောပေါက်ပုံရပါတယ်။ အေးအေးဆေးဆေးနဲ့ သူမေးချင်တဲ့မေးခွန်းလေးတွေကို မေးသွားတယ်။

မြန်မာအင်ဒီပဲန်ဒင့်ဂျာနယ်မှ လူငယ့်အသံကဏ္ဍ


Thursday, August 9, 2012

ပုံနှိပ်မီဒီယာနှင့်အွန်လိုင်းမီဒီယာအားပြိုင်ဆွေးနွေးပွဲ ဆွေးနွေးချက်များ တတိယပိုင်း

ပါဝင်ဆွေးနွေးသူများနှင့် ဖူးငုံအယ်ဒီတာနှစ်ဦး






ခင်သန္တာ--- ကဲ.. အခု ဆရာတို့ ဆရာမတို့ တစ်ဖက်ကို တစ်ခုစီ beat  ပဲဖြစ်ဖြစ်၊ attack လုပ်တာပြဲ ဖစ်ဖြစ် မေးခွန်းတစ်ခုစီလောက် မေးကြပါဦး။  ဒီတစ်ခါတော့ အွန်လိုင်းက စလိုက်ကြရအောင်။
အော်... ဒါနဲ့ လင်းစက်ရေ..ဒီဘက်က ဆရာတွေက အွန်လိုင်းဆိုပြီး လက်ပ်တော့ပ်တွေနဲ့။ ပုံနှိပ်က ဆရာတွေ၊ဆရာမတွေကလည်း စာအုပ်တွေကိုယ်စီနဲ့

နေဘုန်းလတ်---- ပုံနှိပ်မီဒီယာသမားတွေက ခေတ်ရဲ့ပြောင်းလဲမှုမှာ စာရွက်နဲ့ စာရေးနေတာကြီး၊ ပုံနှိပ်မီဒီယာ ဆိုတာကြီးကို လုံးဝပျောက်မသွားအောင် ထိန်းသိမ်းသွားကြမှာလား၊ ဒါမှမဟုတ် ခေတ်အရ တစ်ခုခုပြောင်းလဲသွားရင်ရော  ဘာတွေများ ပြင်ဆင်ထားပါသလဲ။

နန်းကြာဖြူ----ဆရာ.....ပြောရမယ်ဆိုရင် ကျွန်မတို့ ပုံနှိပ်မီဒီယာက ပေါ်ထွက်လာတာလဲ ကြာပါပြီ။ ဥပမာပြောရရင် မိဘနဲ့တူပါတယ်။ အရင်ဆုံးပေါ်ပေါက်ခဲ့တာပါ။ ဖန်သားပြင် စာမျက်နှာဆိုတာကတော့ နောက်မှ ထွက်ပေါ်တာပါ၊ သူက သားသမီးပါဘဲ၊ သားသမီးဆိုတာက မိဘမရှိပဲ ဘယ်တော့မှ   ဖြစ်မလာနိုင်ပါဘူး၊ အဲ့ဒီသဘောပါဘဲ
 ((((လက်ခုပ်သံများ))))

ခင်သန္တာ---- ကဲ.......ဆရာရေ... အမေခေါ်လိုက်တော့မလား

Tuesday, August 7, 2012

ပုံနှိပ်မီဒီယာနှင့်အွန်လိုင်းမီဒီယာ အားပြိုင်ဆွေးနွေးပွဲ ဆွေးနွေးချက်များ( ဒုတိယပိုင်း)


ဖူးငုံဆယ်ကျော်သက်မဂ္ဂဇင်း က ကြီးမှူးကျင်းပပြီး စာရေးဆရာမလင်းစက်နွယ်စီစဉ်တင်ဆက်တဲ့ ပုံနှိပ်မီဒီယာနှင့် အွန်လိုင်းမီဒီယာ အားပြိုင်ဆွေးနွေးပွဲ ဆွေးနွေးချက်များ(ဒုတိယပိုင်း) ကိုဆက်လက်တင်ဆက်ပေးလိုက်ပါတယ်။ အခုမှ ဖတ်မယ့်ပရိသတ်များ အချိတ်အဆက်မိအောင် ပထမပိုင်း ကိုသွားဖတ်လို့ရပါတယ်။


ခင်သန္တာ--- ဟုတ်ကဲ့။ ပွဲက အခုမှ စမှာပါ။ ခုမှ counter question တွေမေး၇မှာပါ။ ခုနကပြောသွားတာတွေက  debateဆန်ဆန်  argument ဆန်ဆန်မဟုတ်သေးဘူးပေါ့။  ကိုယ့်အားသာချက်လေးတွေကိုပဲပြောသွားကြတာ။ အားနည်းချက်တွေက ဘာတွေလဲလို့ point out လုပ်တာက အခုမှ စမှာ။ ဘယ်ဘက်ကအရင်စမလဲ။ ပုံနှိပ်ဘက်ကစလိုက်မလား။
ကဲ.... ဒါဆို ဆရာမ ခင်ဆုမြတ်ထွန်း စလိုက်ရအောင်။

ခင်ဆုမြတ်ထွန်း--- ခုနက ဆရာနေဘုန်းလတ်ပြောသွားတာ သတင်းတွေက Speed အရမ်းမြန်တဲ့အတွက် အချိန်နဲ့တပြေးညီ ဖတ်ရတယ်ဆိုတာကတော့ ဟုတ်ပါတယ်၊ ဒါပေမယ့် Citizen Journal သမားတွေက လေ့ကျင့်ထားတဲ့ မီဒီယာသမားတွေ မဟုတ်တာကြောင့် media ethic နဲ့ပတ်သတ်ပြီး ဓာတ်ပုံတွေကို လက်ထဲမှာရှိနေတဲ့ electronic device တွေနဲ့ရိုက်ပြီး အွန်လိုင်းပေါ်တင်မယ်၊ သတင်းဆိုရင်လည်း သတင်းအစစ်မဟုတ်ဘဲ စိတ်ခံစားချက်အတိုင်း တင်လိုက်ကြတယ်ဆိုတော့ အချိန်နဲ့အညီ အမြန်တက်လာတာတော့ မှန်ပေမယ့် နောက်ပိုင်းမှာ ပြည်သူတွေက ဒီသတင်းက မှန်သလား၊  မှားသလားဆိုတာ  မသိနိုင်လို့ သတင်းရဲ့တန်ဘိုးတွေ လျော့လာတယ်၊ ဒါကြောင့် သတင်းတစ်ပုဒ်ရဲ့ ခိုင်မာမှုကို၊ မှန်ကန်မှုကို အွန်လိုင်းက ဘယ်လို ရယူမလဲဆိုတာ သိချင်ပါတယ်

Saturday, August 4, 2012

ပုံနှိပ်မီဒီယာနှင့်အွန်လိုင်းမီဒီယာအားပြိုင်ဆွေးနွေးပွဲ( ဆွေးနွေးချက်များ) ပထမပိုင်း


 ၂၀၁၂ခုနှစ်၊ ဇူလိုင်လ ၂၈ရက်နေ့က ရန်ကုန်မြို့ ၊ရွှေဂုံတိုင် ၊ တော်ဝင်နှင်းဆီ ခန်းမမှာ  ဖူးငုံဆယ်ကျော်သက်(teen ) မဂ္ဂဇင်းက ဦးစီးပြီး ကျင်းပခဲ့တဲ့ “ ပုံနှိပ်မီဒီယာနှင့် အွန်လိုင်းမီဒီယာ အားပြိုင်ဆွေးနွေးပွဲ”လေးကို ဖော်ပြပေးသွားမှာဖြစ်ပါတယ်။ ကိုယ်ကိုယ်တိုင် ပုံနှိပ်ဘက်က ပါဝင်ဆွေးနွေးခဲ့တာမို့ ကိုယ့်အမြင်အနေနဲ့မတင်ပြဘဲ ပွဲ အသံဖိုင်ကို ပြန်နားထောင်ပြီး  ပြော သွားသမျှတွေကို အစအဆုံး အတိအကျနီးပါး ( တချို့ မလိုအပ်ဘဲဖောင်းပွနေတဲ့စကားလုံးတချို့ကလွဲရင်) ပြန်လည်ဖော်ပြပေးလိုက်ပါတယ်။



ဆွေးနွေးသူများ
ပုံနှိပ်မီဒီယာ - နန်းကြာဖြူ (ဘားအံ) ၊ ခင်ဆုမြတ်ထွန်း၊ ဝေမိုးနိုင်(မုံရွာ)
အွန်လိုင်းမီဒီယာ- မြသွေးနီ၊ နေဘုန်းလတ်၊ သူရဿဝါ
ကြားခံဆွေးနွေးသူ- ခင်သန္တာ
ပွဲစီစဉ်သူ - လင်းစက်နွယ်
ဖူးငုံဆယ်ကျော်သက်မဂ္ဂဇင်းအယ်ဒီတာများ- ၀င်းငြိမ်း၊ မျိုးမြင့်ညိမ်း၊ မသီတာ (စမ်းချောင်း)
ပွဲရည်ရွယ်ချက်အကြောင်း ပန်းဖလက်
 



လင်းစက်နွယ်----  မီဒီယာလောကမှ စာနယ်ဇင်းသမားများ၊ စာရေးဆရာ ဆရာမများနဲ့တကွ တက်ရောက်အားပေးကြတဲ့ စာဖတ်ပရိသတ်များကို မင်္ဂလာပါလို့ နှုတ်ခွန်းဆက်သလိုက်ပါတယ်။ ကျွန်မကတော့စာရေးဆရာမ လင်းစက်နွယ်ပါ။  ဖူးငုံဆယ်ကျော်သက်မဂ္ဂဇင်းမှာ ကဗျာတွေ ၊၀တ္ထုတွေရေးသားနေပါတယ်။
ကြားခံဆွေးနွေးသူဆရာမခင်သန္တာနှင့် ပွဲစီစဉ်သူဆရာမလင်းစက်နွယ်

ဒီပွဲလေးကို စီစဉ်ကျင်းပရတဲ့ရည်ရွယ်ချက်ကတော့ ကျွန်မတို့teen မဂ္ဂဇင်းက သုံးလတစ်ခါ။လေးလတစ်ခါ ပွဲလေးတွေစီစဉ်ကျင်းပမယ်ဆိုပြီး စီစဉ်ဖြစ်ခဲ့ပါတယ်။ ပထမပွဲကိုတော့ 9th Anniversary ဆိုပြီး ၂၀၁၁၊ စက်တင်ဘာလမှာ တစ်ကြိမ်၊ ၂၀၁၂ဇန်န၀ါရီလမှာ လွတ်လပ်မှု ၊ငြိမ်းချမ်းရေးနှင့်အနုပညာဆိုပြီးတစ်ကြိမ်ကျင်းပခဲ့ပါတယ်။ ဒီပွဲကတော့ တတိယအကြိမ်မြောက်ကျင်းပတဲ့ “ ပုံနှိပ်မီဒီယာနဲ့ အွန်လိုင်းမီဒီယာဆွေးနွေးပွဲ”ဖြစ်ပါတယ်။
အဓိကကတော့ စတုတ္ထမဏ္ဍိုင်လို့ဆိုတဲ့ မီဒီယာလောကဖွံ့ဖြိုးတိုးတက်လာဖို့ ပုံနှိပ်ကရော၊အွန်လိုင်းကပါ တစ်ထောင့်တစ်နေရာစီက ပါဝင်အကျိုးပြုနေကြတာဖြစ်တဲ့အတွက် သူတို့ရဲ့အားသာချက်တွေကိုရော၊အားနည်းချက်တွေကိုပါ ကောင်းစွာသဘောပေါက် နားလည်ဖို့ ရည်ရွယ်ပါတယ်။ လူငယ်တွေက ဘယ်မီဒီယာကို အသုံးပြုရင် ကိုယ်နဲ့ ပိုအဆင်ပြေမလဲဆိုတာ သဘောပေါက်နားလည်ဖို့ စာရေးဆရာ၊ဆရာမများနဲ့စုစည်းပြီး ဒီပွဲလေးကို စီစဉ်တင်ဆက်ရခြင်းဖြစ်ပါတယ်။

Thursday, July 26, 2012

ပု စ္ဆာ



မိုးလေးက တစ်ပြိုက် နှစ်ပြိုက်

ကောင်းကင်ကြီးက မှုန်မှိုင်းမိုက်

ဒီ့နောက်....သဲသဲမဲမဲ ရွာသွန်းလိုက်

လေကလေးက  ပြင်းပြင်းတိုက်

ဥတုက အိမ်တွေကို ခေါင်လှန်ကိုက်

ကပ်မိုးကြားက မိုးစက်တွေ ယိုစီးခိုက်

ချောင်တစ်ချောင်မှာ နှစ်နှစ်အရွယ် မောင်လေးကို ပိုက်

ငိုကြွေးနေတဲ့ကောင်မလေးကို သဘာဝက ခြောက်လှန့်ရိုက်

ဖေကြီး ဘာလို့ပြန်မလာသေးတာလဲ

မေကြီး ဘာကြောင့် သမီးတို့ကို ခွဲသွားတာလဲ

မောင်လေး ဘာကြောင့်ငိုနေရတာလဲ

ဝမ်းဗိုက်ထဲက ဘာလို့ တကျုတ်ကျုတ်ဆာလောင်နေရတာလဲ

မိုးတွေကရော.....ဘာကြောင့် မစဲဘဲ ရွာနေသေးတာလဲ........။         ။


ဝေမိုးနိုင်(မုံရွာ)


Wednesday, July 18, 2012

ပုံနှိပ်စာမျက်နှာနှင့် ဖန်သားပြင်စာမျက်နှာ မီဒီယာအားပြိုင်ဆွေးနွေးပွဲ (ဖူးငုံဆယ်ကျော်သက်မဂ္ဂဇင်းTeen Magazine)


ခုတစ်လော ကျွန်မတို့ရဲ့ ဖူးငုံ ဆယ်ကျော်သက် teen  magazine ကနေ လူငယ်များအတွက် အဓိက ရည်ရွယ်ပြီး သုံးလတစ်ခါ..လေးလတစ်ခါ ..ပွဲလေးတွေ စီစဉ်ပြုလုပ်ပေးလျက်ရှိနေပါပြီ..။ ပထမအကြိမ် ဖူးငုံရဲ့ ၉နှစ်မြောက်နှစ်ပတ်လည် အမှတ်တရအနေနဲ့ စက်တင်ဘာ ၂၀၁၁ မှာ တစ်ကြိမ်၊ ဇန်န၀ါရီ ၂၀၁၂ မှာတော့ “လွပ်လပ်မှု..ငြိမ်းချမ်းရေးနှင့် အနုပညာ ဆွေးနွေးပွဲ”ဆိုတဲ့ ခေါင်းစဉ်နဲ့ ဒုတိယအကြိမ်အဖြစ်ကျင်းပပေးခဲ့ပြီးပါပြီ။  ခုလည်း နိုင်ငံတကာနဲ့ ရင်ဘောင်တန်းနေနိုင်တဲ့ စာပေမီဒီယာတစ်ခု ဖြစ်ထွန်းရေးအတွက်ရော..၊ကျွန်မတို့နိုင်ငံရဲ့  လက်ရှိမီဒီယာလောကကို ထင်ဟပ်စေမယ့်ဆွေးနွေးပွဲလေးတစ်ခုကို ဖန်တီးချင်တာရောကြောင့်ပါ ဖူးငုံဆယ်ကျော်သက်ရဲ့ အယ်ဒီတာ တစ်ဦးဖြစ်တဲ့ စာရေးဆရာမ မသီတာ(စမ်းချောင်း)နဲ့ အတူ ပူးပေါင်းစီစဉ်ခဲ့ကြပါတယ်..။
        တိုးတက်ပြီး နည်းပညာထွန်းကားလာတဲ့ ခေတ်ထဲမှာ ကျွန်မတို့ရဲ့ မီဒီယာဟာ ခေတ်နောက်ပြန်ဆွဲနေလို့ မဖြစ်တော့ပါဘူး။အရင်လို ပုံနှိပ်မီဒီယာတစ်မျိုးတည်းကိုသာ ဖတ်ရှုလို့ အဆင်မပြေနိုင်တော့တာမို့ ..နည်းပညာရဲ့ အကူနဲ့  အွန်လိုင်းမီဒီယာဟာ ပိုလို့နေရာရနိုင်ခဲ့ပြီဖြစ်ပါတယ်။ လူအများစုဟာ အလုပ်ထဲကြုံလို့  အင်တာနက်သုံးရင်းစာဖတ်လိုက်တာမျိုး..လူထု ဆိုက်တွေမှာ စာတွေတင်ကြတာမျိုးနဲ့ အွန်လိုင်းပေါ်မှာတင် စာပေဥယျာဉ်ကြီးတစ်ခု ဖြစ်ထွန်းနေပြီ မဟုတ်ပါလား။ သည်လိုခေတ်ကြီးထဲမှာ ပုံနိပ်မီဒီယာရဲ့ role ဟာကျဆင်းနေလို့တော့ မဖြစ်ပါဘူး။မြန်မာနိုင်ငံရဲ့ စာဖတ်နှုန်းဟာ အင်မတန်နည်းတာမို့  ဘယ်မီဒီယာကိုရွေးချယ်ပါစေ..စာဖတ်ဖြစ်ဖို့ကသာ အဓိက ရည်ရွယ်ချက်တစ်ခုဖြစ်ပါတယ်။ ဒါကြောင့် အဆင်ပြေမယ့် မီဒီယာကိုရွေးချယ်ပြီး ရသစာပေပိုမိုဖွံ့ ဖြိုးရေးအတွက် အထူးရည်ရွယ်ကာ သည်လို ထူးခြားတဲ့ ပွဲလေးကိုစီစဉ်ဖြစ်ခဲ့ပါတယ်..။ဒါဟာ စကားရည်လုပွဲတစ်ခု မဟုတ်ပါဘူး။ မိမိမီဒီယာအတွက် ယုံကြည်စွာဆွေးနွေးခြင်းဟာ သူတစ်ပါးအာနည်းချက်ကို နင်းခြေတာမျိုးမဟုတ်ပဲ...မိမိတို့ရဲ့ အာသာချက် အားနည်းချက်များကိုကောင်းစွာသဘောပေါက် နားလည်ပြီး မီဒီယာလောကကို တစ်နည်းနည်းနဲ့ အကျိုးပြုနိုင်ဖို့ပဲ ဖြစ်ပါတယ်..။
        သည်ပွဲမှာ ပါဝင်ဆွေးနွေးမယ့် စာရေးဆရာ ဆရာမများဟာလည်း ဖူးငုံမှာ ပါဝင်ရေးသားခဲ့ဖူးသူများဖြစ်ပါတယ်..။ ပုံနှိပ်မီဒီယာဘက်မှာ ဆရာ ဝေမိုးနိုင်(မုံရွာ)၊ ဆရာမ နန်းကြာဖြူ(ဘားအံ)နဲ့ ဆရာမ ခင်ဆုမြတ်ထွန်းတို့က ပါဝင်ဆွေးနွေးကြမှာ ဖြစ်ပြီး အွန်လိုင်းမီဒီယာဘက်မှာတော့ ဆရာနေဘုန်းလတ်၊ ဆရာမ မြသွေးနှီ၊ ဆရာ သူရဿဝါတို့ဆွေးနွေးပေးကြမှာဖြစ်ပါတယ်။ ဆရာမ ခင်သန္ထာကိုတော့ အားပြိုင်ဆွေးနွေးကြမယ့် စာရေးဆရာများနှင့်အတူ ပါဝင်ကူညီဆွေးနွေးဖို့ ဖိတ်ခေါ်ထားပါတယ်။  ပွဲချိန်အနေနဲ့ ၂၈ ဂျူလိုင် နေ့လည် ၂နာရီမှ ၄နာရီအထိ.ရွှေဂုံတိုင်က...တော်ဝင်နှင်းဆီ စားသောက်ဆိုင်ရဲ့ ခန်းမမှာ ကျင်းပပြုလုပ်သွားမှာမို့  စိတ်ဝင်စားသူမည်သူမဆို ၀င်ကြေးအခမဲ့ တက်ရောက်နိုင်ပါတယ်..။ ထူးခြားတာတစ်ခုက သည်ပွဲမှာ ပါဝင်ကူညီဆွေးနွေးကြဖို့  ပရိတ်သတ်များကိုပါ ခင်းကျင်းပေးမှာဖြစ်ပြီး ..ဆွေးနွေးသူတစ်ဦးချင်းစီအတွက် ဖူးငုံစာအုပ်လက်ဆောင်ချီးမြှင့်သွားမှာဖြစ်ပါတယ်။
         လွတ်လပ်ပွင့်လင်းစွာနဲ့ မိမိရဲ့ အမြင်ကို ကျွန်မတို့တွေနဲ့ အတူတူမျှဝေနိုင်ဖို့ ..ရသစာပေထွန်းကားရေးနဲ့  ပြည်သူများအတွက် မိမိတို့နဲ့ အကိုက်ညီဆုံးမီဒီယာကို ရွေးချယ်ဖတ်ရှူနိုင်စေဖို့ ကျွန်မတို့ရဲ့ မီဒီယာအားပြိုင်ဆွေးနွေးပွဲလေးကို အရောက် တက်လှမ်းကြပါလို့ စာချစ်သူများကို ဖိတ်ခေါ်လိုက်ပါရစေ..။

အယ်ဒီတာ - မသီတာ(စမ်းချောင်း)၊ ဦးမျိုးမြင့်ညိမ်း
စီစဉ်သူ     -လင်းစက်နွယ်
အချိန်       - ၂၈.၇.၂၀၁၂ (စနေနေ့) နေ့လည် ၂မှ ၄ အထိ
နေရာ       - တော်ဝင်နှင်းဆီ၊ ရွှေဂုံတိုင်၊ဗဟန်းမြို့ နယ်
ပါဝင်မည့်သူများ -

ပုံနှိပ်မီဒီယာ - ဆရာဝေမိုးနိုင်(မုံရွာ)၊ ဆရာမ နန်းကြာဖြူ(ဘားအံ)၊ ဆရာမခင်ဆုမြတ်ထွန်း

အွန်လိုင်းမီဒီယာ- ဆရာနေဘုန်းလတ်၊ ဆရာမ မြသွေးနီ ၊ ဆရာ သူရဿဝါ



ဒီစာလေးကတော့ ပွဲစီစဉ်သူ စာရေးဆရာမ လင်းစက်နွယ်ရဲ့ ဖေ့စ်ဘွတ်ပေါ်က noteလေးပါ။ တက်ရောက်နားဆင်နိုင်သည့် အခြေအနေရှိသူတိုင်းကို ဖိတ်ခေါ်ပါသည်။
ဝေမိုးနိုင်(မုံရွာ)

Monday, July 16, 2012

“ မြန်မာ့အာဇာနည် ”

ဒီစာအုပ်လေးက အာဇာနည်နေ့အကြောင်း ကာတွန်းလေးပါ။

၁၉ဇူလိုင် မမေ့နိုင်

မျက်ရည်သွန်းဖြိုး တဖြိုင်ဖြိုင်

အာဇာနည်များ ကျဆုံးကြ

မြန်မာ့သမိုင်းမှာ ဖျောက်ဖျက်မရ

နယ်ချဲ့ကျေးကျွန် သူယုတ်မာ

ရိုင်းစိုင်းပက်စက် ကြံဝံ့တာ

ဗိုလ်အောင်ဆန်းနှင့်ညီနောင်တစ်စု

ပြည်သူ့ထံမှ ခွဲခွာမှု

လွတ်လပ်ဖို့ရေး ကြိုးပမ်းတာ

ရဲရဲဝံ့ဝံ့ မနေမနားပါ

ကိုယ်ကျိုးမဖက် ပြည်သူအတွက်

အာဇာနည်တို့ ဆောင်ရွက်ချက်။            ။


ဝေမိုးနိုင်(မုံရွာ)

(၆၅) နှစ်မြောက် အာဇာနည်နေ့အမှတ်တရ

Wednesday, July 11, 2012

လွင်ပြင်ဆည်းဆာ စိမ်းလန်းစွာ

ခိုင်ရွှေဝါနဲ့ နှင်းဆီ
သနပ်ခါးပင်


နှင်းဆီနက်ဟု ဆိုသည်။
 အဘွားအို
ပန်းပင်တစ်အုပ် 
အလုပ်ရှုပ်နေပေါ့။

စံပယ်၊ နှင်းဆီ ၊ ဇီဇ၀ါ ၊ သနပ်ခါး၊ 
ခိုင်ရွှေဝါနဲ့သစ်မင်း
အလှချင်းတွေပြိုင်ကုန်ကြ
မွှေးရနံ့တွေသင်းပျပျ
စိမ်းလန်းခြင်းက အေးမြမြ
မာနတွေ ခ၀ါချမိရ
ဒေါသတွေ အရည်ပျော်ကျ
လောဘတွေ လောင်မီးကျ
ရိုးတံစိမ်းစိမ်း သစ်ရွက်စိမ်းစိမ်းကြား
ပန်းပွင့်လေးတွေက ဖြူနီညိုပြာ ယိမ်း
သစ်ပင်တွေ ပထ၀ီမြေထုအောက်
 နစ်မြုပ်ပျောက်ကွယ်စပြုနေတဲ့အကြောင်း
ပင်လယ်သမုဒ္ဒရာတွေကောင်းကင်အထက် 
ထွက်ပြေးပုန်းရှောင်နေတဲ့အကြောင်း
မြေဆီလွှာတွေ ကိုလိုနီနယ်မြေရှာဖွေနေရတဲ့အကြောင်း
အဘွားအို တစ်ခုမှ မသိ
သူသိတာ အေးချမ်းတာ၊ သာယာတာ၊
နှလုံးစိတ်ဝမ်း ရွှင်လန်းနေတာ
ကြည်ကြည်နူးနူး ရယ်ရယ်မြူးမြူး
ဆူးစူးတာတောင် အပြုံးမပျက်ဘူး
အဘွားအို ရင့်ကျူးတယ်
ဒီဒုက္ခတော့မမှုဘူးတဲ့
ဟိုနားစိမ်းစိမ်း၊ ဒီနားစိမ်းစိမ်း
မြင်သမျှဟာ စိမ်းနေတယ်
ကြာရင် ငါပါစိမ်းသွားတော့မှာ 
ငါပါ သစ်ပင်တစ်ပိုင်း ပန်းပင်တစ်ပိုင်းဖြစ်သွားတော့မှာ
ဒါကြောင့်  သူတို့အတွက် ငါ  အမျက်ထွက်စရာမလိုဘူးတဲ့
ကြားရ နားဝချမ်းမြေ့စရာ
မြင်ရ ဘ၀င်က ကြည်မွေ့ချင်စရာ
အနာဂတ်ဟာလည်း လှလှပပ စိမ်းစိမ်းမြမြ
ပုတီးတစ်လက် ပန်းတစ်ခက်နဲ့ 
ရှုမျှော်နေတာ ညိုမှောင်ရီဆည်းဆာ
ငြိမ်းချမ်းရေးဟာ သံလွင်ခက်မလို ၊ ချိုးဖြူငှက်မလိုဘဲ
အဘွားအိုရဲ့ နံဘေးမှာ....။

ခုလည်း 
အဘွားအိုဟာ  
ပန်းပင်တစ်အုပ်နဲ့အလုပ်ရှုပ်နေတာ..........။           ။

ဝေမိုးနိုင်(မုံရွာ)

Tuesday, July 3, 2012

ပွင့်ချိန်တန်လျှင်

 ဒီနေ့(၃.၇.၂၀၁၂)။ မဂ္ဂဇင်းစာမျက်နှာပေါ် ကျွန်တော့်စာမူလေးစတင်ရောက်ရှိတာ လေးနှစ်တိတိပြည့်တဲ့နေ့။
အမှတ်တရအနေနဲ့ ပထမဆုံးပုံနှိပ်စာမူလေးကိုပြန်လည်တင်ပေးလိုက်ပါတယ်။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
အိမ်မှာပွင့်တဲ့ စံပယ်ပန်းလေး
   ရယ်ရအခက်၊ ငိုရအခက်ပဲ။ ကြည့်ရတာလည်း ဟာသပဲ။ ချစ်ချစ်ရယ်လေ.... .အစ်ကိုကြီးသမီးနဲ့ အရုပ်ပြိုင်လုနေလေရဲ့။ ဟိုကောင်မလေးက အခုမှ ငါးနှစ်ပဲ ရှိသေးတာ။ ချစ်ချစ်က နှစ်ဆယ့်ငါးနှစ်ကျော်နေပြီ။ အစ်ကိုကြီးကလဲ ရယ်ပြီး ကြည့်နေတယ်။ အစ်ကိုကြီးမိန်းမကတော့ အစ်ကိုကြီးကို တစ်လှည့် ၊ချစ်ချစ်ကိုတစ်လှည့် မျက်စောင်းထိုးနေလေရဲ့။
                         ကျပ်မပြည့်တဲ့ ကောင်မလေးဆိုပြီးချစ်ချစ်ကို တစ်မိသားစုလုံးက အလိုလုိက်ထားကြတယ်။ ချစ်ချစ် ဘာလုိချင်လဲ၊ ချစ်ချစ် ဘာဖြစ်ချင်လဲ၊ အကုန် လုပ်ပေးတယ်။ ထမင်း၊ ဟင်း မချက်ခိုင်းဘူး။ အိမ် အလုပ် မလုပ်ခိုင်းဘူး။ အိမ်မှာ ပေါ် ကြော့ပဲ။ စားလုိက်၊ သောက်လိုက်၊ အိပ်လိုက်နဲ့ ဟန်ကိုကျလို့။
                          မွေးစကတော့ ချစ်ချစ်ကို ကျပ်မပြည့်မှန်းမသိကြဘူး။  အဲ......ချစ်ချစ် ခုနှစ်နှစ်၊ ရှစ်နှစ် အရွယ်ေ၇ာက်တော့ ကျောင်းစာတွေမှာလဲ မလိုက်နိုင်၊ တခြားကလေးတွေလုိ အရွယ်နဲ့ အညီ တွေးခေါ်ပြုမူနိုင်ခြင်း မရှိတာကို မိဘတွေ တဖြည်းဖြည်း သိလာပြီး ပညာရေးကို လျစ်လျူရှုခဲ့ရတော့တယ်။ ဒီလိုနဲ့ ချစ်ချစ်ဟာ မိသားစုရဲ့ ကရုဏာကြောင့် အိမ်မှာထင်တိုင်းကြဲလာတော့တာပါပဲ။ အရင်ကတည်းက အဖေ ၊ အမေတွေရဲ့ အသည်းကျော်၊ ခုလို ဖြစ်လိုက်တော့ အသနားပိုပြီး အလိုလိုက်ထားကြတော့တာပေါ့ ။

Thursday, June 28, 2012

ကြယ်ပျိုးဥယျာဉ်

from Google

တက္ကသိုလ်တဲ့လား
အမျိုးအစားတော့ အထွေထွေရှိတာပေါ့
ဒါပေမယ့် တက္ကသိုလ်က တက္ကသိုလ်ပါပဲ
တက္ကသီလ တက္ကသိုလ်ကနေ
ပညာတတ်တွေ ထွက်ခဲ့တယ်
ပညာရှင်တွေ ထွက်ခဲ့တယ်
ပညာရှိတွေ ထွက်ခဲ့တယ်
ဗိုလ်ချုပ်အောင်ဆန်းလည်း တက္ကသိုလ်ကျောင်းသားဘ၀ကလာတာပဲ
ဦးနုလည်း တက္ကသိုလ်ကျောင်းသားပဲ
ဦးသန့်လည်း တက္ကသိုလ်က ဘွဲ့ရတာပဲ
ဇော်ဂျီလည်း ဒီဘ၀ကပဲ
မင်းသုဝဏ်လည်း ဖြတ်သန်းခဲ့ဖူးတာပဲ
ဒေါ်အောင်ဆန်းစုကြည်လည်း အောက်စဖို့က ဘွဲ့ရတာပဲ
ကိုမင်းကိုနိုင်လည်း တက္ကသိုလ်ကျောင်းသားပဲ
............................လည်း တက္ကသိုလ်ကျောင်းသားပဲ
............................လည်း ဒီဘ၀ကလာတာပါပဲ
တက္ကသိုလ်လာရတဲ့ ရည်ရွယ်ချက်က
ပညာသင်ဖို့၊ ပညာရဖို့၊ ပညာရှာဖို့၊ ပညာရယူဖို့
ပညာဆည်းပူးဖို့၊ လေ့လာဖို့၊ မှတ်သားဖို့
တတ်မြောက်ဖို့၊ နားလည်ဖို့၊ ကျွမ်းကျင်ဖို့၊ လက်တွေ့အသုံးချနိုင်ဖို့....။
မြေလတ်မောင်မြင့်သူက အလင်းဆုံးကြယ်ဟာ လူငယ်တဲ့
ဒါဆိုရင် လူငယ်တွေရဲ့ တက္ကသိုလ်ဟာ
ကြယ်ပျိုးဥယျာဉ်ကြီးပေါ့
ကြယ်ဖြူ၊ ကြယ်ဝါ၊ ကြယ်ပြာ၊ ကြယ်စိမ်း
အရောင်အမျိုးမျိုး လိမ်းကျံထားကြတယ်။
တစ်ချိန်မှာ ကောင်းကင်ယံထက် အနှိုင်းအဆမဲ့ လင်းလက်ဖို့
တစ်ချိန်မှာ အားလုံးကို ရှေ့ဆောင်လမ်းပြနိုင်ဖို့
တစ်ချိန်မှာ စကြ၀ဠာကြီးတစ်ခုလုံးကို ဦးဆောင်ဦးရွက်ပြုဖို့
ကြယ်လေးတွေဟာ ဥယျာဉ်ကြီးမှာ ပျိုးထောင်ခံရ
ကိုယ့်အားစိုက်ထုတ် ပျိုးနုတ်ကြရ၊ ပေါင်းသင်ကြရ
ရေလောင်းပေးခံကြရ
ဒီလိုနဲ့ တစ်ချိန်မှာလင်းလက်လာမယ့်ကြယ်လေးတွေပါ
ဒါပေမယ့် မလင်းခင် ကြယ်ပျိုးပင်ဘ၀က
မကြွေလွင့်ဖို့ ကိုယ့်ကိုယ်ကိုယ်
ထိန်းကျောင်း ပဲ့ပြင် သွန်သင် ဆုံးမ
ကိုယ့်ဘ၀ကိုယ် လှစေဖို့ပေါ့
ဦးခေါင်းကို မော့ထား
ရင်ဘတ်ကို ကော့ထား
ဦးနှောက်ကို ရှင်းလင်းထားပြီး
ပညာကိုရှေ့ရှု  တက္ကသိုလ်ကို အမှူးပြုဖို့
အားစု စိုက်ထုတ် ကြိုးပမ်းဆောင်ရွက် ကြပါစို့။         ။

 ဝေမိုးနိုင်(မုံရွာ)